أضف سؤال أو موضوع جديد          

لمن يعاني من مشاكل القير هنا الحل ولا تستعجل بالتوضيب

up 20 down 3
camry grandi 99 7274
قبل 7 سنه و شهر



                                 السلام عليكم ورحمة الله وبركاته 

كيف حالكم يالطيبين 

ادري من زمان ما نزلت موضوع لكن مالقيت شيء مفيد بصراحه عشان انزله وباقي الاعضاء ما قصروا ماشاء الله عليهم 

اول شيء صباح الخير 

ندخل في صلب الموضوع ..........

ولد عمي كان يعاني من مشاكل القير وكثير من الناس نسمع عنهم ان قيره ما يبدل او يبدل وفيه نتعه قويه ومن هالقبيل 

المهم السيارات اللي ينخاف عليها هي اللي ما يتبدل فلتر الزيت حقها الا بشق الانفس 

والناس قليل منهم يحب يغير الفلتر حق الزيت لان فكه غثيث واغلب الورش ما تعرف له 

وبطرح لكم مثال بسيط للسيارات اللي صارت مع اخوياي 

( الاوبيروس - الازيرا - السوناتا ) هذي السيارات صعب تفك منها الفلتر حق الزيت ومنها تضطر تغير الزيت كل 15 الف كيلو او 20 الف كحد اقصى

ولد عمي معه اوبيروس 2009 والفلتر طبعا حق القير ما يتغير واغلب ما نروح لهم يقولون اذا بتوضب نغيره لك فقط 

المهم غيرنا له زيت والامور تمام ونبهناه انه يغير زيت القير كل 15 الف او 20 الف 

على العموم حبيبنا الله يهديه محطها 40 الف ما غيره وبدت عند مشاكل القير 

وهي لما يجي يوقف يالله ترجع للاول وتنتع معه ولما تجي تبدل تجي فيها نتعه بسيطه والعزم ضعف 

بعدها بفتره علق القير على الغيار الثالث وما عاد صارت تغير ابد 

رحنا لكم ورشه وهنا مربط الفرس .... اغلب الورش كالعادة توضيب توضيب 

رحنا لشخص سعودي يخاف ربه قلنا له المشكله قال يا طويل العمر انا عندي جهاز حق فحص وبفحصه لكم ونشوف 

قلنا توكل على الله وفحص الرجال وقال عندك حساس يبي له تغيير وعطانا الكود حقه وشريناه وركبه وسوى له برمجه

ولله الحمد رجعت السيارة طبيعيه جدااااا ورجع عزمها كانها وكاله 

طبعا انا قلت هالتجربه عشان الناس لا تستعجل بالتوضيب وتحاول تلقى ابسط الحلول مثل ما يعرف البعض ان تكلفة التوضيب من 4000 وانت رايح 

بس اللي لاحظته ياخوان ان اغلب السيارات اللي تتوضب قيرها هي الاوريون حتى في احد الورش عندهم 3 اوريونات 

فمن هنا حبيت انبه للي عنده مثل هالسيارات ينتبه لزيت القير حقها ويحاول يغيره كل 20 الف كأقصى حد اذا فلترها ما يتغير

................................................

مشكلتي الثانيه مع الكابرس حق البيت كان الموتر سليم ماشاء الله فجأه طلعت عليه مشاور مالقيته يغير ابد يعني معلق ع الواحد 

رحت لكم ورشه طبعا اول كلمه توضيب ههههههههههههههه قلت يصير خير 

رحت لواحد هندي وساق السياره قال مشكلتك بسيطه وفك سلك ممتد مع الحساس ونظف الحساس وركبه والى يومكم هذا ماشاء الله 4 سنوات وهو شغال يعني لو خليت الموتر عند الحراميه كان خربو القير وهو شد بلد 

على العموم اسف اني طولت عليكم لكن حبيت اوضح لكم الصورة الكامله للي حدث معنا 

وللمره الثالثه انبهكم الازيرا والسوناتا وكيا اوبيروس تغير فلترها صعب وانصحكم تواضبون على غيار الزيت في الوقت المحدد اللي قلته لكم 

ونسأل الله انه يوفقنا واياكم لما هو خير وصلاح 

وصلى الله على نبينا محمد وعلى اله وصحبه اجمعين 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا عندي اوبيروس عندي مشكلة تعليق القير وين موقع المهندس السعودي افيدني


up 0 down 0
احمد.خليل
قبل 3 سنه و 8 شهر



ممكن رقم الرجال السعودي لوسمحت


up 0 down 0
alghanem
قبل سنه و 4 شهر