أضف سؤال أو موضوع جديد          

هل السياره غايه ام وسيله

up 6 down 3
أحساس هادئ 55
قبل 8 سنه و 7 شهر



يسعد صباحكم/مساءكم , اخواني و حبايبي منوريني و مشرفيني والله , طبعاً جايب لكم اليوم موضوع أتمنى في إنه يحوز على رضاكم و إستحسانكم , ألا وهو موضوع (الفشخرة الكذابة) في السيارات !! طبعاً أنا دًقة قديمة شوي يعني من (المخضرمين) لحقت على الجيل القديم الجيل الرائع البسيط المتواضع جيل الأخوًة جيل صفاء النية جيل (الفزعة) و المرجلة و العلوم السنعة الزينة , و أعاصر حالياً الجيل الجديد و أستغرب من بعض الأفعال الحاصلة في هالوقت للأسف !!! يعني تجد شاب بسيط على قد حاله يروح يركبً نفسه ديون و يتسلف و يمكن ياخذ قرض من البنك على شان يروح يطلعً (سيارة جديدة) و بالقيمة الفلانية !!! طيب ليش يابن الناس (تبلش) عمرك و تتعود على الديون من أول حياتك ؟ عشان (سيارة)؟ ترا على فكرة الديون مثل الإدمان إذا طحت فيها صعب تنفك عنها !!! يا حظ البنوك بس $$$$ شاديًن حيلهم بتسهيلات القروض و الأقساط لأنهم لاقين من يشجعهًم , المهم يا شباب , أنا أعرف ناس كثير من هالشاكلة , و زمان أول كانت السيارة تعكس حال صاحبها , يعني أول اللي معاه (مرسيدس) هذا مقياس إنه شخص مرتاح و أموره طيبة , و اللي معاه (كرسيدا) هذا شخص على قد حاله و أموره وسط ,  واللي معاه (جيب) هذا طير بر و أغلب وقته بالصمًان !!!!! اللحين تلقى ناس واجد معاهم (جيوب) ولا قد طبوا الثمامة حتى !! لا وأنت بعد ماشي في السيارة و رايح المحطة عادي جداً تلاقي واحد معاه (بانوراما) , و يجي لمًك يا أخوك معك سلف ودي أعبيً بنزين؟ السيارة بتطفى !!!؟؟ لا يا شيخ جد والله !! الله يرزقنا وياك من فضله , يعني بصراحة (المظاهر الخداعًة) وصلت فينا إلى أمور خطيييرة !!! أعرف كثير للأسف مظاهرهم لا تعكس حالتهم المادية بتاتاً , ليش تلبس ثوب ماهو ثوبك؟ يا اخي إمش على المثل الزين (مد رجلينك على قد لحافك) ليش تروح تركب (بي إم) ولا (مرسيدس) ولا (أودي)؟ و تركبً على نفسك ديون لها أول ما لها تالي و بالأخير تبتلش لو خربت قطعة بسيطة فيها ؟ لإنك بإختصار (منتًف) و لا تقدر تصلحها !! والله يا اخوان في بعض الناس ما تملك إلا إنك تحمد ربك بأنه عافاك مما إبتلاهم فيه , أنا أعرف واحد عزً المعرفة و أعرف وضعه المادي زين , يشتغل بشركة و راتبه ما يتعدى 6 الآف بحد أقصى !!! و شفته عقب فترة مطلع بي إم  جديدة وكالة !!! قيمتها على ما أعتقد فوق (380) ألف !!؟؟ أنا الصراحة إستغربت قلت يمكن الرجآل جته رزقة أو إشتغل و كوًن له مصدر دخل ثاني , لكن الرجآل مثل ما هو على نفس حالته , مطلعها بقسط يشيل أكثر من 60 % من راتبه شهرياً يعني حول (ثلثين) راتبه يروح للسيارة !!! و ما يصفى له إلا حق (البكت) و (البنزين) !!! تخيلً تشتغل أكثر من 3 أو 4 سنوات و لا تجمع لك (قرش) واحد على قولة إخواننا المصريين , بس تشتغل عشان تسدد أقساط الموتر, ما قلت لكم إن المظاهر (لاعبة بحسبتنا) و موديتنا في (ستين داهية) !!! , حتى إن هذا اللي ذكرت لكم قصته إتصل علي قبل فترة , هلا أبو فلان كيف الحال؟  أخبارك؟  وش مسوًي؟ أبي سلف 4 آلاف , قلت أبشر بس وش تبي فيها؟ لا أبد أبسوي صيانة شاملة للسيارة و نقصت علي فلوس !!! و أبد متى ما رزقني الله رديتها لك !! (يفتح الله) منين بتجيك فلوس قريبة و أنت أغلب (راتبك) يروح للسيارة ؟ عطني حسابك و أبرسل لك اللي أقدر عليه (عونة) ولا أبيك تردها !!! الشاهد يا اخوان لا تغركم (المظاهر) ترا السيارة والله وسيلة نقل لا أقل و لا أكثر !!! خذ لك سيارة تمشيً أمورك فيها , و لامن رزقك الله خذ (بنتلي) أو (مايباخ) محد راح يقول لك شي ؟؟ أما إنك تضغط على عمرك و تبدا حياتك بدين و سلف و أقساط والله ما (تقضي) منها و راح تتعود على الدين و السلف بأبسط الأشياء , الله يرحم الوالد كان يقول: (و أنا أبوك دبرً أمورك بقد ما عندك ولا تدورً اللي بيد غيرك !! ترا الدين ذلة و المسألة للناس مهانة) المهم اخواني و حبايبي طولتً عليكم بالموضوع أدري , لكن القصد والله النصيحة و التذكير .


ة



الموضوع منقول من احد الاعضاء في هذا المنتدى  وانشاء الله مايشيل في خاطره شيء علي  بس والله اني تعبان ولا اقدر اكتب موضوع جديد وشفت المنتدى نايم قلت خلني انزل موضوع اخليهم يصحصحون







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


شكرا لك على النقل الرائع


up 4 down 0
ابو جــنى 223
قبل 8 سنه و 7 شهر



الله يذكرك بالخير ... يانيق


up 4 down 0
سعد خليل 6152
قبل 8 سنه و 7 شهر



مشكور عالنقل
ولو صلحوا مشكلة رفع الصور انزل موضوع على طول...والحين جاهز انتظر بس يتصلح المشكلة
وراح يعجبكم الموضوع بقوة 


up 3 down 0
3llawi96 3115
قبل 8 سنه و 7 شهر



لو كنت إنت إلي كاتبه كنت إتفاعلت معاك , بس هاتفاعل مع موضوع منقول ؟؟ كيف ؟؟


up 5 down 0
ramyshubra 1321
قبل 8 سنه و 7 شهر



موضوع اكثر من رائع.......... وفعلا كلام صحيح هالزمن صارت السيارة تستخدم للفشخرة الكذابة والتباهي والاستعراض واحيانا للقتل والمشاكل مثل التفحيط وخلافه...... ونادرأ ما تستخدم كوسيلة نقل .............. يعطيك العافية ولك احلى لايك .........:)


up 3 down 0
سيف الهاجوس 913
قبل 8 سنه و 7 شهر



عادي يارجال تفاعل معى اي موضوع بغض  النظر هل هو منقول او لا  فنبيك تفيدنا اذا عندك فائده


up 3 down 1
أحساس هادئ 55
قبل 8 سنه و 7 شهر



فداك الموضوع و راعيه , حلالك يا غالي كل مواضيعي و لك لايك عالنقل , شكراً لك + أحلى لايك .


معليش يا غرك حمالك يا خساره على حلاتك   اني فشخت موضوعك فشخه من غير سابق انظار 


up 2 down 1
أحساس هادئ 55
قبل 8 سنه و 7 شهر



ولا يهمك يا غالي , خذ الموضوع اللي يعجبك ولو تبي تاخذ كل مواضيعي حلالك , أكرر شكري لك لأنك ذكرت إن الموضوع منقول و هذا يدل أصالتك , بعض الأعضاء بدون ذكر أسامي يفشخ مواضيع عيني عينك ولا حتى يكلف نفسه و يذكر +++ منقول +++ .


القهر نظرت اغلب الشعب لك ونتقييمهم لك بناء على سيارتك

يارجال حتى التفتيش لو معك سياره فخمه يبتسم في وجهك ويخليك تمشي
ولو عندك بلاوي ومخالفات يفكك 
ولكن لو معك سياره عاديه وعند تفتيش تلقى العسكري معفوس ويكلمك برفعة خشم

فلاتستغرب العالم تدور السيارات الفخمه وتقتنيها حتى لو دين .. 
والي يشتري سياره فخمه عشان الناس تحترمه فهذا مع احترامي له .. فيه نقص


up 0 down 0
a v a l o n 2184
قبل 8 سنه و 7 شهر