يا شباب ابغا ابيع سيارتي تشليح قطع وعندي استفسارات لا هنتم

3 4

لايمكنك التصويت حتى الحصول على 20 نقطة على الأقل
إضغط هنا للإخفاء

ابو يزيد 000 8714
قبل 11 سنه و شهر

السلام عليكم ورحمة الله وبركاته

كيفكم عساكم طيبين

ولد عمتي وتقدر تقول اخوي واكثر من اخ الصراحه

 انضحك عليه بمرسيدس 93 مقاس 300 شاص 500 , من نوع الشبح

دفع عليها امس 2000 ريال ومنها تغير 2 كرسي مكينه و 1 كرسي قير وتغير فحمات امامي وخلفي و تركيب شمعات اماميه واطي وعالي و ,,,الخ

واليوم طفت عليه

وحاول يشغلها عيت تشتغل

وبعد ساعه اشتغلت

ومشا فيها شوي الا و الكبوت يطلعه ن دخان ويقول في ريحه اسلاك محروقه كأنها التماس

ودها الورشه وقالوا السياره تهرب زيوت من تحت ويبغالها تغير عامود كردان ويبغالها راس مكينه

انصدم يوم قال يبي لها راس مكينه ويأس خلاص

وقال الله لا يوفق راعيها وصبحته وجعله برمح يصيب قلبه

وقلته له هد هد

قال , راعيها شـــــ ( من الشرقيه ) ولا زال يبيع مرسيدات لوحاته امارتيه وناشبه في حلقه لاكثر من شهرين وكل اسبوع يمسح اعلان وينزله من جديد عشان لا تشك ان السياره لها فتره معروضه ولا انباعت 

وقالنا المكينه والقير توي مركبها قبل اقل من 8 اشهر من شبح ياباني

على العموم يوم قالوا راس مكينه قال ببيعها تشليح

سيمت ب 6500 ريال وقال معصي ابيع 

صاحي انت ؟

حدي فيها 12 الف 

قلت وين يارجال ب 12 

اللي ما فيه شيء ينباع 14 و 15 الف

وانت موترك يبيه له راس مكينه وتبي 12

قال ياخوك وش اسوي

والله ان مكلفني ليومك هذا 14800 ريال يعني 15 الف وهي ما كملت الا اسبوعين الى 3 اسابيع

وقلت له ما عندك حل الا تبيعه قطع

وبجيب لك راس مالك ان شاء الله تعالى 


وقال خلاص تم

وعندي بعض الاستفسارات الآن

اولا : هل المكينه فيها شيء ينفع نبيعه ولا وش وضعها ؟ خصوصا كراسيها توها جديده والمانيه

ثانيا :


وش رايكم نوقفها بورشه واللي يبي قطعه يتصل علي ونتفق على السعر و يروح للورشه و يخلي العمال يفكونها له ويدفع لهم شغل اليد 

ثالثا :

وش اللي ينباع من القطع المكانيكيه لاني ما اعرف الا القير والمكينه والكرومبوسر 

رابعا :

اللوحه شبه مميزه يعني

وشكلها الشكل القديم

ونبغا نخليها الشكل الجديد مع ان الاستماره والفحص تونا مجددينه قبل 3 اسابيع

فكيف الطريقه ؟وهل هي سهله وغير مكلفه

لعل وعسا يحصل من وراها 800 ريال او 1000 ريال لانها مكونه من رقمين

وبس

وتكفون دعواتكم له بأن الله يعوضه خير منها لان حالته الماديه شوي صعبه وابوه يبني بيت ولا عنده فلوس يطلع موتر ثاني فيبقعد على التكاسي لين ما يتوفر له مبلغ ويشتري سياره

واللي بيقولنا اسماء القطع مثلا

المكينه
2- القير
3_
4_

البودي
5_كبوت
6-باب شنطه
7_ابواب
8_رفارف اماميه


الداخليه
الطاره
المسجل
الطبلون
الخ

هذا بأعطيه بوسه في راسه وادعي له

عشان نعرف القطع ونشوف كم بنحصل من وراها

شاكر لكم حبايبي وللعلم بودي السياره نظيفه جدا مافيه مخوش

إبلاغ

الردود