ليش المرسيدس القديم مظلوم عندنا ..

يارجال هذولا ماعندهم ذووق مو بس انت كلنا
حتى اخوياي الحين صارو يسموني المصري هههه

أعتقد لأنه كان يظهر كثيرا في الأفلام المصرية ايام عادل إمام ونور الشريف 

لاكن هيا بالأخير وسيلة وليست غاية

ولد عمي يسمونه بسطويصي هههههههههههههههههههه وباعه 
والله انه متحسسسف ليوومك ذا يالربع

سيارة سعرها رخيص والاجانب عندنا مدمنين مرسيدس يعني الحين عمرك شفت مصري راكب هايلوكس غمارة ؟؟ او سوري مشتري ربع تويوتا ؟؟ يمكن فيه بس قليل حيل

كل ناس ولهم ذوقهم بالسيارة عندك مثلا البيجو هنا محد يشتريها لكن لو تروح للدول الثانية تلقاها بكثرة

سياره كان المستخدم السعودي يخاف منها قديما وهالة غلاء اشعار القطع



ومع الاستيراد انتشرت وكثرت وجربوها الناس وعرفوا قدرها 



الان ملاحظين انتشارها غير طبيعي 

تبيعني يالصعيدي انا شراي

حتى الي معه ددسن يقلون عنه درباوي هههه ناس محد يسلم من لسانهم

^^^^^^^

حتى اللي راكب جديد يقولون

سابقا الله يخلي الراجحي
وحاليا الله يرحم الراجحي 

خخخخخخخ

ماهو مظلوم بس عمره الافتراضي انتهى خلاص بيصير على الورش ولا السياره معروفه يشهد لها التاريخ

يارجال مرسيدس كاش
ولا رنج ولكزس اقساط حلال البنوك لين تنتهي السداد كامل

مثل ماذكروا الاخوان شعبنا شعب عيار يحب يستهزي باي شي سيارتك شكلك بطنك ثوبك شماغك اي شي شعب يحب الطقطقه ,,,

ولاتنسى ان 65% من سكان المملكه شباب تحت ال 30 سنه ,,,يعني اهل طقطقه بعضهم طبعا ,,,

وبالنسبه للشبحات وال560 اللي مايطول العنب ......
لمعلوميتك الشبح اعظم وافضل سياره صنعها الانسان على مر التاريخ الي يومك,,,
واسال اي شخص خبير بالسيارت وقله وش السياره اللي نفسك انها تصنع من جديد بنفس مواصفاته القديمه ...اكيد راح يقولك الشبحات اللي طبعا صنعت من 1990 او ا199 الي 1999 وكذلك ال560 طبعا ,,,

انا اعرف واحد عنده بانوراما 2006 قلت له لو خيروك بين شبح 500 اصفار موديل 98 او سيارتك هذي قال الشبح ماينسيني اياه الا الموت ,,,

يلي ما يعرف الصقر يشويه 
المرسيدس القديم 300 و 320 و560  وفيه فئات اخرى
من اروع السيارات بس عاد اذا اخترب مين يدلك على العله ويشفيها 
ترمى ويركبها عاد يلي يستر على المترديه والنطيحه 
بعدين للمعلومه االاجانب ممنوعين من شراء البكمات جميعا لانها تعتبر ليست خصوصي او فيه اسباب اخرى ودمتم

انا طالب ١ ثانوي ابي مرسيدس E320 تنصحوني بيه وكيف قطع الغيار غاليه ولا 
زي الشبح s320 

هم قالولك يالمصري عشان المرسيدسات القديمه اللي زي موديل موترك ما يستخدمها الا المصاريا والسوريين

 الشبح اعظم وافضل سياره صنعها الانسان على مر التاريخ الي يومك,,,