مبادئك و شروطك عشان تشتري السيارة
1
3
إضغط هنا للإخفاء
السلام عليكم
كيفكم مع البرد ....
المهم كثير منا له اراء و له خيارات يميل لها لاكن السؤال هل عندك شروط معينة
ايش هي مبادئك عشان تكون السيارة هي رفيقة دربك و طبعا مافي سيارة بالعالم متكاملة
مستحيل هذا الشي كل سيارة لازم يكون فيها سلبيات و راح اعطيكم امثلة
سيارة مريحة لاكن حساسة و تحتاج عناية خاصة
سيارة قوية و تتحمل لاكن غير مريحة
سيارة غير مريحة ولا تتحمل لاكن لها اسم و سمعة
سيارة تتحمل و قوية لاكن ما تمسك سعر و مالها اسم بالسوق
سيارة قوية من ناحية المحرك و ما يهمك اي شي ثاني
تحياتي لكم
إبلاغ
الردود
بعد السعر يجي الامان | لان مافي فايدة تشتري سيارة من اقل شيء تودعها
بعد الامن يجي الشكل & الوكيل| الشكل ضروري لانك ما بتتحمل تسوق سيارة شكلها سيء + الوكيل لانه اذا مافيه قطع غيار مجرد ما تخرب يبيلك شهر على ما تصلحها
وبعدين المواصفات
1
1
عشان لا بغيت موتر يزبنك وقت الشده , ما يخونك
يعني اذكر موقف قبل سنه كان اكسنت و قدامي تريله والخط رايح جاي
وابغا اتجاوز التريله , ولفيت خفيف اشوف في احد جاي من الخط الجاي ؟
شفت موتر بس بعيد
المهم شديت على الاكسنت و الف يسار وادعس ادعس ادعس فيها بنت الكلب ما تزيد سرعتها
واثر الموتر البعيد كان صافق الطبلون الملعون
و انزل على الردميه و ما يردني الا الشبك
وبعتها تشليح الله لا يعيده من موتر
فأهم شيء قوة المكينه + الراحه + قطع الغيار رخيصه وهذي السياره اتوقع هي الكابرس او اللومينا 2011 8 سلندر
موتر يزبنك وقت الشده و عزمه يطربك و مريح على الاخر مريح جدا جدا خصوصا الكابرس وقطعه رخيصه وشكله جدا جميل
الامان فيه مثل اي سياره من فئته
تحياتي لك
1
0
بالنسبة لي
اﻷمان 2 ايرباق ع اﻷقل و فرامل ABS و اشوف اول تجربة اختبار التصادم اﻷمامي
المكينة لا تقل قوتها عن 150 حصان ع اﻷقل و حجمها وسط بالنسبة للسيدان
و مستحيل اشتري 8 سلندر سيدان نفس المكينة و الصرفية لجيب أو لجمس
القير 5 او 6 تعشيقات للاتوماتك اريح للمكينة و اقوى عزم
الراحة ضروري مثبت السرعة و المسجل CD و المكيف قوي
الوكيل كثير من اﻷحيان انسى و ما انتبه لخدماته ﻷني ببساطة حبيت السيارة
و المعذرة على اﻹطالة
0
0
ابو فيصل الحمد لله على سلامتك
و انا حصل لي زي موقفك كثير مرات لاكن الحمد لله الله ستر
1
0
معي لومينا شكلها حلو ومواصفات عاديه بس اتعبتني بالمطبات قاسية جدا كنها ددسن
بس متحملها عشان الاس اس كل شي يهون
0
0
حتى الدينالي اليوكن اقسى من اليوكن العادي
0
0
سيارة مريحة لاكن حساسة و تحتاج عناية خاصة..................سيارات الشفر
سيارة قوية و تتحمل لاكن غير مريحة ...........تويوتا
سيارة غير مريحة ولا تتحمل لاكن لها اسم و سمعة............ تويوتا
سيارة تتحمل و قوية لاكن ما تمسك سعر و مالها اسم بالسوق ......لاند روفر ..شفر جمس كاديلاك
1
1
اشوف موصفات الأمان بالسياره قبل كل شي وهو مبدئي بشراء اي سياره موصفات الأمان مقابل السعر
والشي الثاني موصفات السياره وهل الي بدفعه تستاهله السياره من موصفات
يعني مستحيل ادفع مبلغ 70 80 الف بسياره ارباقين وبدون وسائل سلامه
قبل 10 سنه و 11 شهر