كيف قطع الفياقرا من موديل 99 الى 2002 ؟

عليكم السلام اخوي من ٩٩ لل ٢٠٠٢ جت ٣٢٠ من ٢٠٠٣ الى ٢٠٠٥ جت ٣٥٠ عموما قطعها تعابر حلوة واغلى شي المساعدات نوعا ما ولكن اذا موتر نظيف يريحك وعليك ب ٢٠٠١ او ٢٠٠٢ 

قطعها رخيصة ولا تشيل هم 

اهم شي اذا نويت 
اهم شي 
النظييييييف النظيييييف 
ولا تراك تبي تاكل خابوووووور 

بغض النظر عن القطع لكن هل تصبر على خرابات السياره حتى لو رخيصه خصوصا ان الموديل مر عليه 17 سنه

ماله دخل مر عليه ١٧ سنة مافي قطع الا تغيرت بالتاكيد خصوصا اذا محافظ ع الصيانة

اخوي تبي فياقرا من هذي الموديلات خذ فئة ٦٠٠ لانه الهيدروليك تبعه يجي زيت ويتحمل معك بعكس الفئات الثانيه يجي الهيدروليك تبعها هواء وما يتحمل المهم استخير الله اول شئ وثاني شئ مثل ما يقولوا الشباب خذ نظيف وبعض موديلات الفياغرا ٩٩ يجي فيه صدأ من تحت الابواب شيك على السيارة واهتم في الفحص عند الكشف الفني الكهرباء اولا لانه السيارة كلها الكترونيات وبعدها شيك على الماكينة والجريكس ونصيحة اخ لاخوة خذ مرسيدس شبح موديلات ٩٧ سيارات ما عليها كلام تكررف معك بس خذ النظيف الي ما يتعبك ومبروك عليك مقدما .

قطعها معقوله للي راتبه حول العشره الاف وفوق 
يبيلها محافظه وتراها سيارات ممتعه وقيادتها جميله ناعمه انصحك ٢٠٠١ او ٢٠٠٢  وخذ شي نظيف او اتركه لاتقول بصلحه وربي تتعب ماترجعه نظيف من واقع تجربه اخذت واحد وكلفني فوق

وش اللي راتب 10 تراها ميب رولز رايس
أخوي السيارة هذي أهم شي تطيح في شي نظيف ومافيها مشاكل إلا المساعدات
ويمكن تحويلها إلى عادي
أما بالنسبة لخراباتها أغلب اللي يخرب فيها الكماليات اللي فيها مثل شفط البيبان والستارة وهكذا أمنا الأساسية مع المحافظة ما تخرب أبد أبد