لكزس ومرسيدس

12 31

لايمكنك التصويت حتى الحصول على 20 نقطة على الأقل
إضغط هنا للإخفاء

كابرس350 م90 -1
قبل 10 سنه

السلام عليكم ورحمه الله وبركاته وشحالكم يارجال طيبين حصلت مناقشه بسيطه بيني وبين اخي اكور وذكر لي 
بعض الكلام والمفاهيم الخاطئه وقلت له مابجيب شي من راسي كله صور وادله وانا عند كلامي 
المهم وبدايه الموضوع كتب الاخ اكور التعليق التالي في موضوع عن البانوراما ورديت عليه
 اسم الموضوع (مرسيدس S بانوراما 2010 - 2013 هندسة وإبداع)
 ( انا سويت موضوع كامل عشان اخذ راحتي واحط الصور وكل شيء)
التعليق 1 : acura 

الكامري المكبرة هذي مالها 20 سنة وشوي وتدعس على الألماني اللي من عهد هتلر...
بعدين وين راحت البي ام ووين راحت الأودي a8 والجاكوار؟! 

رديت انا : 

يااخ اكورا لا تتفلت كثير اقسم بالله انها كامري حرام حرم الدم ان اللكزس es انها بودي كامري ميه بالميه فا لا تطير بالعجه 
واللكزس كامري مفخمه وكل المواصفات مسروقه اقسم بالله ياجماعه الخير اشوف اللكزس القديم اعوذ بالله ياسوبتي سوبتاه
 جلد وكاسيت وكراسي كهرب طيب ورا لا ستاره خلفيه ولا مكيف عند الباب ولا طاولات طعام ولا شنطه اسعافات
 ولا فيه هدروليك وتلعب بالخط وخفيفه ومافيه متعه بالقياده اقسم بالله اني مااطفش اذا سقت المرسيدس  ) 
ودي الخط يطول واني كل فتره وفتره اروح خط بريمان وامسك خط ادمنت على ممشاه
 اغلب  الناس بتقول فاضي اللي مايعرف المرسيدس مايثمنه واي واحد يترك المرسيدس يرجعله او يذكره بالخير 
وهذا الكلام دوره عند الرجال العقال والله ان الوالد اشترى 6 شبحات يبدل ويعدل  
 المرسيدس عشق تحصل مواصفات على المرسيدس القديم ماقد جابها احد _ متعه القياده وهذا خلاصه المرسيدس _ الامان بعد الله 

والكلام كثير وانت فاهم وانا فاهم تعرف اذا بنشرت سيارتك تتمنى يكون فيها هدروليك عشان توزن نفسها
 والله الكلام كثير جدا ا جدا ولو تبغا مناقشه حاميه تدوم يوم كامل ماعندي مشكله انا ما اكره اللكزس 
ولكن بعض العينات جعلتني اكرهها اللي يعطيها اكثر من حجمها هي سياره حلوه شبه فخمه ياباني حقت كد 
ولكن ليس مركب الشيوخ او الملوك او واحد معه فلوس
 الشعب كله يشتري اللكزس لانها رخيصه ويرهم لها  قطع كامري ههههههههههه امزح 
لاكن الصدق ان اللي جيبه مليان مايركب اللكزس انا اسف والله لو يقرون اصحاب الالماني بالمهزله ذي انا متاكد كلهم يزعلون 
ولاكن لازم نقول الحق وانت مادام معك لكزس او تمدح اللكزس اقسم باللي رفعها سبع وارخاها سبع انك تعرف في قرارة نفسك 
انها لاتقارن بالمرسيدس ابدا ابدا ولكن تحاول انك تعطيها اكبر من حجمها وتغير فكر الشعب
 وتقول المرسيدس خرابات وقطع غاليه  انا لو اقولك متى سويت اخر مره غيرت قطعه.... الخ تقلي في الشهر الفلاني تسالني اقلك ناسي 
واذا ركبت القطعه اصليه جديده ( حط تحتها 560 خط) انسى متى غيرتها

والقطع تخدم بعض يعني لو خربت القطعه الاولى القطعه الثانيه تحل محلها  اسال مجرب 
لاتسال صاحب تويوتا قطع المرسيدس معمره جدا جدا ومن اطول القطع وجودتها عاليه واذا خربت تتحمل لاتقلي تويوتا 
ولكن شرطين اساسين لاي واحد يقتني مرسيدس 1- قطع اصليه جديده وتركيبها عند ايادي محترفه وفاهمه الالماني 
2- اذا طلع شيء في الشاشه او كلام او خراب صلحه على الفور او تتوسع المشكله لاتهملها باختصار 
اقسم بالله بعد كذا تصك مليون ومعروف اقوى المكاين في المشي وتحمل الخطوط المرسيدس مكاين جباره راحه في الخط 260 في مرسيدس 
زي 120 في سياره ثانيه سياره خطوط من الدرجه الاولى والامريكي بعدها تماما الياباني فقط مكيف بارد ويتحمل
 لاكن قسم لا راحه ولا عزل  وشركه تويوتا كانت شركه خياطه تبغا تقارن شركه ابر وخياطه باول شركه انتجت سياره 
اول سياره بايرباق اول سياره فيها تسخين اول و اول واول  وتجي لكزس تسوي نسخ ولصق وتبا نقارن بينهم خاف ربك ياشيخ 

اللكزس واصحابها على راسي ولاحد يزعل وسياره حلوه ولاكن لا توصل للالماني 
 وموضوع قطع الغيار والمرسيدس والخطوط كله جاي في الطريق لا كن اسمع ردك  
التعليق 2 : acura
وين البدي اللي تقول عنه بدي كامري؟!
الكامري تجميع استرالي والبدي كذلك استرالي نفس نفس البدي الكابرس الهولدن...
اللكزس يابانية 100% والبدي كذلك...
والافالون والسكويا بدي امريكي وتجميع امريكي...
فقط القير والمكينة والأجزاء الميكانكية هي الياباني...
بعدين أنت لا تحكم على الأسعار هنا أنا مسوي موضوع كامل عن كذب وخداع اسعار سيارات لكزس بالخليج والمملكة:
http://cutt.us/imrY
تخيل تباع عندنا بالأسعار هذي راح تشوف انتشار اللكزس عندنا بالسعودية...
بعدين بعض الألفاظ والمدح ( مركب شيوخ وملوك ) هذي من الكيس حنا يالعرب يعني الرئيس اوباما تدري أن سيارته جمس سوبربان لونها اسود ومكتم وحتى الرؤساء إذا تجمعوا اكثرها سيارات عادية ما همه التفخر والترزز ليس الكل...
وليش نشري لكزس لأن الشعب مطفر والراتب ما يكفي حاجة ومقابل هذا السعر الرخيص احصل على الرساوة والفخامة والعزل والجودة وورش تعرف تتصرف فيها...
وبعدين اكيد ما راح اشري مرسيدس لأنه بسعر اللكزس es تجيبلي سيارة مرسيدس بمحرك سيكل وبنفس السعر وحجم صغير...
بعدين رح اسأل اصحاب المرسيدس الفياقرا وشوف كثر الخراب اللي حصل لها من هيدروليك وكهرب وحرارة وغيرها... 
بعدين من وين احصل عامل فاهم للألماني مالي إلا أبو يمن...
السيارات اليابانية الفاخرة أو الأمريكية الفاخرة لماذا لا تزال مستمرة ومبيعاتها مرتفعه أكثر من الألماني بأمريكا؟!
لأنها سيارات اعطتني فخامة أعطتني قوة أعطتني مواصفات موجودة بالألماني وايضاً رساوة ومن السهل تصلحها وغير معقدة...
وكلها أبدعت سواء: اكورا أو انفنتي أو اللكزس أو الكاديلاك 

"" الان فهمتو اللي صار ندخل في الزبده """
الان ذكر الاخ اكور في كلامه وقال :
1- وين البدي اللي تقول عنه بدي كامري؟!
الرد : موجود يااخي العزيز وهي كامري الشيوخ اي اس ومعروفه عند الشعب كله
 ماجبتها من راسي وهذي الصور لاحظو يااخوان الفرق فقط في الاسطبات والشمعات والجنوط والشبك 
وعلامه لكزس زيها زي الدينالي واليوكن والتاهو لاكن فرق في اشياء تافهه  طيب ليه حطيتها
الرجال يقول وينها هذي هي طال عمرك (من يوم انك تشوفها تعرفها )

2-  بعض الألفاظ والمدح ( مركب شيوخ وملوك ) هذي من الكيس حنا يالعرب
هي من الكيس صح لكنها متداوله وكلنا نقولها والسياره على حسب استخدام الواحد 
يعني اذا شفت موستنق ولاكمارو ولاكورفيت من السيارات الرياضيه يعقل تحصل فيها شايب لا
 لانها سيارات شبابيه ورياضيه طيب اذا شفت جمس ولا اكسبيدشن هذي سيارات عوايل او قل مركب عوايل 
ولا وش يحد الواحد عليها وهو لحاله طيب اذا شفت شايب معه هايلكس ولا ددسن ولا نافارا اكيد يحتاجه للحلال 
ولا وش يحده على التنقيز في الغماره وهكذا طبعا مو شرط يكون الكلام دقيق ميه بالميه ولاكن ذا مثال 
واذا شفت مرسيدس تقول مركب ملوك لانه فعلا مركب شيوخ وملوك ودبلوماسي 


3- ومقابل هذا السعر الرخيص احصل على الرساوة والفخامة والعزل والجودة وورش تعرف تتصرف فيها...
اولا مابتكلم في العزل والجوده والفخامه هذا بخليه موضوع كامل مفصل السعر وين رخيص 400 الف رخيصه 
لاوالله ماهي برخيصه غاليه اذا تبا رخيص خذ كوريس ولا سنتنتيال من ذي الاسعار اللي على 200 

قطع الغيار ايضا غاليه وليست رخيصه كل الناس تحسب قطع المرسيدس غاليه والله ياجماعه الخير انها معقوله 
البانوراما قطع غيارها غاليه نعم ولكن ( الفياقرا + الشبح + التمساح ) وتحت البانوراما كله رخيص ويابلاش 
وانت تشوف القطعه اللي عندك  فيها تقنيه غير القطع الثانيه في اي شي
 حتى انشاءالله علبه المساحات تحصل فرق عن السيارات الثانيه 




4- بعدين رح اسأل اصحاب المرسيدس الفياقرا وشوف كثر الخراب اللي
 حصل لها من هيدروليك وكهرب وحرارة وغيرها...
وش وغيرها تخبيط المكينه وهي توها 2012 زي الكامري ولا اطلع الرصيف وتنشاص لكزس 
ولا تتفكفك الصدامات كرلا
 
المهم لم يحالفك الحظ هذي المره ياصديقي لاني امتلك فياقرا 
اقسم بالله تمنيت انك تقول شيء في البانوراما ولا البي ام دبليو يعني سيارات ماجربتها بقلك ممكن
 لاكن الفياقرا تقلي الحراره الحراره انا مستعد اتحداك على الف ريال نوقف في عز الشمس انا وياك
 ونقعد ساعه كامله ونشوف وش يصير والله انك تسخن وتموت سيارتك وتخلص مويه الاديتر وتنفقع الخراطيش 
ويروح راس المكينه عليك واني انا زي اللوز قل ليه ياحبيبي اقلك الكلام ذا وانا واثق 
والله اني انزل المطعم اطلب واخلي السياره شغاله في عززززز الصيف وفي الظهر والمكيف شغال 
واني اقعد نص ساعه او اربعين دقيقه وارجع الاقي الحراره نزلت عن معدلها الطبيعي 
( لاحظ الحراره تنزل في الوقوف وليس المشي عكس السياكل الثانيه اذا وقفت ترتفع )
وهذا الكلام يعرفونه اصحاب الفياقرات ( اذا قبلت التحدي تجي باي سياره موديل 2002 وتحت )
(اخلي السياره شغاله طبعا اذا كان فيه احد مو هياط )
اعطيك الخلاصه 

خرابات الفياقرا : المساعدات الهدروليك فقط والحراره انساها 
والان الورش تركب مرواح الفياقرا على الشبح لانها اكبر واقوى واعرض وفيها 11 ريشه انسيابيه ومصقوله صقل 
الدرجه الثانيه لو تسمعها في خاطري انك لو تحط مكينتين مو مكينه انها تبرد ماشاءالله تبارك الله 
طيب الكهرباء : الكهرباء هذي من كيسك زي الحراره والله لم تواجهني اي مشكله كهربائيه ابدا ابدا 
السياره لها 8 سنوات ماطلع شي في الكهرب وبعدين وش خرابات الكهرب مثلا اشرحلي ياها 
واللي عنده علم يعلمنا 

طيب الهدروليك : وهذا كلام على لسان اي واحد بقلك شيء 
والله ان المساعدات اللي في سيارتي انها حقت الوكاله (ماشاءالله تبارك الله ) ولا قلبت السياره يايات ولا شيء
طبعا فيه مساعد هدروليك وفيه ذراع الهدروليك الذراع زيه زي البواجي قطعه استهلاكيه تتغير كل سنتين او ثلاث واذا تركتها ينكسر الذراع ويطيح الموتر وهي رخيصه كلفتها 500 ريال اربع اذرعه بالتركيب ناسي سعره بالضبط
فاذا انكسر الذراع 
السياره تميل للجهه المكسورهه كل الناس تحسب انه الهدروليك وسباك الورشه مايصدق انه ينصب 
يجي يقلك الهدروليك وهو الذراع وهذي صارت لي شخصيا قلي مساعد وهو اصلا ذراع

بقولكم قصه صارت معي : 
يوم من الايام انكسر علي الذراع والسياره مالت وطلع كلام في الشاشه انه الايروماتيك خرب وقفت السياره وجربت الهدروليك لقيت السياره ترتفع من الجهه المكسوره 
قلت ماهو الهدروليك ناديت عامل ورشه اتعامل معه جا جرب وقعد يخوس وقطع اللي قلي مساعد
قلت كم سعره قال 1500 اصلي مجدد 
 مجدد هذا ذهب الورش وعسلها لانها يبيع المجدد مايكمل شهرين تدق بواحد ثاني 
ثم تدخل المنتديات تقول الهدروليك سيء وجوده المرسيدس ضعيفه يااخي انت بعقلك تاخد قطعه نص عمر
تبغاها تعيش معك ركب اصلي وارتاح  عمر المساعد الاصلي 7 سنوات  عمر طيب والله نرجع للقصه 
تركت السياره وقلت له بعدين بشوف سالت واحد اردني زميل عنده محل قطع غيار مرسيدس 
عن الاسعار قالي بــ 2700  وقال تاكد يافلان ترا الورش نصابين ياخذ الهدورليك 
وهو صالح شككني بالامر بعدها ناديت عامل اخر يماني اعرفه كشف قال ذراع رحنا اخذنا خشبه مربعه 
وحطيناها تحت الذراع عشان تنوزن السياره وفعلا زبط الشغل لحقته الورشه وانا في الطريق 
كنت اكل الحفره الصغيره احس السياره تنط وفيها قساوه شديده جدا كنها ونيت ويمكن الونيت ارحم 
وصلنا الورشه سالته وش رايك اقلبها يايات قال الليونه بتروح تماما بتصير هايلكس فتذكرت السياره كيف كانت
 وبطلت اقلبها غيرنا الذراع واللي رجعت زي اللوز 
الخلاصهه* دايم تاكد وافحص الخراب مرتين ثلاث 
* ياتركب قطع اصلي ولابيع السياره لانك تركب مستعمل اربع مرات خمس مرات 
* اذا حافضت على السياره وتجنبت الحفر الهدروليك بيعيش 
الان تقدر تقول انه عيب 
هذا الشي الوحيد في الفياقرا واللي مايبغاه يقلب يايات 

5- بعدين من وين احصل عامل فاهم للألماني مالي إلا أبو يمن...
الله واكبر عليك الثمانين وين راح ورش الشوام والاتراك وابو يمن كلهم فاهمين الشغل وكلها مرسيدس وبي ام 

النهايه : هذا الموضوع كتب قبل 6 شهور وتهرب الاخ اكور ومارد علي قلت انزله مره ثانيه نشعل المنتدى بالسواليف والاراء والخبرات
والناس تفهم الكلام اللي اقوله زمان كتبته وانا متحمس قصدي التحدي والمنافسه لاكن الحين كل اللي ابغاه الافاده وتبادل الاراء ماقصدي العصبيه لا العنصريه ابد 
وتحيااااااتي 

إبلاغ

الردود