مرسيدس اس كلاس 2014 والقيادة الذاتية لاكثر من 100 كيلو

تقنية جدا رائعة 

لكن عادة الالمان يبتكرون الشئ ويتوقفون عن تطويره 


بس السؤال هنا 

هل هي للتجربة ام ستكون جميعها كذا 

لاني اشوف ان فيه شخص جالس معه كمبيوتر ....  اتوقع ان التحكم عن طريقه 

اخوي راضي هلا فيك .. انا شفت لها مقطع قبل كذا وطريقة تغذية جهاز الكمبيوتر في السيارات للتعرف على الإشارات المرورية والخطوط الأرضيه وكيفية تلافي الأخطاء إن وجدت ... الشخص الي معاه لابتوب مشبوك على كمبيوتر السيارة ويشوف لو فيه اشكاليه مثلا لوحة قف ماوقفت عندها السيارة يشوفون ايش السبب ممكن تكون اللوحة مائله أو غير واضحة المعالم .. ومثل خطوط المشاة الأرضيه المفروض السيارة توقف عندها لم تستشعر وجود شخص يحاول قطع الشارع .. وإذا ماوقت معناها فيه اشكاليه ويحاولون يحلونها .. ولكن زي ما انت شايف نجحت بالإختبار لـ 100 كيلو متر بشكل منقطع النظير .......

السؤال الأهم .. هل تتعرف على المطبات ؟ ..

لأني أخاف ماتتعرف عليها إذا شريتها

طيب لو شافت حفره جامده تقدر تبعد عنها ؟؟ 
ههههههههه

طيب لو لقت لوحه مروريه زي ( قف )
وواحد من الشباب كاتب  على اللوحه البن حق البلاك بيري 
هل راح تتعرف عليها ؟ 


لو شافت مطب مخفي موب ملون هل راح تهدي عنده هههههههه
لو شافت ماصوره سلك كهرب وعمال البناء حاطين على الماصوره سمنت قد الجبل هل راح تتعرف عليها ههههههه

هالميزه ماتصلح عندنا 

انيقوه يسعد قلبك ههههههههههه لاتنسى نصف شوارعنا مو مخططه 

ما شاء الله يا زين من يسوق على هالشوارع اللي تفتح النفس...

ماذا يحسبوننا الالمان هل يحسبوننا هنودا من جنوب الهند ... يرحم امك ايش قيادة ذاتية والرجال يحركها بالابتوب