كم سعر ماكينة الشبح

الحمد لله على العقل
تشتريها ماشيه كثير خلاص تخاف تخبط تسبق الاحداث
بعدين كم الممشى ما قلت لنا
ومدام المكينه نظيفه باقي مافيها نقص ولا تدخين ولا تسخين ليش تسأل عن قيمة التوضيب من اللحين
اذا الخوف هذا كله فيك اشتري اكسنت وريح نفسك

ساعه ونص ولا فيه اجابه منك ؟؟؟

أقسم بالله غلطت عمر اذا اخذتها

كان معي وحده كل شوي مشكله والله ياكلها خرابات 

تنفع هالسيارات للي ماهو مهتم ابدا يعني تلقاها تنتع والكهرباء تضعف وتقوى و احيانا تطفي لا جيت تلف

يعني اللي ماهو مهتم ما تفرق معه لكن الحريص والله ليتعذب معها

عانيت معها معاناه ودفعت فيها 7 الاف ريال صيانه وكانت لازال تطلب 

والحمد لله بعتها بحالتها بخساره 7 الاف اللي هي الصيانه وبعتها ب بقيمه مشتراها 12 الف

من العيوب اللي واجهتي ( الحراره كانت فوق 100 و في الاخير طلع الرديتر مصدي و يبخر مويه لان وجهه الرديتر معدوم وانشعر راس المكينه 

ومسحت الراس وبعدها بيومين طفت ولا عادت اشتغلت و رحت فحصتها طلعت المكينه خبطت وسويت نص توضيب

من غير صيانه التنتيع سويت لها تغير بواجي وكويلات ونظفت البخاخات و البوابه وسويت لها تصفيه مكينه

صفيت بنسه 20 بالميه فقط

والكهرباء فيها تضعف وتقوا وقالوا دنمو وسعره 1500 وما ننصح فيه لانه مايجي مضمون

وصلحت شفط الابواب لانه كان معبي هواء والسنتر لوك و بعدها بيومين خربت ازرار تحريك الدركسون و ازرار المرايا و ازرار تحريك المراتب

ياولد قسم بالله ما تهنيت فيها

من غير القير بعد توضيب المكينه , طلعناها , وطفت وشغلتها ومشيت لها للاشاره و طفت و عيت تشتغل و ما قصر راعي جيب قديم دفني واشتغلت و ديورت للورشه ويوم وقفت عند الورشه طفت 

وجاء قال وش في السياره هذي والله ياهي معاناة الشبحات تصلح من هنا تخرب من هنا

وقال خلها بزيد افك المكينه واشوف وش فيها , وكلمني بعد 5 ايام وقال خلاص ابشرك تصلحت

والله واخذها وانا فرحان واطلع من الورشه واسمعها تحننننننننننننن

وطلعت معلقه في الاول 

انا لله وانا اليه لراجعون

وارجع للورشه واقول القير زعل علينا هههههههههههههه

والله فككه قطعه قطعه قال سليم مافيه شيء !!

وفي الاخير بعد 6 ايام , اكتشف انه الزيت قديم و فيه اوساخ متجمعه ونظفها وركب المخ وكل شيء

وحط زيت من اصلي

وجيته وقلت كم الحساب

قال الله يستر عليك ههههههههههههه والله ما اخذ شيء منك 

بس ارجوك لا ترجع لنا بعد شوي هههههههه

والله واخذذها وعلى المعارض 

واحطها بمعرض وبيعت بعد اسبوعين ب12 

يالغالى السعر يعتمد على المقاس 
مثل 300او 320 من 5الى5ونص 
ال500 سعر الماكينه من 5 ونص إلى الآلاف 
ال600 من 6 ونص إلى 9000 
الأسعار للماكينه المجدده 

* ال500 سعر الماكينه من 5 ونص إلى6 الآلاف 

ال٦٠٠ حقت قصه من اليابان موجوده بحفرالباطن ب٤٠٠٠الاف أرخص من مكينة ال٥٠٠