اجراءات الرخصة ؟؟

ملف اخضر
و صور شخصيه اربعه بسته
تحليل فصيلة دم مع تبرع للدم 
تعريف من جهة العمل
بطاقة اﻻحوال و نسخه منها
تبي تتاكد ادخل على موقع المرور و تلقى المتطلبات

تقديم بكره الصبح وجيب معك ٥ صور شخصيه وصوره بطاقه الاحوال وملف اخضر ويعطوك ورقه مستشفي لبنك الدم تخلص منها 
وترجع الاوراق للعسكري يعطيك ايصال وتدفع ١٠٠ ريال رسوم 
الدراسه وتجي العصر 
محاظره ٤٥ واربعين دقيقه 
وتجي اليوم الثاني تختبر سواقه واختبار جهاز اشارات 
نجحت تدفع الرسوم واليوم الثالث تعال استلم الرخصه او بنفس اليوم وشكرا 

تعريف العمل..سالت اكثر من واحد قالي ماله دخل..
بس التبرع الدم ذا ..
عند دله فيه احد يسوي؟؟

طلع عمومي وارتاح تنفعك في الوضايف

ياغاالي...مافي اقل..انا سامع ناس تطلعها بيوم..!!

وبعدين انا مابي دراسة ..انا صارلي اسوق 9 سنوات..
مافي طريقة ادخل اخلص كل شي بيوم ..


الرسوم تدفع قبل او بعد..؟؟
400 ريال..

سامحني والله بس والله مالي علم في الاشياء هذي

بالنسبة للتبرع بالدم فيه عضو قبل مده مطلع رخصه وله موضوع هنا يقول ما طلبوا مني اتبرع 

لكن انا اجبروني اني اتبرع بالدم عندهم فيه عربة متنقله تبع مستشفى التخصصي
انا مطلعها من دلة الرياض 

تحديد فصيلة الدم تقدر تسويها عند اي مستوصف وانا انصحك تسويها قبل لا تروح اختصار للوقت 

انا لما سويت الرخصة طلبو ملف علاقي أخضر وصورة شخصية أربعة في ستة يا اما ستة او اربعة مني
مفتكر وعبيت النموذج وبعدين يعطيك ورقة لمسشفى حكومي او اهلي بكيفك
وترجع لهم يختبرك تدرس اشارات 45 دقيقة وﻻ يخرجك اﻻ بعد ما تخلص ال 45 دقيقة
وتختبر اشارات وتختبر سواقة 
وبالنسبة لي انا سويت دي الامور في 4 ايام تقريبا مع اني اقدر اسويها في يومين
بس ما فضيت اروح لهم الصباح اليوم الثالث رحت اوراقي كاملة وسليمة
 اختبرت ونجحت وسددت رسوم المدرسة 450 والرخصة اظن 400 واليوم الرابع رحت استلمت 
واﻻ كان مداني في نفس اليوم استلم بس اللي يسوي الرخص مشى بدري وبالتوفيق

طيب..ليه رسووم المدرسة 450 ..؟
انا مابغى اتعلم...
ادفع رسوم الرخصة ..مو مشكلة ..بس التدريب او المدرسة ..انا وش دخلني فيها. ادفع 450 ؟؟

اسمع العلم إذا أنت بالرياض رح للسلي يطلعونها و أنت واقف 

التبرع بالدم رح للجامعي فيه ممرضة بتعطيك الفصيلة و انت واقف و بطريقتك حاول تخليها تعطيك الشهادة بدون تبرع

هذا كلام دورية وقفني و انا راجع من دلة الشمال بعد ما سقطني حسبي الله عليه و قال لي وراء ما رحت للسلي يطلعونها و انت واقف 

ما يحتاج رسوم مدرسة أنا دفعت حق الرخصة بس

والله ياغالي من كلام الاخوان اللي فووق...مافي امل...

وبعدين كل واحد يقوولي تبرع ..والثاني يقوولي لا تتبرع ..؟؟

وش الحل 

مطلعها أنا شهر 10 السنة الماضية بس أنا جيت دلة الشمال شهر 8 أعطوني موعد الاختبار شهر 10 

مستشفى الجامعي تاخذ منك نقطة دم و تخلطها مع مواد و تكتب فصيلتك 
بعدين هم يبون الشهادة أنت قل لها انك راح تطلع رخصة حاول و ان شاء الله تعطيك اياها

ترى اسويها بعد إذا طلبوا الدكاترة بالجامعة شهادة تبرع و عليها بونص نفس الحركة 

بعض الإخوان تلقاه مطلعها قبل 3 سنين أو اربع الحين تقدر تختار كم المدة للرخصة أنا خمس سنوات و فيه سنتين و فيه 10 كل وحدة بسعر محدد 

بيض الله وجهك..وامرنا لله نشووف بكرا..وش حلها

ووجهكك الله ييسر أمرك 

انا لي اسوق اكثر من ٦ سنوات ما ابي اتبرع بالدم ولا ابي ادرس كيف 

نحيف ما فيني دم عشانةاتبرع 

سمعت واحد قبل مدة يقولي على وزنك انا انت دب ماخذين دم ماخذين لو تطير 
واذا نحيف يمشونك 

موفق ان شاء الله ونا مثلك ناوي اطلع رخصه وياليت تعلمنا وش سويت من اجرائات 

توي فبل اسبوع مطلعها الاجراءات بسيطة وهي
1 ملف اخضر
2 عدد 4 صور 4*6
3 صورة بطاقة الاحوال
4 فصيلة الدم من اي مستوصف ومن دون تبرع
5- تبكر شوي بحدود 7.30 وتسدد الدراسة بأيصال بمبلغ 100 وهو اجباري
7- تحضر حصة واحدة 45 دقيقة
8- تختبر الاشارات والقيادة.
9- تاخذ الملف من دلة وتروح للمرور وتطلع الرخصة مباشرة ورسومها انواع
سنتين 100
خمس سنوات 200
10 سنوات 400
وانا خذيت 5 سنوات وصار اللي صرفته 300 ريال فقط والرخصة في جيبي نفس اليوم