أضف سؤال أو موضوع جديد          

سؤال بخصوص اصلاح السياره قبل موافقة شركة التامين تعال استفيد

up 2 down 0
قلم مائل 790
قبل 6 سنه و 7 شهر



السلام عليكم قدر الله على احد الاخوان وصدم بموتره وكان الغلط 100% على الي صدمه فتحمل تأمين الصادم سيارة صاحبي المهم بعد الانتهاء من الاجراءات في شركة التأمين قالو ان المبلغ بيوصل بعد 14 يوم تقريبا فقرر صاحبي يسوي السياره على حسابه لانه مستعجل لكن الشركه تقول لاتصلحها حتى تجي الموافقه وشرايكم ؟؟؟ يصلحها ولا ينتظر ..!! لان ممكن الشركه مايعجبها التقدير وتقول قدرها مره ثانيه ثم يتورط لانه بيكون سواها والمشكله التكلفه عاليه جدا ..فحاول صاحبي باستمالة قلب احد الموظفين وتودد اليه وبعد تكفى وطلبتك قاله ما اقدر اعطيك موافقه ولكن في الغالب 99% يوافقون على الاصلاح وسبب ال14 يوم حتى يدققون لايكون الحداث شبه جنائيه او خلافه وهذا سبب التأخير وش رايكم بكلام الموظف ... مشورتكم بارك الله فيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحه لالا يصلحها
واحد من عيال جيرانا صدم والغلط على اللي صدمه وطبعا جاء المرور وقدر الموتر وكلش تمام وقالو بعد 15 يوم اسستلم التامين
الرجال معاه دراهم وصلح الموتر وشرا القطع يوم خلص
دقو عليه وقالو تعال نبي نشيك على الموتر مره ثانيه علشان يشوفون لان القطع اللي مركبها في السياره تجاريه وهم طلب اصليه ومدري ايش بعد المهم
ويوم راح لـهم حصلو السياره مافيها صدمات وبعدين قالو له انت ملفق له الحادث ومدري ايش ومسحو صور الحادث من الجهاز وبهذلو الرجال
لكن ماخلها لهم راح لـ المرور وطلب التقرير حق الحادث لان المنطقه اللي احنا فيها ماجاء نجم بالكورلا ههههههههه
وطلب منهم التقرير ورفعه للمحكمه ولين يومك ماخذ ريال واحد وذا السالفه لها حول السنه


up 6 down 0
ابومحمدالقحطاني505 432
قبل 6 سنه و 7 شهر



واذا هو مستحي يركب السياره وهي مصدومه
يوقفها عند باب البيت لـ يوم يستلم فلوس التامين

ويستاجر له موتر وبيسدد فلوس الايجار من التامين
لان التامين بعض الاوقات تطلب اصلي وتركب تجاري ههههههههههههه


up 0 down 0
ابومحمدالقحطاني505 432
قبل 6 سنه و 7 شهر



بارك الله فيكم وقفت موتري وبستاجر بإذن الله مبلغ الشركه 7500 وسعرت قطع الوكالة تقريبا 7400 غير شغل اليد ( الله لايبارك فيهم ظلموني ) وقدروها على كيفهم صراحه هذه الطريقه قمة التخلف المفروض مايقدرها شايب مايدري وين الله حاطه حتى نوع الموتر مايعرفه زين المفروض اخذ اوراقي واروح للوكاله واطلب القطع ويسعرونها في 3 محلات وياخذون المتوسط وشغ اليد يكون هو تقدير شيخ الورش مو القطع بعد هو وش دراه عن اسعار القطع اصلا ( لكن لي رب مايرضى بالظلم وسيقتص لي منهم ) اسأل الله بأن يرني فيهم عجائب قدرته .. امين


up 2 down 0
قلم مائل 790
قبل 6 سنه و 7 شهر



انا صاحب السياره واتكلم بالنيبه عن صاحب المعرف قلم مائل بارك الله فيه


up 0 down 0
قلم مائل 790
قبل 6 سنه و 7 شهر



اولا التامين ما يقدر يعترض او يرفض لان التقدير جاء من ثلاث ورش وكلها رسميه وما يقدر يعارض لانها لجنه لكن خذ الموافقه من المرور بشكل رسمي قدم عليهم خطاب وشف وش يردون عليه


up 0 down 0
al_shooq
قبل 6 سنه و 7 شهر



تعليق بسيط
:: الثلاث ورش تقدر قيمه شغل اليد وانت تروح لقطع الغيار وترفق للمرور تقدير الورش + قيمة قطع الغيار ... اما بالنسبه لشيخ المعارض فهو يقدر السياره كاامله ( شغل يد + قطع غيار )


up 0 down 0
al_shooq
قبل 6 سنه و 7 شهر



al_shooq

مافهمت وش قصدك بالظبط يعني الحين اذا اتصلو علي وجات الموافقه بيعطوني شيك بالمبلغ طيب يعطوني ورقة اصلاح ولا وش اسوي بالظبط


up 0 down 0
قلم مائل 790
قبل 6 سنه و 7 شهر



انا انصدمت قبل اربع اشهر والخطا كان عليه ميه بالميه والرجال كان تأمينه المتحده للتأمين , المهم المرور قدرو سيارتي ب5700 كامله مع قطع الغيار , رحت اودي التقارير للشركه جلست حوالي الساعتين ادور مكانهم , حصلت مكانهم لكن مااحصلت مواقف , المهم عطيت التقرير موظف التامين رجعه علي قال فيه خطاء لان اسم المومن عندنا رفعت والمرور كاتبة رأفت رجعت ثانية للمرور وعدلت الاسم وعطيت التقرير لشركة التامين وواعدني بعد 15 يوم وقالي لاتصلح السياره حتى يجيك المعاين من طرف الشركة مع العلم انهم صورو السيارة من كل الجهات , بعد ثلاث ايام اتصلت عليهم علشان اشوف المعاين وينه قال اصبر حنا نكلمه وبعدين نرد عليك , ومرت الايام ولاحد جاني المهم مرت 15 يوم وخلاص يعني راح استلم الشيك اتصلت عليهم وردو علي قالو ان التقرير ناقصه توقيع الظابط المناوب !!! المهم اخذت التقرير ورحت للمرور ووقعه الظابط وارسلته لهم , بعد اسبوع اتصلت عليهم علشان الشيك قالولي الشيك جاهز بس ناقصه توقيع المدير , وبعد اسبوع اتصلت عليهم قالو خلاص ارسلنا الشيكات بعد يومين راجع الفرع , رحتلهم الفرع لقيت الشيك مصرف ب 4800 بس والمرور قدر السياره 5700 والكارثه ان السيارة كلفت 6000 ريال هذا غير السطحات + السيارة المستاجره حوالي 28 يوم + تكاليف التقدير وفوق هذا كله لم يأتي المعاين ليرى السيارة ولم يسمحوا لي بإصلاح السياره طول المدة الماضية والا لكان خفت علي مصاريف سيارة الايجار شوي


up 2 down 0
poor 1444
قبل 6 سنه و 7 شهر



http://montada.haraj.com.sa/1205


تفضلوا هذا رابط حملة تبرد قلوبكم بهالشركات النصابه





up 0 down 0
YASSER505 4154
قبل 6 سنه و 7 شهر



اتفق مع ابو محمد


up 1 down 0
يوسف احمد 2011 3
قبل 6 سنه و 7 شهر



حسب نظام التأمين الصادر من مؤسسة النقد العربي السعودي
أقصى فترة لإستلام التعويض هي 15 يوم
أرى تصلحها على حسابك إذا المعاملة منتهية حسب كلامك


up 0 down 0
rayan3335 2
قبل 6 سنه و 7 شهر



السلام عليكم ورحمة الله وبركاته
اولاً:الان في حالة حدوث اي حادث والمخطي عنده تأمين اكيد بيحضر موظف نجم لعمل كروكري الحادث وتصوير السيارات المتصادمه وتسجيل التقرير الكترونياً اما اذا كان في خط سريع يقوم بهذا العمل رجال امن الطرق او اي جة تحضر للحادث طبعا راح يأخذوا من المخطي التأمين والاوراق المطلوبه . 
ثانياً:المصدومه سيارته يستلم ورقة الاصلاح وتقرير الحادث وتأمين المخطي عليه وخطاب موجه لشيخ طائفة الورش .
ثالثاً:تذهب بالسياره المصدومه لشيخ طائفة الورش ليسجل لك القطع التالفة بسبب الحادث و وتحديد قيمة اجور الاصلاح دون القطع.
رابعاً:تذهب لمكاتب شركة نجم وتسلمهم جميع الاوراق اللي حصلت عليها وهم بدورهم يسجلوا المعالمة الكترونياً وارسالها لشركة التأمين المطلوبه ويطلب من الايبان لحسابك البنكي الشخصي حتى يتحول مبلغ التأمين لحسابك وفي حالة عدم وجود الايبان او حساب بنكي اعطائك شيك بمبلغ التأمين تستلمه من نفس مكتب شركة نجم .
خامساً:بعد ارسال المعالمه لشركة التأمين تقوم شركة التأمين بعمل خصم 20% على قطع الغيار بسبة ان الوكالات تعمل خصم 20% اما مبلغ اجور الاصلاح لايخصم منه شي يضل مثل تقدير شيخ طائفة الورش .
سادساً:تصلك رساله على الجوال استدعائك لمكتب شركة نجم للتوقيع والموافقة على المبلغ بعد خصم 20% على قطع الغيار .
اخيراً:تنتظر مبلغ التأمين ونسأل لنا ولكم السلامه من كل شر وربنا يكفينا شر حوادث السير والسيارات متمنياً للجميع حياة سعيده وجميله في ضل حكومتنا الرشيده بقيادة سيدي خادم الحرمين الشريفين الملك سلمان بن عبدالعزيز طول الله في عمره وجعل دخراً للمسلمين عامه والسعودين خاصه .


up 2 down 0
محمد الشريف ابو قصي 2
قبل 2 سنه و 7 شهر