ابي اشتري مرسيدس جي كلاس من الامارات

موديل 2004 مايتجمرك آخر موديل مسموح 2010 
الحل أنه يكون عند بطاقة سكانية إماراتية تطلع بموجبها السيارة باسمك بلوحات إماراتية 
و الله أعلم 

يعطيك العافيه 

طيب هل تنفع البطاقه السكنيه و اقدر احولها بلوح سعوديه ( داخل السعوديه ) 

لا ما تقدر تحولها و كل مابغيت تجدد الاستمارة تروح الامارات ولاتصدق اللي يقولك ما يصيدك ساهر ترا كل المخالفات بتدفعها وقت ما تدخل الامارات

أخر موديل تقدر تجمركه ٢٠١١ أو أحدث.

اللوح الكويتية هي اللي مايصيدك ساهر

طيب احصل جي رخيص ؟ مايتعدا ال٦٠ الف 

وش الله حادك
يعني لازم مرسيدس G 
سعره مرتفع و كنه موديل 70
ب60 الف شف لك همر او بورش كايين من عندنا
كان تبي موتر مميز

تقدر تدخله بلوحات اماراتية و التجديد كل سنة يا تروح انت او ترسل الاوراق لأحد تعرفه و يجددها لك او ترسلها عن طريق السفارة و الاخيرة مدري كيف طريقتها لأني كنت بشتري سيارة و علمني أحد الاخوان بالامارات 

و ما يحتاج تروح بالسيارة معك اهم شيء ورقة الفحص و اثباتك و تجددها و لو تأخرت غرامة 150 درهم على ما اعتقد 

و الجي ما اعتقد هالموديل تحصل ب 60 الف يمكن توصل 90 الف لانهم يعدلونه الحين لموديل 2014 

لو تاخذ موديل اقدم يجي مكينة الشبح 320 موديلات التسعينات افضل لك في القطع و توفرها و رخصها 

و من موديلات الثمانينات تقدر تعدله ل آخر موديل لان تعديله سهههل جداً 
 و بالتوفيق 

الحين فيه نضام جديد صراحة مادري عن صحته انهم لغو عقد الايجار وصار لازم تكون متزوج اماراتية ولك فترة او تعمل بوظيفة بأي شركة سواء حكومية او خاصة داخل الامارات