أضف سؤال أو موضوع جديد          

كانت لي زيارة بالامس لوكالتين مميزتين .. الاسعار

up 29 down 7
camry grandi 99 7274
قبل 8 سنه و 3 شهر



                                        السلام عليكم ورحمة الله وبركاته 

                                           بسم الله الرحمن الرحيم 


موضوعي اليوم ياخوان يتكلم عن اسعار السيارات في وكالتين ( الجفالي - المتحده ) 

اول شيء حبيت امسي على الاخوه الكرام والله يجعل كل ايامكم خير وبركه 

في بداية الموضوع حبيت انوه عن شيء ان الموظفين في شركة الجفالي بصراحه مميزين جدا واحترامهم للشخص وتعاملهم معه كان جميل جدا جدا ومن كثر ماهم طيبين بغيت اتهور واشتري بانوراما ههههه 

على العموم 

ثاني شيء بتكلم عن شركة ( الجفالي ) ...

اسعار البانوراما s350 سعره حاليا ب365 طبعا مواصفات الفل كامل واسمها الظاهر بروفيشنال مدري ايش هههه المهم اني مدري وش يقول الموظف 

وفيه نوع برضوه s350 سعره 350 الف واعتقد من خلال نظرتي له انه تختلف لون الخشيبه وانه يجي مرتفع اكثر شوي من ابو سعر 365 الف ههههه 

هذا بالنسبه للبانوراما 

اما بالنسبه لسيارة ايه كلاس اربعه سلندر سعرها حاليها 123 الف 

وفيه نوع cls500 سعره 392 الف 

وبالنسبه للجيب فيه جيب amg موصافات روعه وقمه في الفخامه سعره حاليا 493 الف 

وطبعا بنزل الصور حسب الترتيب طيب 

خلصنا من اسعار البنوراما طبعا ماحصلت عندهم بانوراما الا 6 سلندر مافيه 8 يقول اذا تبيها نطلبها لك مافيه من هذي المعروضات واعتقد سعرها 460 الف او اكثر على حسب المواصفات 

________________________________________

ثالثا ( المتحده للسيارات )

اول شيء بقولكم عن اسعار الكرايسلار 

( فئة ال8 سلندر الفل ليمتيد مكينه هيمي ب171 الف ريال - وفيه منها فئة برضوه 8 سلندر ب158 الف ريال طبعا تختلف الداخليه واشياء لا تذكر يعني فرق بسيط وكلها هيمي ) 

( فئة ال6 سلندر الفل ليمتيد سعرها 147 الف - والستاندر 126 الف ) 

هذي الاسعار بالنسبه لكرايسلار c300

بالنسبه للتشارجر ( فئة الثمانيه سلندر دايتونا فل كامل سعرها 158 الف )

( فئة ال6 سلندر سعرها 96 الف ستاندر ) ما حصلت عندهم 6 سلندر فل كامل 

بالنسبه للجيب ( جراند شيروكي srt سعره 223 الف ريال ) 

بالنسبه للجيب ( دودج دورانجو سيتاديل سعره 181 الف ريال )

وبالنسبه للجيب ( رانجلر فل كامل اربعه ابواب سعره 141 الف ريال )

هذا بالنسبه للاسعار وكلها موديل 2013

بالنسبه للمواصفات ذكرتها لكم كلها فل كامل الا اللي قلت عنها ستاندر 

هذا ما لدي اليوم وانتظروني قريبا باذن الله 

تحياتي ... ابو نواف



















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو سمحت ماعرف ارد بالخاص بس ردك علي لموضوع الافلون وين مكان المعرض


up 1 down 0
ابو الاشعلي 20
قبل 8 سنه و 3 شهر



فيه كم معرض وليس معرض واحد فيه 

فيه معرض في الشفاء لما تدخل الشفاء تمشي لين تجيك الاشاره اللي تدخلك ع المعارض تروح معها يمين وبيجيك اول مدخل على اليمين ادخل معه وثالث او رابع معرض على يدك اليسار بتحصلها عندهم 

وفيه كم معرض برضوه عندهم بس بالنسبه للمكان نسيت والله ما اذكر الا هذا 


up 0 down 0
camry grandi 99 7274
قبل 8 سنه و 3 شهر