أضف سؤال أو موضوع جديد          

ما معني الهيدروليك وما وظيفته ؟؟؟

up 0 down 0
hooda_h2012 50
قبل 6 سنه و 11 شهر



السلام عليكم ورحمة الله وبركاته
اخواني انا جديد في عالم السيارات
وكنت بشتري سيارة مرسيدس se 320 موديل 96
وصاحبها قاللي انها ماتشتكي من شئ
الا الهيدروليك يبغاله تصليح
وانا ماعرف ايش الهيدروليك وايش وظيفته وهل خراباته سهلة التصليح ولا كيف
وكم قيمة السيارة دي
مرسيدس بنز SE320 موديل 1996 م
لون السيارة : أسود
رقم العداد 250000 كم تقريبا
حالة السيارة : فتحة سقف فرش مخمل اسود البودي فوق المتوسط لايوجد صدمات
وجزاكم الله خيرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخوي هيدروليك الالماني وظايفه كثيره

تماسك السياره
انخفاض السياره اثناء السرعات العاليه

يحافظ على توازن السياره

الهيدروليك الاماني روعه

لكن خراباته تشيب فالراس وقيمته غاليه توجع القلب

الا اذا كنت بتشتريه وتركب عليه مساعدات وتلغي الهيدروليك

بس تاكد انك بتفقد جميع خواص الالماني بدون هيدروليك وبيصير المرسدس ينقز 

اما حكاية اصلاحه او تركب جديد فتراه غالي ومتعب

فانصحك قل راعيه يصلحها او يركب مساعدات وبعدين اشتره

او انك تنتظر احد يفيدك في المساعدات

بيحث يعطيك معلومات عن شراء مساعدات وتركبها بدل الهيدروليك


up 6 down 2



ربي يبارك فيك يااخ شاقح بن مشقوح الشقيحاني
ما قصرت


up 2 down 0
hooda_h2012 50
قبل 6 سنه و 11 شهر



ما بزود على كلام شاقح صحيح 100/100


up 2 down 1
allaoe 795
قبل 6 سنه و 11 شهر



كفيت و وفيت ي شاقح

لكن يا اخوي اذا الهيدروليك فيه مشكله بامانه ابعد عنه .. لانك بتتعب معه
قريت موضوع لواحد بانه ركب هيدروليك مرسيدس لموديل 96 .. الهيدروليك مثل المساعد شكله .. و كلفه الهيدروليك الواحد مع التركيب 3000 ريال .. اجل لو بتركب الهيدروليك كامل للسياره كم بيكلفك .. 12000 الف مثلا ..؟؟

بالتوفيق اخوي و الله يرزقك بالسياره اللي تناسبك و ترضيك


up 2 down 1
عبدالله الشهري1987 2364
قبل 6 سنه و 11 شهر



الهيدروليك ياعزيزي قصته قصه ههههههههههههه

هذا يا طويل العمر عندي في الفياقرا طبعا غيرته قبل فتره اثنين خلفي قيمة 7000 الاف ريال طبعا مع التركيب واصلي جديد

مميزاته: ثبات السياره بشكل رهيب كل مازادت سرعة السياره كل مانزلت للارض وزادت رساوتها وثباتها يوزن السياره مع المشيي مرييييييييييييييح جدا جدا جدا ومادري عن الخط ميزته ايضا عند التحميل ترفع الهييدروليك وترتفع السياره عن الارض او اذا كنت من محبي الاستعراض تنزل السياره لارض طبعا الهيدروليك روعه ولو غيرته بمساعد عادي اعرف انك ماتستاهل اصلا تركب السياره هذي وبتفقد كل المميزات الماضيه واذا مابتقدر عليه وع صيانته ما انصحك تقرب من المرسيدس ابدا

بالنسبه للعيوب : اولا واخيرا سعر تكلفته الواحد جفالي حق الفياقرا ب3200 ومع التركيب 3600 ريال وغير كذا كله مميزات بس اذا استخدمت السياره والله انك تدفع وما يهمك لانه يستاااهل كل ريال فيه ولكن اذا وضعك المادي مايسمح فابعد عن المرسيدس والهيدروليك احسنلك واذا بتغيره مساعد عادي اقلك اشتر سياره ثانيه افضل بكثير وبالتوفيق


up 2 down 1
adil ali 1739
قبل 6 سنه و 11 شهر



السلام عليكم عزيزي الاخ عادل
بخصوص الهيدروليك اللي اعرفه انه عندي مفتاح لرفع السياره وتنزيلها للوضع الطبيعي
لكن كنت بسأل عن كيفية تنزيله للأرض
لأني أحيان توقف السيارة باليومين ما أحركها
وياريت للي عنده افاده ما يبخل علينا وهل تنزيله يضر الهيدروليك وللا لا



up 0 down 0
mamji 2
قبل 6 سنه و 9 شهر



انا معي 560 1990 كيف انزل وارفع الهيدروليك


up 0 down 0
n-a-501
قبل سنه و 10 شهر