عـيـوب ومـشـاكـل سـيـارات مـرسـيـدس

11 43

لايمكنك التصويت حتى الحصول على 20 نقطة على الأقل
إضغط هنا للإخفاء

t o m a h a w k 761
قبل 10 سنه و 2 شهر

السلام عليكم ورحمة الله وبركاته ..


عندما نريد أن نحكم على شي معين لابد أن تكون هناك دلائل ورؤى تثبت وتُعرض لنصل الى الحقيقة المراد الوصول إليها ، فعلماء البحث العملي عندما يُريدون أن يثبتوا شيئاً لابد ان يخضع ذلك لدراسات ومشاهدات حتى يصل الباحث الى الهدف المنشود .
فأنا هنا لست باحثاً إنما مبين وموضح فقط لما أراه شخصياً قد نجد هناك اشخاص وشركات غربية تقوم بعمل دراسات عن منتج معين وتقوم بعمل التصنيف له من حيث جوده المنتج ، فبعد تمعن والتركيز ومن خلال ما سمعت وقرأت بأن شركة مرسيدس هي الأكثر سيارات جودة وإعتماد ومن افضل السيارات ميكانيكيا وإلكترونياً ، ومن ناحية أخرى من خلال ما سمعت وقرأت وشاهدت وأستخدمت بأن مرسيدس هي عكس مايقال عنها بل هي الأكثر تعقيداً في المشاكل


فنحن نؤمن بأن شركة مرسيدس شركة عملاقة وسيارات اكثر من رائعة ولها حسناتها التي انا هنا لن اقوم بعرضها لانها غنيه عن التعريف لكل شخص ومستخدم

ما احببت ان اعرض هنا بعض مشاكل سيارات مرسيدس من خلال ما قرأت في المنتديات ليكون مصدراً لي ولكم بالإضافة الى استخدامي لسياره مرسيدس وما شاهدتة على ارض الواقع ومن تجارب بعض الأصدقاء

فـ هنا مجموعة من مشاكل المرسيدس التي تتصف بالعملانية والجوده والاكثر اعتماداً و التي صادفت ملاكها وعرضوا هذه المشاكل على المنتديات بعد أن يأس البعض من ورش الصيانة ..

ووجدت من خلال هذه المشاكل الكثير من المشاكلات الكهربائية والميكانيكية لا يتوصل اصحابها الى حل جذري للمشكلة على عكس السيارات الاخرى التي من الممكن حل مشاكلها بسهوله وايضاً مشاكلها في الغالب واضحه وسهله الحل

فلمذا كل هذا التعقيد وصعوبه الحل على الرغم ان بعض المشاكل تصادف سيارات خاليه من التعقيدات و الإلكترونيات ووجود سيارات اخرى اكثر منها تعقيداً ولكن لاتصل الى هذا الحد من المشاكل والتعقيد في الحل ؟!


سوف أجزء الموضوع الى جزئين من الدلائل :
الأول : المشاكل في المنتديات .

ثانيا : ماشهدتة وتجارب الأصدقاء .


الأول / المشاكل في المنتديات :

ــــــــــــــــــــــــــــــــ 1

مرسيدس S320L موديل 97 فل كامل .

السياره هاذي حبيتها لكن ماتهنيت فيها للأسف.

لأن من اول ماشريتها وهي من ورشه إلا ورشه لدرجه اني ما أذكر استخدمتها شهر كامل .

الحمد لله على كل حال .


ــــــــــــــــــــــــــــــــ2

مرسيدس إس 320 موديل 2003 كمانا من الوكالة اخدينها بكرتها
طبعاً دي السنتين بدأت تطلب فلوس
يعني خراباتها زادت حبتين

ماعندنا أوروبي غير دا
لانو احسن شي صراحة في الصيانة الياباني


ــــــــــــــــــــــــــــــــ3
بنز 500 كوبيه 92
سيارة لا يعلى عليها وراد الماني ممتازة مايعيبها شي بس تسخن بالنهار وانا مافيني حيل ورش بعتها

ــــــــــــــــــــــــــــــــ4
يا اخوان ما ادري من وين ابدا انا معي مرسيدس فرخ شبح المهم المكيف بالسيارة ممتاز ميكانيكيا وتقنيا وشغال 100 على 100 بس ما فييييييييييييه تبرييييييييييييييييييييد رحت عند الكهربائييين قالولي فيه تسريب للفريون المهم ضغطوها هواء وصلح التنسيم وعباها فريون السيارة تبريدها تمام يومين فقط بعدين يروح التبريد هواء من دون تبريد ارجعها للورشة يقولي ما فيها شي ويعبي فريون وبعد يومين نفس السالفة علما اني ماخذها عند 5 اخصائيين وما زالت المشكلة موجودة رغما انهم صلحو ورقعو جميع الليات بالمكيف وما فيه تنسم ويييييييييييييييييين يروح الفريون

ــــــــــــــــــــــــــــــــ5

عندي مرسيدس (320 s) فية مشكلة

المشكلة ان دفع مروحت التبريد (المكيف) ضعيفة

ماهو الحل وكم تكلفة الاصلاح ؟

ارجو الاجابة بالتفصيل ياخبراء المنتدا

ــــــــــــــــــــــــــــــــ6
مشكلة عجز عنها أكبر كهربائي

مشكلتي بدأت عند شرائي مرسيدس 300 موديل 88وهذة السيارة نضيفة جدا من بودي وداخلية ولالالالالالالاكن المشكلة الكبرى وهي أن السيارة عندما أكون ماشي بها تطفأ فجأة وكانت البداية تطفأ مرة بالاسبوع ولكن زادت المشكلة فأصبحت تطفأ يوميا وقد أحرجتني السيارة كثيرا مرات تطفا عند الاشارات الضوئية ولكن الادهى والامر أن السيارة عرضتها على ستين ألف مهندس لم اتوصل ألى أي نتيجة داخل تبوك وايضا دول مجاورة الأردن والشام ولم اتوصل الى أي نتيجة وهي عندما تنطفئ تشتغل بسرعة

ــــــــــــــــــــــــــــــــ7
انا عندي مرسيدس E320 ما حد عارف ويش فيها
احيانا اذا مسك بريك قوي و تقريبا توقف السيارة ( عند مطب مثلا) السيارة تكتم واحياناً تطفي
شيكت المكينة اكثر من مرة و وديتها فحص شامل هم مرتين وبالكمبيوتر و الكل قالي ما فيها شيء
احد عنده اقتراح

ــــــــــــــــــــــــــــــــ8
انا شريت مرسيدس560 كامل المواصفات قبل شهرين طبعا من اليابان والحمدلله كل شي تمام الا شغلتين معقدتني للغاية وهي مشكلة الحرارة في هذا الوقت فوق ال80 درجة والجو صقيع في الكويت
والثانية وهي الاهم بالنسبة لي وهي صرفية البانزين الغير طبيعية حيث ان السيارة تقطع 330 كم بسرعة 160 ثابت وطبعا قالو لي الاخوان المجربين انها تقطع حوالي 480 الى 500 كم وقالو ايضا مجمع البخاخ خربان مع ان السيارة ماشية 100.000 الف كم طبعا رحت للسكراب وغيرت المجمع لكن نفس الصرفية

السيارة شد بلد مثل يا يقولون
غيرت بلاكات
بواجي
وايرات البلاكات
فلتر البنزين
فلتر هواء
ربل صبابات

هذا اللي سويته

الحين ابي فزعتكم باسرع وقت

في النهايه المشكله لم تنحل

ــــــــــــــــــــــــــــــــ9
عندي سياره شبح موديل 1994 اس اي ال 320


من شهر ولمبة الاي بي اس شغاله وتشتغل معاها تلقائيا لمبة الاي اس ار والدركسيون يثقل معاي


فحصتها كمبيوتر ماطلع شيء والحساسات سليمه والكمبيوتر مافيه شيء

المشكله ماتولع اللمبه الا بعد ماامشي بالسياره ربع ساعه او عشر دقايق او لما اخذ مطب اولفه


وذا رجعت وطفيت السياره وشغلتها مره ثانيه تختفي اللمبه وهكذا


والله مليت بصراحه ومدري وش اسوي

ــــــــــــــــــــــــــــــــ10
السيارة مرسيدس ابو عيون 240 E موديل 98

المشكلة كانت في السيارة من العام الماضي لما كانت مراوح التبريد الأمامية احياناً تعمل واحياناً لاتعمل

وكان الكمبرسر ما يشتغل لما المرواح ماتشتغل إلا إذا سرعت بالسيارة و كان الكمبرسر يشتغل وإذا وقفت يفصل

وطبعاً احترت من وين المشكلة وبعدين غيرت المرواح الأمامية لما غيرتها كان المكيف تمام والمرواح شغاله تمام

والسنة هذي لما جا الصيف شغلت المكيف وكان تمام وبعض الأحيان وانا امشي الكمبرسر يطفي مره وحدة ويكون هواء بدون تبريد والمرواح كانت شغاله

ولما اشيك عليها لما يطفي الكمبرسر تكون المرواح موقفة

ولما اطفي السيارة وارجع بعد فترة يشتغل تمام واحيان يرجع زي ما كان


والمشكلة هذي حصلت عدة مرات وخاصة لما اوقف السيارة في الشمس

الأشياء اللي سويتها للسيارة اني بدلت الفريون وفلتر الهواء وشيكت على الفريون إذا كان فيه تهريب

ورحت إلى ورشة المعلم وقال لي احتمال يكون الفريون اللي في السيارة مايكون نفس رقم الفريون او المواسير وسخانه
وبدل لي الفريون وبعدين صار المكيف ابرد من قبل والمشكلة الأساسية لازالت كما هي

ورحت له للمرة الثانية قال انه بشيكها بالكمبيوتر ولا طلع عنده شي

ــــــــــــــــــــــــــــــــ11
عندى سياره مرسيدس موديل 93 شبح 320 الحين بالحر امش بدون مكيف الحراره زينه اشغل المكيف الحراره ترتفع مره تصل 100 و110
وتبدأ يرتفع الصوت وينخفض لحاله مع العلم انى سويت تسيخ وتنظيف ادريتير والمراوح شغاله وكل شي تمام وغيرت البلف لأقل درجه وما ادرى اش
هدى المشكله مره تعبان ومضايقتنى مره انا توني جايبها من ابوظبى من شهر انا بالرياض وتدرون كيف الحراره ولا يمكن امشى من غير مكيف

ــــــــــــــــــــــــــــــــ12
قد سبق وقد اخبرتكم اني دخلت سيارتي للورشه وغيرت جميع الصوف والكلتش وسابقا الحرارة ماكانت تتعدى 80 الان تتعدى 85

ويقول لي عادي وكل مازدت السرعه ارتفعت الحرارة المهم المشكله هذه صارت لي امس وكرهت منها السيارة

انا متجه للدمام في الخط شفتم العداد حق الزيت اللي فيه 3 2 1 0 اللي في الطبلون


شوي وانا امشيء الا الامبير على 0 ومولعه اللمبه الحمراء على طول طفيت السيارة وكلمت الورشه في الدمام قال جيبها بسطحه


سحبتها له ,,, شيك لي على الزيت المكينه والقير وكله طلع تمام



انا خفت ان المكينه خبطت لانه دعس لها وتسمع صوت ضرب في المكينه سالته وش هذا ؟ قال هذه البساتم الزيت مايوصل كله للمكينه طيب وش المشكله؟؟

قال احتمال طرمبة البنزين . قلت له غيرها طيب قال اوكيه قال لي فيه قطعه بلاستك اتوقع انها مكسورة في المكينه احنا بنغير الطرمبه واذا طلعت سليمه من القطعه هذه وبنفك المكينه

وبصراحه يااخوان كرهت السيارة ومالي خلق له هذا انا وبين الجبيل والدمام كيف لو اني على خط سفر الموووووتر نظيف من الى خاسر عليه حلو 7000 ريال كل شيء جديد مغيره

ــــــــــــــــــــــــــــــــ13
بالله وش حل هذي المشكله دامكم في سالفة المرسيدس

لما تكون السياره بارده ما ترضى تشتغل بسرعه ..........

بدلت الايرماس ،فلتر الهوا ، وشيكت على السلف وطلع تمام، وغيرت البواجي وسويت تنظيف للبخاخات مرتين .. ولافي فيده ...... مش عارف شالسالفه

ــــــــــــــــــــــــــــــــ14
بالنسبه لبريكات المرسيدس فهيه معروفه بالاصوات والصفير (حتى لو مبدل وخارط البريكات----سفايف و درامات)
......
مرسيدس 280 2007
من مساوئ السيارة إن مكيفها مايسوى بريال..الرجال مأشر المكيف على 23 ومايبرد بسرعة مثل سيارتي اليابانية للأسف الأوروبي بشكل عام ماله بالتكييف
مطورين القوة والثبات وأنطمة سمبتيك ونسوا المكيف
وللأسف الشديد لايوجد شاشة ملاحة وإنما يوجد نظام كمبيوتر رحلات..

أيضا لاحظت شيء آخر وهي شكوى الناس من فراملها صحيح فراملها قوة لكن يطلع صوت........
لما أكون ضاغط البريك بقوة بعدين أفلت على شوية شوية وعلى فجأة يطلع صوت رجة قوية!!!!!!!! هذا والسيارة ماشية 14 ألف كيلو فقطط

ــــــــــــــــــــــــــــــــ15
عندي مرسيدس بوعيون 230 موديل 96 (( افينقر )) << ماباقي الا يجيب رقم الشاصي خ خ خ
السياره وارد الماني

المكيف بالليل وبالعصر وبااي وقت باارد من احسن مايكون .. اما بالظهر ياعيـــــــني على الحراره
اطلع من الجامعه واوصل البيت ومابعد يبرد مع العلم اننا مابعد ندخل بالصيف صح .. (( 36 درجة مئوية ))
بينما ان مسكت خط طويل لو درجه الحراره 50 تلاقي المكيف باارد من احسن مايكون

فـ هل السياره لخطوط بس والا شسالفه ... تراني خاسر على المكيف فوق 2500 ريال
واشوف بعد ان دفعه ضيعف مقارنة بسيارتي الثانيه (( هوندا بريليود 99 ))

فـ شالحل ؟؟
سمعت ان في ناس تغير المكيف وتحط مكيفات تويوتا << اذا كانت هالطريقه نافعه شنو المكيف المناسب

ــــــــــــــــــــــــــــــــ16
مرسيدس 200E موديل 1996 غيرت بلف الجير او بلف البودى كما يسمونه مع الكلتشات وعملت تجفيت
للجير بالكامل ولكن مازال عندى نتعه فى التبديلات السياررة تنط بين الغيار والغيار

ــــــــــــــــــــــــــــــــ17
الموديل 97
280 E
المشكـــــــــــــــلة :
ان القير اذا اخليه في الرفيرس (ريوسR)
لا تمشيي السيارة (نفس اللي مجيمه أو مدعوس بريك )
علما بأننا فتحانا القير كامل وبدلنا
السيلكت
والكلج
ولم يجد نفعا
...........
أنا عندي نفس سيارتك E240 موديل 98 5غيارات قيها نفس اللي تقوله في سيارتك لكن أول
ما تقوم قي الريوس وبعدين عادي

ــــــــــــــــــــــــــــــــ18
السلام عليكم ورحمة الله وبركاته
ياشباب عندي مرسيدس 300e موديل 91 6 سلندر
اشوف قام يطفي علي وانا مهدي بالحيل
اغلب مايطفي في الليل
قبل مايطفي احس المكينه هادية اكثر من اللازم ثم تطفي ثم اشغل وامشي

ــــــــــــــــــــــــــــــــ19
السلام عليكم
تكفون ترا تكفى تهزل الرجال
سيارتي مرسيدس شبح 1998
كنت رايح للوالد في مكتبنا
وطلعت من عنده وركبت السيارة شغلتها اشتغلت ونسيت حاجه جوا
طفيتها واطلع المفتاح مايطلع ياولد ياحبيبي مايطلع علم ان القير عل p
يا يا ماطلع
المهم طلعته بالقوه وبعد الطقاق المهم ادخل المفتاح الف السويتش يلف ويوقف احاول قلت بشغل النور
واشغل النور وادخل المفتاح والف السويتش شوي وطفى صوت منهب الانور انها شغاله بس ماولعت انوار الطبلون
وش اسوي ياربع السيارة موقفه بمكتبنا ويرحم والديكم سطحا ماسطحا خرابيط ماابي

ــــــــــــــــــــــــــــــــ20

المهم : ا لسالفة وما فيها : عندي ميرسدس موديل : 1991 : بنز مو شبح ..استعمال ألماني ..السيارة كانت مع خويي حرارتها عال العال بالليل تحت الثمانين والنهار على النص ( طبعا بدون مكيف لانه خربان).(لا بعدين أعلمكم سالفته المكيف ).
السيارة :
من فجأة بدأت الحرارة ترتفع : بمجرد اشغل السيارة وأمشي خمس دقائق بس تصير على المئة ..واللي محيرني : بعز الظهر على مئة وقبل صلاة الفجر نفس الحكاية على مئة وأنتم عارفين الفرق بين هالوقتين :
قالوا الأرديتر : قمت وغيرته وحطيت المنيوم رصتين ...وبعد ما مشيت من المحل نزلت بعد خمس دقائق لقيته ولعة ....والحرارة ما فيها فائدة ..
قالوا : الموية : حطيت موية أ صلية .
قالوا : المروحة ضعيفة حقت التبريد الخارجية: رحت وسويت لها كتاوت وصارت ترج الحارة تلمس الشبك من برى ثالج ..ولما تمر من عندها تقل إنك مار من عند مثلث برمودا تسحب ثوبك وتقطعه..
قالوا : التماتيك : غيرت التماتيك وما فيه فائدة..
قالوا الراس : رحت وكشفت قال الراس عندكم سليم مئة بالمئة .
قالوا :البلف قلت :البلف جديد : بس الصدق معرف على كم يفتح ؟؟؟هل ممكن تكون منه المشكلة أو وش أسوي ابيعها بريالين ؟

ــــــــــــــــــــــــــــــــ21
اخواني عندي مشكلة في سيارتي ال560
موديل 88 وارد الجفالي
السيارة اشتريتها قبل 7 شهور
وشريتها وهي حالتها متدهورة وقلت بدلعها
دخلتها صيانة في مركز الحداد لصيانة المرسيدس في الدمام وخسرت عليها 9000 ريال
والسيارة دخلت وطلعت ولا تغير شي
بعدين وديتها ورشة ثانية اسمها ورشة حسن العلي ويعملون لها صيانة لمدة يومين او ثلاثة
واطلعها ولا في اي فايدة
وصرت على هالموال شهرين يمكن ولا استفدت شي وكلفتني 15000 ريل
طبعا كانت مشكلتي في التشغيل كانت تطول علشان تشتغل
المهم وديتها عند واحد اردني وغير لي موزع البنزين وتعدلت السيارة
بعدين طلعتلي مشكلة ثانية وهي ( الحرارة ) ويا ويلك من الحرارة
وديتها محل راديترات وعمل لي تنظيف للرديتر وطلعت من عنده والسيارة اوكي
بعد ساعة وتوصل عندي الحرارة 120
يعني المكينة راحت
وديتها عند نفس الاردني وقالي الخبر السيء
توظيب مكينة او تغيير
اخترت التغيير وغيرت المكينة والرديتر وطرمبة الماء وترموستات وكلش مروحة ومروحة امامية وغيرت الشكمان
الزبدة اي شي يتعلق بالحرارة غيرته.
مشيت عليها شهرين ورجعت نفس المشكلة.
ادري طولت عليكم بس لاتلوموني.
الرجاء اعطوني الحل لهذه المشكلة في اسرع وقت ممكن...

ــــــــــــــــــــــــــــــــ22
مرسيدس - 1997- خليجي - 6 اطوانات -320 S - قير إلكتروني
المشكلة في القير , فعند التعشيق في الـ D ينقز الموتر وعند التحرك لا يتم التبديل إلى النمرة الثانية وفي بعض الأحيان يبدل بعد فترة طويلة مع طقة في القير,,,,
في هذه الحاله اوقف واحط التعشيق في الـ N وبعدين ارجعه في الـ D ويضبط ,,,,,
بعد مدة علق ولا صار يغير أبداً ,,,,,
بداية المعاناة : قال المهندس لازم توضيب قير , وضب القير وغير كل حاجة تقريباً وكلفني 8 آلاف ريال !!!!!!
بعد اسبوعين كرر التعليقة بس يفك بعد تفضيته وتعشيقه ثاني مرة
رجعت له وغير السويتش اللي تحت عصا القير 700 ريال ( يقول مين كب أليه بيبسي!!!! ) والله ما فيه أي أثر للبيبسي !!!!!!
ولا فيه فايده ,,,,,,
رجعت له وخليت السيارة عنده واليوم الثاني جيت لقيته مغير ( رمان وماسك عمود الدوران مع الدفرنس )!!!!!!!!!!!!!!!!!!!!!!!
ولا فيه فايده ,,,,,,
رجعت له غير مخ القير ( الكمبيوتر ) بواحد تشليح من عنده ( 1000 ريال ) وبعدين وزن عصا القير مع القير ويقول انك كنت تحطه في الـ D والتعشيق يروح في الـ 4 وقال الحين
ولا فيييييييييييييييييه فايده الحل رجااااااااااااااااااااااءً

ــــــــــــــــــــــــــــــــ23
عندي مشكله في سيارتي الشبح , قبل فتره كانت تقطع لما اتعدى 140 في خط طويل
وكنت اريد ان احصل لها علاج لاكن ماحصلت ورشه تصلحها , وتركتها والان صارت السيارة تقطع وتفتف وهي واقفه وبهذلتني ولم اجد لها علاج رغم اني مغير جميع القطع

ــــــــــــــــــــــــــــــــ24
ياشباب انا عندي مرسيدس اي 300 موديل 90 ممتاز ومريح وبصراحة لما اركبه واركب سيارة جديدة احس اني ما ارتاح الا فيه خخخخخخخ
عالعموم من ستة اشهر تقريبا ظهرت عندي مشكلة وهو ان السيارة تنطفي بمجرد ما ارفع رجلي عن دعاسة البنزين .. واحيانا ما تشتغل لما تكون طافيه مدة طويلة..
طبعا رحت للورشة قالوا تصفية مكينة سويت تصفية مكينة .. غيرت بخاخات غيرت طرمبات البنزين غيرت فلتر البنزين والزيت قلت يمكن ..
اخيرا قالوا الاسلاك اللي توصل الكهرب للسيارة غيرتها ..
اخيرا قالوا كتاوت البنزين غيرتها ..
وسيارتي عند كل اشارة تطفى الى الان فشلتني ...


ــــــــــــــــــــــــــــــــ25
أنا عندي مرسيدس E240 Aventgard موديل 98 مشكلتي هي إنقطاع الكهرباء عن الأبواب الأمامية فجأة حيث تنقطع الكهرباء
عن الشبابيك والمرايا والكراسي حيث أن الكراسي كهربائية ولا تعود المرايا والشبابيك والكراسي إلى العمل مرة أخرى حتى أفصل بطارية السيارة لمدة لا تقل عن 10 ثواني وبعد إعادة تركيب البطارية يعود كل شيء إلى العمل ولكن بعد يوم أو إثنين نعود لنفس المشكلة لذى أرجو المساعدة بتشخيص المشكلة وكيف ممكن حلها و أكون لكم من الشاكرين

ــــــــــــــــــــــــــــــــ26
يا اخواني قربت افقد عقلي عندي مرسيدس 124 e300
المشكله الغريبه الي مش لاقسلها حل بعد ما اشتريت الموتر لاحظت انه احيانا احس الموتر بيسير بكل سلاسه على الطريق وحيله جبار واهيانا ادوس للبترول على الاخر والقومه للموتر ضعيفه بشكل مش طبيعي وانا ما ظل شي الى بدلته من فلاتر بواجي واسلاك ودينامو
عند ما اروح الميكانيكيه اما يضحكون او يقولون غير الفلاتر حل ثاني ما في
عند ما بنزل السوبرماركت والموتر شغال بس ارد الاحظ انه قوتها بتزيد بشكل مش طبيعي
تنك البترول الاحظ انه مضغوط ما بعرف منه المشكله
ارجو مساعدتي من الشباب الطيبه

ــــــــــــــــــــــــــــــــ27
عندي مشكله في سيارتي وهي :- المشكله في العزم والتسارع ضعييف جداً .
وقالوا لي المشكله عندك من كمبيوتر الجير
والسياره من نوع مرسيدس S320L موديل 1997
ولكن للأسف قبل فتره كنت بالرياض ووديت السياره عند مجمع يارا ومجمع الفرودس ولا قدرو يحلون مشكلتي

ــــــــــــــــــــــــــــــــ28
مرسيدس 300 92
نخش على المشكلة
وهي على النحو التالي في ايام الصيف وخصوصا في المدينة المنورة ترتفع درجة حرارة الجو بشكل رهيب
المشكلة ليس في حرارة السيارة او المكينة انما المشكلة اثناء تشغيل السيارة
وهي عندما تكون السيارة واقف في الشمس والفترة طويلة لمدة يوم كامل دون عمل طبعا سوف تكون المكينة باردة ولكن البودي الخارجي زي النار بسبب الشمس
وعند محاولتي تشغيلها بالنقرة الاولى لسوتش تشتغل ولكنها تطفىء الا اذا قمت بالدوس على البنزين وتدبيل الدعسة والضغط على البنزين لمدة 3 دقائق والا سوف تطفىء السيارة
وعلوة على ذلك التقطيع البسيط اثناء التحرك
طبعا هذه المشكلة لاتظهر في الليل او تكون السيارة في الظل او في وقت الشتاء حيث انها تشتغل بدون ان اقوم بدوس على دواسة البنزين وبسلاسة مطلقة ( بس حلوة سلاسة مطلقة هههههههه)
الاجراءات التى تم اتخاذها لحل المشكلة
تغير البواجي واسلاكة
تغير طربمة البنزين والفلتر
تنظيف البخخات
وهذا وسلامتكم
ارجو ان اجد لديكم حل لها
لانني تعبت من كثر ما اذهب للمهندسن وبدون فائدة

ــــــــــــــــــــــــــــــــ29
انا عندي مرسيدس شبح 1996
مخزنه على يدنا من الوكالة وربي خسرت عليها 25 الف
ماباقي الا المكينه والقير ماغيرته
المهم اخواني انا غيرت هوزات الهواء وقربة الاديتر والاحظ ان الهوزات دايم كاسبه هواء مع انه مافيه حرارة من ايش تتوقع؟؟

ثاني كنت ماشي 220 تقريبا وارتفعت الحرارة فوق 90 شووي
من ايش؟؟؟ مع اني منظف الاديتر ومغير االهوزات والبلف ومغير اوتوماتيك المروحه ومغير حساس المراوح ومخليه تشتغل على 85 تقريبا
الحرارة داخل المدينه 80- 85 ولكن اذا وقفت احيانا ترتفع .. احيانا ترتفع من نفسها

ع الرغم من ان السيارة موقفه ماالاحظ يخرج قطراة موية من الشكمان
اشيك ع معيار الزيت احصله ناقص تحت الفل بشووي
واحيانا اعايره واحصله مليان !!!!!! مع العلم انها باردة في كل الحالتين

ــــــــــــــــــــــــــــــــ30
سيارتي شبح وفيها ريحة بنزين من الداخل تصرع تشق الخشم
بعد ماوقف السياره تقريبا ساعتين وأجي أركب تكون فيها ريحة البنزين
من داخل السياره ؟ وش السبب؟؟؟
وإذا مشيت مكان السياره الأول مافيه أي اثر تهريب؟؟
وفكيت المراتب الخلفيه مافيه تحت شي ولا رطوبه ؟؟؟
والشنطه كذلك فيها ريحة تصرررررع أكثر من داخل السياره وش السبب؟؟
طلعت الأستبنه فيه اثر بسيط وناشف مافيه شي؟؟؟ بس الريحه قووويه جدأ؟؟؟

ــــــــــــــــــــــــــــــــ31
عندي سياره مرسيدس شبح 96 320s
اتحدى احد يعرف سبب مشكلة سيارتي هي:
فيها خلل (( بقربه)) الماء الريديتر _ بالقربه مع الماء يختلط زيت اصفر من وين يدخل الزيت ما ادري ؟؟
يسبب ارتفاع بحرارة السياره
وتقطيع بسيط اذا مشت السياره بسرعه خفيفه
اذا ابي اسرع تمشي بطيء بعدين تسرع اذا استمريت بالضغط على البنزين
بالخطوط السريعه ماترتفع الحراره ليل ولا نهار وما اقدر اسرع اكثر من 180

ــــــــــــــــــــــــــــــــ32
انا عندي سياره 500se
موديل 1992
عندي المروحتين الاماميتين الكهربائيتين تعمل مع بمجرد تشقيل السياره يعني على طول تعمل
وبدلة الثرموستات وعملة تسيخ للراديتر
الحراره الان 82 وعند التوقف مده طويله او الزحمه تصل الى 100
اما بالصيف على طول من 95الى 115
وعند ارتفاع الحراره تبديل القير يصير ثقيل
وتعرفون ماذا تدمر الحراره من ربلات وخلافه
عند تصيخ الراديتر كان يوجد به حبيبات كثير ه لدرجة راعي الورشه قالي هذا قديم عمره 5 سنوات مع انه صاره 8 شهور فقط
الرجاء المساعده لاني الله العالم كم صرفت عليها دون نتيجة
طلبت من الانترنت مبرد لدهن القير هل يساعد بالمشكله؟؟؟
وهل اركب مرحه كهربائيه تكون جنب المروحه الرئيسيه؟؟؟؟؟؟

واحيانا مرتين يفتح لي ليت ASR والسياره اذا ضغط على الكابح للتوقف توقف بشكل قوي جدا ما السبب
وما معنى هذا المؤشر مع فائق الشكر يا اخوان

ــــــــــــــــــــــــــــــــ33
نوع السياره مرسيدس E260 والمشكله إن حرارة المكينه ترتفع فوق الطبيعي داخل المدينه بس وبدون تشغيل المكيف, غيرت اللديتر أصلي ومروحة المكيف أصلي بعد. وغيرت مروحة المكينه وكلتش المروحه وبلف الحراره غيرته 65 ومافي فايده ما تركت ولا ميكانيكي ما رحت له وأغلبهم يقولون لا زم نفك المكينه

ــــــــــــــــــــــــــــــــ34
ياليت احد يفيدنا عن مشكلة صوت في الدفرنس تبداء من الثمانين ما كانت موجودة بدت بعد تهريب في زيت الدفرنس واصلاحة الوكالة تقول الحل تغيير الدفرنس !! الورش تقول جرب زيت اثقل جربنا الصوت ما تغير
افيدونا يا اهل الخبرة
الموديل 2002
s 320
اولا السيارة موديل 1991 E
لا يدور المحرك الا اذا كان الجير على N
السرعات احيانا تتاخر في النقل من 1 الى 2 الى 3
في البدايه مجرد اعمل الجير على D او R تحدث هزه كبيرة


ــــــــــــــــــــــــــــــــ35

استاذي الكريم حبيت استفسر عن مشكله عندي في مرسيدس 320 موديل 95 تطلع لي احيانا علامة ال ASR والسياره تصير ما تمشي يعني ادوس بنزين تطفي وقالولي انه مشكله في جهاز ا ASR بس سعره غالي 6000 ريال تنصحني ايش اسوي وكمان كيف اتاكد انه فعلا هو عطلان وهل الجهاز ممكن يتصلح ولا لا
في شي ثاني غريب في السياره المويه تنقص خلال اسبوعين تقريبا تنقص بشكل كبير وتولع لمبة الرديتر مع انه ما لاحظت تهريب والمكينه مافيها مويه والحراره ما تزيد عن ال 80 الا بشوي تتوقع في تهريب ما قدرت انتبه له ..؟!!
وشكرا لك على اهتمامك مقدما


ــــــــــــــــــــــــــــــــ36

السلام عليكم
يا أخوان لدي مشكله وارجوا الافاده

لدي سياره مرسيدس 500 موديل 92 التي تسمى بالشبح
اعاني من ارتفاع الحراره
المراوح شقاله على طول تم تنظيف الراديتر تمتم تقير الثيرموستات
المشكله انها ترتفع الحراره مع الزحمه الى 95 شتاءا
وبالصيف 110
وللاسف ما في كراج يعرف الحل والوكاله نار علما بان السياره وارد المانيا

ــــــــــــــــــــــــــــــــ37
السلام عليكم
مشكلة بسيطة في سيارتي ولكن الجميع عاجز عن حلها
السيارة من نوع مرسيدس

والمشكلة هي وجود ضغط هواء في ليات البلف مع عدم وجود حرارة ابد ابد

المشكلة وجود هواء شديد في هذه الليات واذا تركتها الاحظ ان موية الاديتر تهرب وتنزل اسفل السيارة
لحد مايخف الضغط وبعدين يوقف التهريب

ارتفعت الحرارة علي مره وغيرت كافة الليات القديمة وعلبة الماء + طرمبة الماء واختفت الحرارة ولكن ظهرت هذه المشكلة

بعد ظهور المشكلة غيرت 3 لياء ماء كانوا منتهيين الصلااحية + بلف الحرارة + الاديتر

والمشكلة موجودة

الرجاء المساعدة وشكرا لكم


ــــــــــــــــــــــــــــــــ38

عند شرائنا لمرسيدس شبح موديل 98 320 قبل 4 سنوات من الإمارات ماشية 140 ألف
أول ماوجهته عطل المكيف وزر التحكم بالفريون EC
غيرت الكمبرشن ، ونظفت الثلاجة بتكلفة 500 ريال لتنظيف فقط ولم يعود التكييف مثل السابق مع سوء التكييف في السابق ايضاً والذي لايصل لتبريد الكوري ايضاً، واضطرينا لتغير علبة الفريون وبعض الليات رجع التكييف مثل الأول لكن لمده اسبوعين طبعاً الورش يقولون هذا هو تكييف الألماني .
المشكلة اللي بعدها السياره ماتشتغل وغيرنا طرمبة البنزين وفلتر البنزين اخذنا السياره من الورشة ويومين ورجعت لمشكله انها ماتشتغل بسرعة وتتفتف وتطفيء احياناً عن الإشارات قالوا نظف البخاخات وغير البواجي والأسلاك وغيرنها لكن دون جدوا ، وبعد مده من الإستشارات واللفلفة في الورش وصلنا الى ان السبب من الخلاط ثم حساس الأير ومايقال عنه الآير ماس .
بالإضافة الى مجموعة من المشاكل مثل خراب طرمبة الزيت و ال ASR و تعشيقات القير قوية ، وتصخن في الخطوط وخاصة اذا كان الجو حار فوق 90 ومايبرد المكيف ، الى أن بعت السياره وارتحت .

ماشهدتة وتجارب الأصدقاء .
كثيراً مارأيت كثرت وجود سيارات مرسيدس على الطرق وفي الشوارع وقد اوقفت لوجود خلل فيها فمنهم من توقفت به شبح ولم تشتغل في احد الحدائق العامة وظلت السياره واقفه لأكثر من اسبوعين ، واخر عند خروجي من متجر لتسوق وإذ ب سياره شبح يشغلها صاحبها ولا تشتغل ولا حظت وقوف السياره امام المتجر لمدة اكثر من 3 ايام تقريباً ، و3 سيارات من نوع فياقرا شاهدتها واقفة لمدتة سنه تقريباً في احياء متفرقة وهي طايحة ولاصقة بالأرض وهذا من الهيدرولك قد خرب .
وهنا بعض المشاكل التي واجة بعض اصدقائي واقربائي فمن اللذين يملكون الفياقرا جميع من اعرفهم خرب عليهم الهيدرولك وكلفهم اصلاحها فوق ال 8 ألآف ريال واخر يملك فياقرا خرب عليه أحد الكمبيوترات وغيره بتكلفة اكثره 10 الآف ريال ، بالإضافة الى وجودها في كراجات الصيانة والورش بكثرة والكثير والكثير ممن يعانون والقليل منهم ممن يعاني من مشاكل قليلة كبقيه السيارت .


وفي النهاية تحياتي لكل متعصب حقودي لسيارات لكزس الي ما فيها ربع مشاكل سيارات مرسيدس .


وهذا مقطع فيديو اهداء مني لكم

http://www.youtube.com/watch?v=xjBo-g1a-TM

إبلاغ

الردود