بخصوص قطع غيار المرسيدس

غـــــــــــــــــالـــــــــــــــــــيـــــــــــــــه + نــــــــــــــــــــــــــــــــــادره 

شئ طبيعي بتكون قطعها غاليه بالنسبة للي دخله محدود 
ولكن فيه ناس الله ميسر امورهم ويشوفها ولا شي الألف عنده مثل العشرة عندنا 
أما إذا كنت تفكر انك بتغير لها فحمات الفرامل ب ٢٥٠ ولا ٣٠٠ كان حصلت الشعب كله راكب مرسيدس  

صدقني كل قطع غيار السيارات زي بعض غاليه ويمكن المرسيدس يفرق شي بسيط عن غيره وموب ذيك الحسبه وخصوصا حجم 500 ونصيحه تابع ردود العضو ركاب الالماني او مدرس عاطل سوي بحث عنهم فالموقع وبيفيدونك انشاء الله مايقصرون معك

اللي اعرفه يالغالي اخوي عنده مارسيسدس 2010 S350 ، يقول انها مناسبة جدا و عموما هي افضل من البي ام و البورش و الرنج حسب معلوماتي العامة و الله يوفقك يارب 

قطع البودي التأمين يكفيك فيها لاتشيل همها بس أمن شامل وريح رأسك
قطع الغيار أحسن حل انك تقارن بنفسك ولا تسمع من احد--اللي عندك غالي غيرك 
يشوقه رخيص -- روح الجفالي اسأل وروح محلات قطع الألماني كمان واسأل وفيه 
محلات كمان تبيع مستعمل والأسعار فيها اختلاف.  ربي يكتب لك اللي فيه الخير

اخوي توكل على الله وخذ السياره ولاتشيل هم القطع تقدر تطلبه من مواقع الانترنت ارخص من الوكاله بكثيييير

ياخوي اسمع نصيحتي. اولا اذا بتستخدمها كثير خذ ٣٥٠. اذا عندك سياره ثانيه صغيرخذ. ٥٠٠ 

ثانيا  لابد تكون مهتم بصيانتها  وقيادتها لان نظام المساعدات حساس  ومكلف جدا قيمة المساعد الواحد حدود ٤٠٠٠ 
ثالثا الزيت لابد استخدام الموصى به من الوكاله 
رابعا اغلب مشاكلها كهربائيه بعد المساعدات  
خامسا قطعها الاستهلاكيه فالقماشات اصلي ب٣٥٠ ريال امامي  ولكن البواجي غاليه  ممكن ٨٠٠ ريال او اكثر بعض الانواع  واخيرا تحتاج مداراه واهتمام وقياده راكده 

نصيحة أخوي و أنا ما أعرفك..
السيارات الفخمة و الرياضية يا تشتريها جديدة أو على الأقل مرّ عليها سنة يا بلاش منها نهائياً.
و صدقّني السيارة ما تكمل شهر بالكثير إلا و هي شيء عادي بالنسبة لمالكها.
اللي معاه 350 ودّه بـ 500 و اللي معاه 500 ودّه ببنتلي و اللي معاه بنتلي ودّه برولز و هكذا.
ما مثل الجديد مهما كان نوعه و اللي تقدر على صيانته وانت مرتاح.
بعض الأحيان - و أنا ما أقصد صاحب الموضوع الموضوع - أمر من عند بيوت شعبية و ألقى عندها سيارات مرسيدس 
و بي إم أو أودي.طيب ليه ؟
بالنسبة لي أفالون على يدي جديدة و لا مرسدس مستعمل ماني قادر على صيانته لو يضرب مساعد معك ابتلشت.
أذكر مشهد من فلم مصري قديم واحد يبي يشتري سيارة جديدة و صديقه يقول له وفر فلوسك و اشتر سيارة مستعملة
على قدّك فقال الأول لو كنت غني كنت شريت سيارة مستعملة أقدر على صيانتها لكني على قدّ حالي فأبي سيارة تمشيني
بدون مصاريف.
ودّي و الله لو معك رولز لكن اللي مهو لك يهولك !