تحذير للمسافرين لي قطر

معقوله 620 مخالفه اكيد فيه شي غلط ماش انا مو مصدق 

ذكرتني بسالفتنا في الامارات  حنا من اهل الرياض ومشينا عن طريق حرض لانه اقرب شي المهم قطعنا مسافة 500 كيلو لين وصلنا المنفذ وطبعنا تكسرنا وحالتنا حالة بسبب الطريق المعدوم ومسارين ومليان شاحنات المهم انفقعت كبودنا ونبي الشقة معد نشوف وحنا مستاجرين في دبي عاد خوينا طنقر ومشي بعد المنفذ بسرعة 180-200 وعلي كلام واحد من العيال يقول ان ساهر مايجي اللوحات السعودية ومن كثر ماصورنا ساهر صار واحد يصور واللي بعده ﻻ وكانت في الطريق كثيرة اتوقع كل 10 كيلو واحد المهم عاد تمشينا وساهر شغال ومافيه اﻻ تجاوزات في شارع الشيخ زايد عاد من كبره لو يهج عليك الموتر عاد يمديه يوقف وانت ماوصلت الرصيف بعد 3ايام رجعنا وعلي نفس الموال يوم وصلنا المنفذ خذا اثباتاتنا قال مافيه احد من اخوياكم رايح وﻻ جاي عشان ياخذكم قلنا ليه خير قال عليكم تعميم قلنا قل خير يارجال قال جاكم العلم عاد انا التفت علي خوينا اللي يقول ساهر مايصور لوحات سعودية بغيت اكله بعيوني ونقد نحاول في الموظف شوي اﻻ نسمعه وهو يضحك شوي اعطانا اثباتاتنا وقال المرة الجية ثبتي سرعتكم علي 200 وحنا ماصدقنا علي الله يعطينا اثباتاتنا بنتعدا المنفذ لا يبطل يقول تعالو ماحنا مصدقين باقي وطلع الرجال شغلته طقطقه علي السعوديين اللي اول مرة يجون علي كلام العيال اللي راحوا كذا مرة 

ثبتي = ثبتوا   ههههههههههه

ي رجال شكله خراط , اجل عدد مخالفات 643 !!
.
..
.
اشياء غريبه تحدث لديهم ي رجل O_O

ﻻ اتوقع ممكن تكون صدق ﻻن واحد من العيال خذا مخالفة لكن ورقية موساهر يوم جاء الرياض اﻻ هي نازلة علي كلامه ﻻن بيننا وبينهم تعاون 

المخالفات مالها دخل بالسعودية 
المخالفات مرتكبه داخل دولة قطر 

الي استغربت منه بعض السيارات عليها 200 و300 مخالفة 

الله يكون بعونهم 

شاف جارهم مسوين انظمة وغرامات بالاالف قال خلني نسوي زيهم بعد  ما طلعو وفلوها ههههههههههههههه 

ياليل عاد المخالفات بقطر دبل يعني اعتقد من 1000 وفوق وعندهم مخالفات ب6000 الاف من النعمه الي فيها الشعب رفعو المخالفات عاد الي عليه 600مخالفه خليها 500 ريال يساوي 300 الف ريال يعيش عندهم احسن 

^^ابو ابراهيم

تروحون هناك وتخالفون الانظمة متى تلتزمون فشلتونا

وانا من جهتي اصدق الخبر اي شي شين اعن السعوديين اصدقه