نداء لركاب الالماني وكل مستخدم للسيارات الالمانيه - إستشاره
5
1
إضغط هنا للإخفاء
بسم الله الرحمن الرحيم
أسعد الله كلً أوقاتكم بالخير والمسرات ,
أول شي أعتذر لـ العنوان الي خصــًــيت فيه أصحاب ومستخدمي الالماني فقط وليس عشًاقه ,
لان البعض ممكن يعشق الالماني بسبب الجديد منها .. والقديم منها مايعرف عنه شي ,
الموضوع ياجماعه انا رجًآل أبدخل عالم الالماني ولكن بالفلوس الي معي ..
والمبلغ المتوفر معي [ 30 الف ريال ]
وش تنصحوني أدور عليه .. واي نوع ؟ طبعا يُفضل من موديل 90 وفوق .. طبعا غير الــ 560 ــ لأسباب خاصه فيني
وعندي شروط مُعينه يجب توفرها بالسياره ..
وطبعا مُقارنتي بالسياره الموجوده معي حاليا والي ممكن أبيعها بسبب السياره الي ابحث عنها
سيارتي كورولا 2003 أقل فئه ^_^
شروطي =
1- يجب ان تتحمل السياره الظروف المناخيه من حراره وغيره ..
2- المكيف يعمل بكفائه عاليه جدا في عز الظهر وعز الزحمه ..
3- لا طقت براسي وحبيت أسافر في اي وقت سواء صبح او ظهر او ليل ادق سلف وأتوكل على الله ..
4- قطع غيارها متوفره واسعارها معقوله ..
5- تعمل بكفائه عاليه داخل البلد وخارج البلد [ سفر وغيره ]
------------
طبعا هذي أهم شروطي وهي متوفره بالكورولا الي معي [ ماشاء الله تبارك الله ]
فـ يا أخوونا ركاب الالماني وياكل من يقتني الماني وش تنصحوووني فيه ,
طبعا لايقول احد فيكم المبلغ قليل :@
لان بنفس المبلغ أقدر اقتني من شركات كثيره وبالشروط الي ذكرتها لكم . . وعلى سبيل المثال :
فورد من 98 إلى 2002 - اكورد - كامري - كورولا - سوناتا ..
وغيرها كثير
ولكن انا ابي ادخل لعالم الالمااااني ونجرررب لان اغلب المواضيع الي تنزل ع الالماني يكون ردي فيها [ اهلها ابخص فيها ]
فـ وش الشور بارك الله فييييكم
طبعا ماعندي غير ولد عمره سنتين الله يحفظه يعني مايهم السياره صغيره او كبيره
ولكن المهم يكون المبلغ الي معي يجيب النظيف من الفئه الي تنصحوني فيها
والسلام عليكم ورحمة الله وبركاته
إبلاغ
الردود
واذا تبي شي مقاس الكورولا خذ C
الثنتين هذي عمليات جدا
0
0
قبل 9 سنه و 7 شهر