مساعده بالمرسيدس قبل ما اتوهق مع خوي

انصحك ابتعد عنه

حتى لو من خويك

مغير مكينته وموضب القير

دورلك سياره ثانيه الله بيرزقك افضل منها

لاتستعجل ولاتصير من طقة اللي يطيرون بالعجه بالمعارض

لاشاف موتر الماني برخيص راح لراعيه

وفي الاخير لاجاء وقت الصيانه او تغيير القطع الاستهلاكيه كتف يديه

يقول ماتوقعت اسعار قطعها كذا او كذا

اهرب هروبك من الداب الاسود
مرسيدس  يعلك وهو نظيف 

كيف موظب قيره
ومغيره مكينته
ابعد عنه
خلكم اصدقا احسن

ابتعدددددددد هذا مغير ماكينة وجير جير البانوراما مايركب ع ماكينة ال ٣٢٠ اللي نظيفة تسوى ٣٥ ماكينة بانوراما وجير بانوراما بلد ابتعدددددد

حل عنها احسلك .. صيانتها ماتصلح الا للكاش . 

شوف اذا فحصت وكل شيء سليم استخير ولاتدري عن اللي كاتبه
ربي 

عموما

الوالد اخذ مرسيدس من زميل له وهو جاهل بالسيارات
وخبط القير ٣ مرات خلال اقل من ثلاث اشهر !!!
شكينا بالعمود 
بالدفرنس 
لكن شيكنا على مبرد الزيت لقينا مقفل !!!!!
مسدود ويحتر القير وتحترق كلتشاته ويفرط 
واخر مره غير الوالد القير مع الراديتر وهذا هو ماشاءالله عليه
زي اللوزه 
اعرف سبب التوضيب للقير وتغيير الماكينه ان كان تغيير الماكينه
حراره فهو الراديتر ضرب الاثنين 
ضرب القير ثم خبط بالمكينه وراعيها مايدري

ربي يحفظكم جميعا ويوسع رزقكم والله انكم كفو ومشكورين ومجملين واقسم بالله جالس ادعي لكل واحد رد علي 
كلامكم عين العقل وراح اسمع نصايحكم بحذافيرها 

اي والله خلكم اصدقاء احسن وابعد عن الشر وغنيله 
موفق

اولاً اشكر امانة صاحبك على ذكر كافة عيوب السيارة ،،

ثانياً السيارة مستهلكة وبالمبلغ هذا تلاقي بدائل كثير بحالة افضل انصحك بصرف النظر عنها والله يجنبك كل مكروه،،

عندي يا ركاب الالماني نفس الموديل ونفس الفئة

ومكينه وقير شد بلد نظيفه والسعر 26 الف لو لك نظر فيه اسدح رقمك

وانا اتحداك قدام الشباب لو كنت صادق راعيه طالب فيه 30

ولكن لك مني ادفع 4000 الفرق بس ابيك تحط رقمك

دورلك على نضيف ولا تاخذ حق خويك

طيب كم ماشية سيارته

الله يعافيك  ، ياخوي فهد هذي شهاده نعتز بها جميعا ،، ولله الحمد والشكررر بالمنتدى جميعهم اهل خبره وبالتأكيد نطلب الشور منهم ،،

،،    ، وانا اخووك شوف لك موتر يريح راسك ونفسيتك وفلوووسك و وقتك ،،  
تدفع فلووووس ترتاح 
ماهو تدفع فلوووس  وتصير عميل للورش ونصب خصوصا ان الالماني مايعرف يصلحه ،
إلا ، السوري والتركي ،،  وعساك  ماتطيح بيديهم  ،، ناس النصب والاحتيال والكذب يمشي بدمه إلا من رحمه الله عز وجل وهم قليل اللي يصدق معك
يارجل اذا جيتهم ابصلح مروحة كامري او كمبرسر   يخلي راسك يحترررر   نصب كذب  خساره  فما بالك بالالماني ،،
 
انتبه ،،   اذا شريت اشتر صح  احرص ع النظيف واللي منتشر عند الناس ،
واذا بتبيع  انتبه تفرط بالموتر النظيف ،،،  

و500 معك يا ابراهيم 

اولا شي تاكد من مقاس السيارة وموديلها لان فئة ال 320 استبدلت من عام 2006 فما فوق بـ 350 بمحرك البانوراما وكذلك فئة ال240 استبدلت ايضاً في عام 2006 فما فوق بـ 280 وايضا نفس محرك البانوراما الخاص بـ 350
بالنسبة للسعر النظيف لهذا الموديل ال 350 لايقل عن 45 الف .. والسيارة بشكل عام عملية وتتحمل وقطع غيارها مناسبة مقارنة باسم مرسيدس وماركة المانية
اشوف سعرها مناسب اذا ماتحتاج لصيانة او تكاليف اخرى