هل هناك علاج لـ صوت ونة الدفرنس ؟

حط شوي شحم مع الزيت 

^^^^^^^^^^^
كم ضغطة ؟

انتبه لاتحط شحم يفقع الصوف حقت العكوس ..
فيه موضوع بمنتديات مكشات عن زيت الونة ..اكتب في  جوجل "علاج الحنة والونة"
واختر اول نتيجة من مكشات..

هذي صورة الزيت
http://www.westcoastcorvette.com/images/Product/medium/957.jpg

يابن الحلال مافي شيء اسمه زيت ونه وحنه وخرافات "اصيل حجازي"
هذه لدفرنس الكلتشات مثل دفرنس الموستنق وبعض دفرنسات ال F150
وبعض السيارات البوليسيه.

وياصاحب الموضوع غير الزيت بزيت مناسب وشف النتيجه 
ارشحلك زيت موتوركرافت 75w140.

موفق

حط الزيت الموصى به كاتلوج السيارة نفس العيار ونفس النوع 
وبيروح الصوت ان شاء الله 
انتبه تسمع كﻻم البناشر .

يافكس2y
هذا زيت تخليقي عالي اللزوجة مصمم فعلا لدفرنس الكلتشات ولا يمنع ان يتسخدم مع الدفرنسات العادي لانها كلها نفس المكونات
الفرق الكلتشات اللي تحشر الكرونة فقط..فهو بالنهاية زيت عالي الاداء مثل زيت الفوكس وزيت كاسترول التخليقي..
وهذي مزاياه في امازون..
Reduces friction
Quiets noise in the rear axle
Required for passenger cars
Use in limited-slip axles
See service manual for vehicle application

بخصوص اصيل حجازي فما اقول الا رحم الله امرء عرف قدر نفسه.

 

بسم الله ..
ابحث عن زيت خاص معالج اسمه مانع احتكاك التروس ..علبة صغيرة حجمها 45 مل لتر فقط يباع في م أكد قطع غيار شريكي وكرايسلر ومرسيدس وغيرها
الزيت مجرب ومعروف وكان عندنا كرابسلر 2007 اخوي مهجول بها درفت طلع صوت الدفرنس ...وركبته بعد 3 ساعة انقطع الصوت سنتين ماتسمعه

خذها قاعده من الحين
اذا طلع صوت الدفرنس يعني الدفرنس خرب خلاص

اما الخلطات السريه وهالخرابيط هي نفس طريقة الشريطيه في كتم الصوت فقط وليس حل المشكله
الشريطيه يحطون نجارة خشب وموز عشان يكمون صوت الدفرنس ويبيعون الموتر

والخلطه السريه اللي تكلمو عنها هذي هي نفسها خلطة الشريطيه فالنهايه تكتم صوت الونه

لكن بعد كتم صوت الونه
هل يعني المشكله انحلت ؟

لا

لانه تبقى المشكله موجوده بس بدون صوت
لان أسنان التروس تاكلت ولازم تغير الكرونه او الدفرنس

اما الزيوت المخصصه للدفرنس فالمفروض هذي توضع قبل خراب الدفرنس
مو تنتظره لين مايخرب بعدين تحطها

اصلا مافي احد يهتم بزيت الدفرنس ونادرا القى واحد يغيره او يشيك عليه كل 50 الف 

مافي حل ولاامل لاحد يقوللك توظيب دفرنس ولاشي الكارونه طلعت صوت انتهت دام خفيف امشي عليه اش المشكله ماله أي تبعات أخرى خلاص امشي عليه الين ماطيق الصوت وفكه وارميه وغيره بدفرنس كامل وصلى الله وبارك في حاله وحده ممكن الدفرنس يتصلح اذا رمانته رايحه ممك تتغير الكاروه اوالبطيخه اذاطلعت فيها صوت انسى انها تتصلح

عن تجربه في سيارتي مالها حل

ما نفع شي وغيرت الدفرنس بـ 2400 ضمان أسبوعين
والله ييسر الأمور