سعر شبح جمرك

الافضل اطلع بنفسك للامارات وتاخذ اطيب شبح بحدود ال30000 ريال تقريبا هذا مع ان الغالب اسعارهن هناك اقل من هالمبلغ وطلع بطاقة سكنية بنفسك ولاتكلف هالشغله الا حوالي اسبوع وفيه مكاتب عندهم يطلعون لك كل شي اذا كنت ماتبي تراجع دوائرهم الحكوميه ويريحك من دوخة الراس واترك اللي يجيبونه ب25000 ريال ويبيعونه عندنا ب50000 ريال وهي هي لالبد تطلع للامارات تطلع البطاقة السكنيه واذا طلعتها اشتر من هناك وبمزاجك تنقى اللي تبي

طيب الي يدخل السيارة بلوحات اماراتية ووبعدها يسحب ما يجدد لا استمارة ولا بطاقة سكنية .. وش وضعه؟

اللي يجيبون الشبحات النظيفه لهم اماكن مخصصه ونادره ولايوصلها أي شخص ,,

طيب كم السعر المطلوب عشان نقولك مناسب او لا ,,اهم شي انحش من سيارات السعوديه لانها مكروفه وماشيه فوق ال 300 الف هذا غير المطبات والمسافات الطويله والحراره اللي لعبت ف السياره ,,

لكن اللي ف دبي والبحرين تجيك تصدير من اليابان ومامشت الا اقل من 100 الف لان هناك غرامه ف اليابان اللي تمشي سيارته اكثر من 100 الف كيلو يدفع مبلغ يقارب ال 20 الف ريال اوكثر عشان يجبرون الناس يستخدمون وسائل النقل المترو والقطار عشان تخف الزحمه عندهم وتلوث الجو وغيره ,,

ع كل حال حتى لو وصل السعر 45 الف سيارة الامارات تستاهل اذا ممشاها اقل من 100 الف او 110 الاف ..

واهم شي تكون ياباني و500 او 600 حسب الرغبه ..

واكثر فائده انك ترتاح من ساهر للابد ...

واعرف ناس اذا شريت منهم السياره ينقلونها باسمك وانت هنا بالسعوديه بعد ماتشوف السياره تعطيهم عربون وجواز سفرك والرخصه وينقلونها باسمك وتستلمها جاهزه منقوله ,,

وبعظهم يجدد الاستماره بعد وانت هنا لكن ياخذ اتعابه ...


لكن المشكله الوحيده اعتقد وماني متاكد ان اذا ماعندك بطاقه سكنيه ماتقدر تدخل السياره للامارات عشان كذا لازم تكون البطاقه السكنيه معك وانت رايج تجدد,,

بخصوص ساهر اذا بتدخل انت بالسيارة رح تسجل اللوحة على رقم هويتك  حاسبينها الربع من اول للاسف 

احسنت الاختيار سافر الامارات بنفسك وما تاخذ معك اسبوعين الا هي معك وازيدك من الشعر بيت خل ساهر يصورك ونت راجع قله كل تبن وصور 

حيااكم الله جميعاااا واسعدني مشاركة كل واحد منكم .. 
سااهر الله يفكنه منه

اتوقع التجديد مو مهم ..عني أنا لو كتب واتشريت يمكن ماجدتت ولا مره
شبح فئه 500 افضل شي 

http://dubai.dubizzle.com/m/ar/motors/used-cars/mercedes-benz/s-class/2013/7/19/mercedes-bens-s500-amg-2/?back=aHR0cDovL3VhZS5kdWJpenpsZS5jb20vbS9hci9tb3RvcnMvdXNlZC1jYXJzL21lcmNlZGVzLWJlbnovcy1jbGFzcy8%2Fa2V5d29yZHM9JnByaWNlX19ndGU9JnByaWNlX19sdGU9JnllYXJfX2d0ZT0xOTk3JnllYXJfX2x0ZT0xOTk4JmtpbG9tZXRlcnNfX2d0ZT0ma2lsb21ldGVyc19fbHRlPQ%3D%3D

اسم الموقع دوبيزل

اتمنى انه يفيدكم

انا معي موستنج 2001 وارد اليابان كان ماشي 60الف كيلو شريته وخليت واحد من ربعنا امراتي الجنسية يدخله لي ورجع طيران
.......السيارة لها معي قرابة السنتين ولاهي باسمي وماتركت ديره سفر وكل شي ... يقفني التفتيش في الغالب اول مايشوف اللوحة الحمرة 
الامراتية وبس يناظرون الاوراق وامشي .......وساهر اسمع به وما ادري عنه لانها مب باسمي(ز^^)