بارك الله لمن اذا باع سمحا
8
2
إضغط هنا للإخفاء
السلام عليكم ورحمة الله
اليوم حبيت اكتب لكم هالموضوع وهو نصيحه وايضا ناتج عن تجربة شخصيه مني
ولاارغب الى الفائده
كلنا سمعنا الحديث اللي يقول ( بارك لمن اذا باع سمحا واذا اشترى سمحا )
للاسف انا ماطبقته ودفعت الثمن غالي !! وراح تعرفون كيف في نهاية المووضوع
هالقصه حصلت لي قبل ٣ سنين ولحقتني تبعاتها حتى قريب
قبل ٣ سنوات شريت لكزس ٤٣٠ نظيفه ٢٠٠٥
وحبيت ابيعها بعد فتره بسيطه
وعرضتها هنا بموقع حراج ولاكتب الله ابيعها عن طريق الموقع
قابلني شخص بالشارع واشرلي للبيع ووقفت واخذ رقمي
وصار يدق علي واتفقنا ع البيع ب ١٠٨ الاف بعد الفحص
المهم رحنا نفحص وطلع كل شي تمام. قالي انا خلاص شريت تبي عربون قلت لا جيب فلوسك كامله وانا انتظرك
قالي خلاص نهاية الاسبوع اكون عندك لأن عمله خارج الطايف
و اتفقنا وكلن راح في طريقه وانا خارج من الورشه لابد اجباري امر من شارع المعارض ووقفني شريطي وقلب السياره وعجبته قلت له مسيومه ١٠٨ فرق السومه ب ١٠٠٠ ريال
وكلمت الرجال اللي فحص وزعل قالي انت عطيتني النيه وقلت له انا بتزوج ومحتاج الريال انا ببيعك بنفس السومه ١٠٩. ورفض قلت عطني حسابك احولك حق الفحص رفض
قلت الله يستر عليك
وهنا كانت نقطة التحول من بيعة مباركه للكزس حيث اني ماخسرت فيها شي يعني بعتها برأس مالها مع اني استخدمتها ٦ شهور
وشريت فياقرا ٩٩ s500 والله ياااخوان طلعت كل اللي وراي وقدااامي. خسرت عليها خساره لاتصدق وكانت تخرب بشكل غريب وكل مااصلح شي يخرب شي لدرجة اني تعقدت حتى ماهي راضية تنبااع نشبت في حلقي وتورطت اضطريت اني اصلحها
وفي الاخيربعد استخدام سنتين بعتها بخساره اكثر من ٤٥ الف ريال
وكنت حاااااس انه عقاب من الله لأنه كل ماايخرب شي مدري ليش اتذكره صابني تعذذذيب للضمير وندمت ااااشد الندم
فوالله يااخوان نصيحتي لكم خلوكم سمحين واذا نويتم لاتردونها لعل الله يبارك لكم في مالكم
وصل الله على سيدنا محمد ..
إبلاغ
الردود
والواحد ما يتعلم الا اذا جته مصيبه وحس بالخطا
1
0
0
1
5
0
طبعا اكيد ماني مجبور اشتري سلعته لكن فيما معنى الحديث رحم الله رجلا اذا باع سمحا ..
** والله قبل فتره كنت عارض جهاز للبيع ب 800 المهم كلمني الرجال واتفقت معه على البيع واعطيته نية البيع وبنفس اليوم
جاء واحد وشاف الجهاز وقال بعطيك فيه 1000 ريال اللحين تندفع لك قلت له الجهاز اعطيت نية لبيع لواحد ثاني والله يبارك لك في غيره
وسبحان الله ربي بارك لي في ال 800 ريال والله .. فنصيحة أخ اذا نويت البيعه لشخص وجاتك سومه اعلى مهما كان خلاص خل كلمتك وحده وبع باللي نويت ..
1
0
لكن اتوقع الرجال هو الغلطان لو عطاك عربون افضل .. وانت لو اخذت العربون افضل وافضل
بس ماالومك وانت ماقصرت اتصلت عليه وكنت تبي تحوله فلوس الفحص..
__
هذا باذن الله خيره لك يمكن ربي بيدفع عنك بلاء ومو شرط تكون من السالفه هذي
قول الله يعوضني خير واحمد الله ع كل شي
1
0
0
0
ارجع لكلام راعي الموضوع الشاري عرض عليه عربون وهو رفض
0
0
0
0
سيارتي عرضتها للبيع شريتها بـ 14.000 صيده
يعني مهي قيمتها اللي مثلها على 17 الى 22
اشتغلت عليها وطلعت قيمتها وضعف قيمتها وعرضتها هنا للبيع بـ 13
والاعلان اللي قبلي وبعدي مواتر معدومه وعلى 17
ومع ذلك يبخسون فالسعر يبغا يعلمني انه اشطر مني فالشرا
انا يا مريض عارضها بالسعر ذا عشان اساعدك وابغاك تستفيد مثل
ما استفدت منها
هو يحسب ان الغالي المعروض انظف ما درا ان كله سوا
قبل 10 سنه و 4 شهر