اخواني ابي استشيركم في البنز 560 موديل 91

سياره ما عليها كلام ولكن الموديل قديم وصعب انك تستخدمه كسياره اساسيه استخدام يومي
وخصوصا مشاوير طويله اعتقد انه بيكلفك تصليح اكثر مما تتوقع

راح تتعبك معها وقطعها بالكاد تلقاها وولا تنفع لمدينه وتشرب بنزين وصيانتها مكلفه

من تجربة انصحك تبعد عنه 

سياره ما عليها كلام في الخط بس هي على حسب استخدامك اذا كرفتها بتكرفك في الورش كل يوم خل دعستك عليها هادئة واحرص على صيانتها

اذا كانت 560 فأقول لك توكل علي الله
يختلف عزم المحرك وارد امريكا عن باقي المحركات لسبب مهم و هو وجود دبات تلوث اكثر في وارد امريكا و معايير صارمة لانبعاثات الغاز من الاكزوز
طبعا هذا الكلام في حال ان السيارتين ستاندر لم يعدل عليهم شيء
في وارد امريكا يوجد زر لرفع و تنزيل الانتل حق الراديو على عكس الباقي يللي يشتغل و يفصل مع تشغيل الراديو
بالاضافة الى وجود بطانات بارزة عند ارجل السائق مع حيز تخزين صغير تحت الدرسكون و الجيبة و اغلب الوارد الامريكي يجي دبل ايرباج للسائق و الراكب
مع وجود عواكس على الاشارات الخلفية
واختلاف واضح في الاضاءة الامامية حيث يكون كشاف الضباب منفصل عن الضوء نفسه و باللون الاصفر (غالبا)
والطبلون يكون بالميل والحرارة بالفهرنهايت 

قطع الغيار انا اشوفها رخيصه جدا 
الأقمشة ب60 الخلفية 
البواجي ب 5 ريال 
الهوب ب 150 الجوز 
فلتر الهواء ب 30 ريال 
اليايات اظن ب60 ماني متأكد 
المساعد العادي الجوز ب 200 إلي 240 
مقص امامي ب200 تقريبا 
صوفة مكينة ب40 ريال 
هذا ما يحضرني من الأسعار يعني لو السيارة معدومة من تحت بشكل كامل ممكن من 700 إلى 1000 ريال تنفضها بالكامل 

 وبعدين لما تسأل وتقول هل تتحمل كرف و100 كيلو تراك غلطت في حق السيارة ما سموها غلطت الألمان عبث 
دور لك 560 مساعدات هيدروليك وامشي فيه 180 وقول لي هل تحس انك ماشي حتى الكرونة حقتها صغيرة 
يعني في الخط مريح علي ألأخر 

وبالنسبة للنظيف صعب تلاقي نظييف واذا لقيت بياخذ عليك مبلغ كثير شوي واذا شفت سيارة واعجبتك عليك باثنين 
اولا الأستخارة ثم الأستخارة 
ثانيا افحصها عشان ما تتورط بعدين 
والله يكتب لك وتاخذ السيارة الي تسرك
 

اخوي اللي افضل منه هو الشبح موديل 92 93 94
مافيها الكترونيات او تعقيد مثل الموديلات اللي بعده
الشبخ اثقل واعرض وارسى من البنز بواجد ولافيه مقارنه
وقطعه رخيصة مو غالية
فانا اشوفلك الشبح افضل

ال560 ممتازة  غنية عن التعريف
ولكن نقطتها انها تصرف بنزين ماتصلح للبلد وقطعها شبه معدومة وانا اشوف الامريكي احسن مواصفات من ناحية الميكانيكية اما من الرفاهية الياباني اشوفة ممتاز
طبعا انا استخدمت شبح سابقا 320 امريكي بعد مابعته مارتحت في سيارة غيرة

السلام عليكم من تجربه شخصيه 560 جدا يطربك في الخط رساوه وثبات عالي المستوى . وانصحك تدلعه بالصيانه 
المستمره .واهم شي تدور النظييف النظيف حتى لو غالي  قبل 4 ايام رحت  للجفاالي كنت اطلب قطعه لسيارتي والله ياشباب الموظف 
يمدح فيه يشكل مو طبيعي وعرض علي يشتري السياره في حال البيع والسبب يقول قطعه ممتازه ورخيصه
 وسياره تتحمل  اثبتت جودتها وافضل من غيرها بمرراحل 

اخوي 560هذي السياره الي اهواها واشتريت منها كثير ولي خبرها فيها اولا  ؛خذ 560حجمs او seلاتاخذ  لارج اذا تبحث عن الخفه الارج سيارت مراسم ماتصلح للخطوط وثقيله ثانيا:56احرص علي التوصلات والاهواز بالكبوت اذا ملخبطه اتركها لاتاخذ الانظيف وكذاللك الداخلي يكون مرتب المرسيدس مستحيل تعيد اصلاحها  وثالثا :اذا مهي صافيه والقومه وتحمل علي   d  عشق بدي وخلك داعس علي البريك 5دقايق واذا اختلف  فيها شي مثل تفتفه ولاكتمه اتركها هذي مكينتها نص والقير اذا مايتحرك الموتر وانت حاطه N تدعس تحس السياره تتحرك غير كذا ضعيف والله يوفقك 

عندي السوم ب ٢٥