أضف سؤال أو موضوع جديد          

كم أسعار البانوراما مرسيدس ؟

up 1 down 1
3zyiz 248
قبل 4 سنه و 11 شهر



السلام عليكم
يا اخوان لفيت فترة طويلة وانا ابحث عن سوناتا او النترا ولقيت اسعار موقع حراج غريبة الاطوار خصوصا المرشوش او المصدوم

انقلب راسي قلت دام الفرق بسيط اشوف لي ازيرا !! الازيرا 2012 وكالة زيرو بـ 84 الف سابقا .. الحين الاقي وحده ماشي فوق 100 الف ويقول عليها سوم 60 الف ! لا .. وفيه لكر في الرفرف والا مرشوشة للتجميل 

طيب وصلت 60 مستعد ازود ضعفها واخذ الماني بلا دفع امامي بلا هم

الحين قلبو راسي حقين المرسيدسات 
ماطقع من زيد الا عبيد

موديل 2006 و 2007 و 2008  بانوراما كم يسوى ؟؟؟  ممشاه حت 100 الف كيلو

وكم سعره جديد ؟؟
يقول لك 2006 مسويم من زميله في العمل بـ 105 الاف !!! هذا اعتقد زميل محشش موب في وعيه

ياليت تفيدوني للي عندهم خبرة بالموضوع ..وبكم سعره جديد اصلا ؟؟ اذا 2006 بـ 100 الف حجم 350 معناها الجديد قيمته 450 الف !!بالوقت الحالي

افيدوني 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الالماني اسعار كل موديل معروفه مثلا 2006 من 95 الين 115 تقريبا تقريبا


والنضافه تلعب دور في االالماني يعني ممكن تلقا موديل 2006 ورده نضيف مره ممكن يجيب 130 الف ويصير اغلى من 2007 لاكن انت اهم شي النضيف ثم الممشى القليل تراه راحه


up 1 down 3
mooom700 363
قبل 4 سنه و 11 شهر



والله يا الغالي مهب هم اللي قلبوا راسك انت اللي قلبت راسك بنفسك الله يجزاك خير يعني ماعليش مع احترامي لك من الالنترا نويت ازيرا اصفار ثمن شطحت الماني اذا انت ماحددت وش تبي هاذي المشكلة وبعدين ماعليش بتشتري الماني ومستعمل 2006 بتقدر على صياناته شف اللي وراك ودونك والمبلغ اللي تقدر تدبره بدون ماتظغط على نفسك واشتر به جديد وانس درب الورش وفك عمرك نصيحة اخ الالماني خله لاهله الا اذا كان راتبك ماشاء الله يكفي الموتر وزود ولا عليك مستلزمات ف أقول الله يوفقك ... وترى الالماني مايحكمه سعر تحكمه النظافة وبعدين شوف عيني قبل سنة او اقل تقريبا بانوراما فضي 350 موديل 2008 مسيوم ب 180 الف وقدام عيني ماجبت كلام من راسي طبعا انا عشان اكون واضح معك منيب متعمق في موضوع الالماني لاني ولله الحمدلله ماقد فكرت اشتري مثل هالمواتر ابد الا لين شريت البيت وصار في حسابي مليون يمكن افكر اشتري الماني ... تقبل مروري


up 0 down 0
a.ibrahem 3241
قبل 4 سنه و 11 شهر



يالبيه يالألماني والله أن جربت المرسديس ما راح تجرب غيرها 


up 2 down 4
وعلى نياتكم ترزقون 311
قبل 4 سنه و 11 شهر



لا تغتآب الله يصلحك .. أترك زميلك وهو رزقه ..
لكن الألمآني 2006 .. من 90 ألف حتى 115 ألف تقريبآ

بالتوفيق


up 2 down 0
سلمان الأنصآري 100
قبل 4 سنه و 11 شهر



الـــمـــرســــيـــدس تـــحــــكــــمـــه نـــــظــــافـــــــتــــــــــه مـو مـــوديــــلـــه ولا مــمــشــاه 




up 1 down 2
شبح 600 sel 6075
قبل 4 سنه و 11 شهر



فيه 2006 اتباعت على 70 الف وفيه وحدة وردة 2006 مطلوب 145 يعني أكثر من الضعف


انتبه ماتاخد شي مفقع وافحص صح لان اي خراب بكلفك وااااجد 

اذا فلوسك محدودة خلك على الجديد

اما اذا عندك ميزانية احتياطية للصيانة طبعا الاماني غيير 


up 1 down 0
super x 173
قبل 4 سنه و 11 شهر



بالنسبة لموديل ٢٠٠٦  حجم ٣٥٠ s
انباعت وحدة الجمعة الماضية بحراج عرعر ب ٩٥ الف
وممشاها ١١٥ الف كم تقريبا لكن خدش ما تلقاه في البودي
ونظيفة جدا
وموديل ٢٠١١ حجم 350 s
ممشاها ٧٥ الف كم
لقيتها في معارض النسيم بالرياض وصلت سوم ١٦٥ الف وراعيها يبي فيها ١٨٠ الف

وموديل ٢٠١٢ حجم ٥٥٠ s
الى الان متواجدة بامريكا يوردونها معرض في الرياض ب٢٠٠ الف مع الجمرك
وتلقى ممشاها ٣٠ او ٤٠ الف ميل وعليها ضمان ٣ سنوات 
هذا الي اقدر افيدك به
وإن شاء الله يفيدونك الشباب بالي ما أعرفه


up 0 down 0
ماجد الدهامشة 70
قبل 4 سنه و 11 شهر



نصيحه ﻻ تشتري ألماني إذا حالتك الماديه ما تساعد أنت ممكن تقدر على سعر شراءه ( اتكلم عن القديم ) لكن بتتوهق بصيانته وصيانته مكلفه جدا


up 1 down 1
إلنترااا 275
قبل 4 سنه و 11 شهر



اسعد الله اوقاتكم بكل خير

بالنسبة لصيانة الالماني ماعندي مشكلة الحمدلله .. انا عندي خبر ان القطع غالية والصيانة غالية وعندي خبرة مسبقة مع البي ام والمرسيدس
مايهمني تكاليف الصيانة

الي يهمني الموديل والعداد والسعر 

لكن !!  والله مدري وش اقول لكم
يعني بانوراما ٢٠٠٦ يسوى ١١٠ الاف !! طيب في عام ٢٠٠٦ كم قيمته بالوكالة ؟؟


up 0 down 0
3zyiz 248
قبل 4 سنه و 11 شهر