ارجو الدخول يا مدرس عاطل

مشكلة الألماني الحرارة...

الالماني ما منه مشكله

اخوي 
 وصلت خير ان شاء الله ولاتشيل هم

بخصوص الحراره توصل الى ١٠٥  الخط اللي يسمونه الثمانين او الميه تتعداه شي بسيط مقدار الانبيرمع السرعه العاليه والظغط ٢٤٠ وفوق واذا طولت عليها

انا كنت استخدمه بالصيف بالقصيم وعليه رديتر تجاري والحراره تصك ٥٠ كان يحتر بس
اذا مشيت يبرد لان الرديتر مايعمل بكفاءه وكنت امشي من القصيم للطايف بعز الظهر ع ٢٢٠
والحراره على ١٠٠ تمام والمكيف شغال

لكن تاكد لابد ولازم يكون الراديتر اصلي عليه نجمه المرسيدس  او behr
ويكون تماتيك المروحه نظيف وممتاز والمراوح الاماميه شغاله 

الموتر ككل والله مايعيبه شي لكن عقب منع الاستيراد للقطع والسيارات 

بدت تقل القطع الحساسه وارتفع سعرها الى اربع مرات
مثل كف الرفرف وراس البخاخ وكلتش المروحه والدينمو هذي لقطع القصات 
كانت تجي رخيصه وبتراب الفلوس مستعمله ونظيف

وارتفعت المكاين والقيور والكارونات
حتى لو تبي تاخذ قطع جديد بالذات مثل دينمو الكهرباء وكلتش المروحه معاد يجيبها الوكيل معاد تنباع
قبل اربع سنوات كان القصه كامله من الطبلون الى مابين الرفارف وتحت الكبوت
من مكينه واغراضها كامله مكمله مقصوصه سياره الى نصين دركسون يسار شغاله
قيمتها ماتتحاوز ٥٠٠٠ الاف ريال
الان المكينه لحالها ملحوسه وصلت الى ٦٠٠٠ الاف ريال
والقير ٢٠٠٠
والكارونه الف
تبي الشور تراها راحت علينا ع قولتهم 

فازوا فيها اللي قبل اربع سنوات

في حاله وحده اذا بين كل سته شهور تنقز للامارات كذا ممكن القصات هناك ع ٢٥٠٠ ريال



انصحك 

تطلع للشبح  باقي القطع متوفره ومنتشره ورخيصه وتدور موديل حديث




او الفئه e 




ترى موتري انا بعته قبل شهر 


واي استفسار انا حاضر

عفوا دركسون يسار = دركسون يمين

قصات الياباني 

معروفه حرارتها تثبت على 85
بس في عز الصيف مع المكيف تتعدى 85
الافضل تركب مراوح اضافيه

يعطيكم العافيه جمييييع

صاادق اخوي مدرس     نسيبنا ششرى وحده من صالة قبل اكثر من 6 سنين اخذها بـــ 33 الف تقريبا والله ماشيه اقل من 40 الف
كدها كد وباعها تقريبا بنص القيمة  راحت علينا كانت ياباني استعما ل 

ايه ياصوت العزاوي 

انا اتابع مزاداتها باليابان باستمرار

مبيوع قبل شهرين واحد ماشي ٣٥ الف

بمبلغ ٣٢ الف

الشكمان لونه نحاسي ماقلب لونه خخخخ نظيييف

وشبح ٦٠٠ موطيل ١٩٩٨
ماشي ٢٠٠٠ كم الفين كم فقط
انباع ٦٠ الف ريال طبعا باليابان مو هنا ركز

يجي اشياء لقطه لكن الله يعين عليهم بس

الالماني اعتزلته قبل 10 سنوات وحرمت اشتريه بسبب مشاكل الحراره ويا كثر مايخلط

الحرارة فوق ٨٥ طبيعي جداً لأنة تختلف قرائة العداد 
وهاذا كلام مرسيدس بنز \بس يجيك واحد يشوف الحرارة ولا هو فاهم شيء 
ههه ويقول مرتفعة 
الله مستعان 
وعلى فكرة آنا مطلع شبح ٩٧ بوقتة جديدة من الجفالي كانة هاذي حرارتة ليومنا هاذا 
بالتوفيق

اللي يقول الماني حراره اقوله مع اسفي ماعرفت تتعامل من كتيب الصيانه الدوريه للمرسيدس ولا كان عشقته