أضف سؤال أو موضوع جديد          

لماذا يغلق البعض خاصية الردود عند عرض السلعة في موقع حراج؟

up 6 down 7
ابو زهور2013 486
قبل 3 سنه



ألاحظ عند عرض البعض سلعته في موقع حراج سواء سيارة أو قطع غيار فأنه يلغي خاصية الردود ويكتفي بالرد على الجوال.. قد يقول البعض لعدم تفرغه لمتابعة الردود في النت وقد يقول البعض لان بعض الردود غير مناسبه لكن انا من وجهة نظري بأن هناك سبب آخر وهو أن هذا الشخص يعرض سلعته ويقفل الردود حتى لاينتقد احد سلعته خصوصا من يملك معلومات عنها او سبق وان تعامل مع هذا المعلن كما انني ارى ان البعض يعرض قطع غيار باسعار عالية خصوصا القطع النادرة ويقول بانها لاتوجد الا عنده وهي مقطوعة من السوق وقد لاحظت اعلان لشخص يعرض قطع غيار مستعمله اضعاف سعرها الاصلي ثلاث مرات وعندما اتصلت به قال بأنها مقطوعة من السوق ونادره  فأخبرته بأن اي شخص يستطيع ان يحضرها طلبيةعن طريق الشركة وبسعر عادل جدا عكس اسعاره التي عرضها هذا المعلن حيث انني بعد مناقشتي له اقفل خاصية الردود كي لا اعطي فكره للاخوة المشترين.اتمنى من الاعضاء مشاركتي هذا الموضوع.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فعلاً لاحظتها وهذا السبب اللي ذكرته أحد الأسباب اللي يلجأ لها من لا يخاف الله.


اللي واثق من نفسه يعرض سلعته ويوضح التفاصيل ومايختار اغلاق الردود


اغلب اللي يختار اغلاق الردود تلقاه حاط سعر عالي عالي جداً   فمايبي احد يقوله ان سعره عالي جداً   فيغلق خاصيه الردود


اذا بتقولي هذي سلعته وهو حر فيها  يرفع على كيفه   ف معليش مثل ما تمنع الناس انها تبخس سعر السلعه  برضو امنع الناس من انها تحط سعر مبالغ فيه


up 4 down 4



السعر غالي جدا او عيوب في السلعه لايريد ان يتكلم فيها احد او البائع نصاب.
و هناك طريقة اخطر من هذه و هي حذف الردود التي لا تعجب البائع فتكون بذلك كل الردود ايجابيه مما يعطي
انطباع خادع عن الاعلان مثل اعلانات السهل الممتنع للاندكروزر.


up 1 down 1
أبوعمر 99 1027
قبل 3 سنه



من كثر الاستهبال والغير جادين ونسبتهم بتقديري 85%

عند معارض معروفة أسعارها مميزة مقفلين الردود بسبب عدم الجية والاعلان يتقلب شات


up 1 down 1
albroker99 732
قبل 3 سنه



ربما هناك البعض يستخدمها مثل ماذكرت.
ولعلمك..يقدر يفك الردود ويحذف اي رد مايعجبه ويحضر صاحب الرد..ماهو لازم يقفل الردود..
يعني اللي يقفل الردود بالغالب اسبابه سليمة..ماهو فاضي للموقع.


up 2 down 1
badalfa -35
قبل 3 سنه



يمكن حاط رقم جواله يمكن جاب العيد دخل بحساب ثاني ونفس رقم الاي بي وطلع جنب نكه (المعلن) يمكن السلعه مخشوشه الف سبب وسبب


up 0 down 1
v8..... 54
قبل 3 سنه



يااخي انا يوم اعرض سياره قيمتها في السوق 50 الف ويجيك واحد عمره 19 سنه متخرج من الثانويه ويسوي نفسه شريطي ويقولك ب 20 تبيع .. الزبون يتهيأ له ان قيمة السياره ماتتجاوز 20 الى 25 الف بالكثير فيصرف النظر عن السياره لان قيمتها حسب ظر البزر اللي سامها ماتتجاوز هالكلام فعشان كذا نقفل خاصية الردود

واحيانا يجيك واحد يقول ماتسوى وفيها وفيها عشان بايع سيارته رخيصه



up 3 down 2
sweetcloser 107
قبل 3 سنه



اسباب كثيرة منها :

- ممكن يكون مشغول ولا يقدر يرد على الناس 
- بعض الاعلانات الردود تصير شات وينسون موضوع الاعلان
- بخس السلعة او تخريب على المعلن حسد والعياذ بالله
- بعض الاسئلة الغريبة منها : وش لون السيارة<< والمعلن مصور سيارته من جميع الجهات
- بعض الناس يتذاكى يحكم من خلال الصورة يقول في فرق لون في الرفرف يااخي ممكن
 يكون التصوير عكس اللون او اضاءة الشمس 
- بعض الردود مثلا :هذي ماهي حقت فلان بن فلان اللي في حي كذا<< ابي افهم وش راح تستفيد
- والسؤال العجيب : وش سبب البيع<<< يااخي الموتر قدامك ناسبك اشتريه ما ناسبك شوف غيره


up 1 down 1
ngk_2 167
قبل 3 سنه



اولا  : السلام عليكم ورحمة الله وبركاته

ثانيا: المشكلة هنا ان الواحد احيان يضطر انه يقفل الردود بسبب بعض عالم ترفع الضغط وبالذات هالوراعين اللي تكون كاتب بالاعلان الحد كذا مثلا قابل للتفاوض المنطقي والمعقول يجيك يصفقك بنص سعرها والا تكون السلعة مسيومة بكذا ويعطيك سومة اقل بالذات انه يشوف السومة بالردود السابقة.
واللي اخس من كذا يجي لك اللي يتفلسف عليك في سلعتك اللي انت ادرى بها ( يعني مثل االلي يقول انك نصاب بس بطريقة غير مباشرة) وبالنهاية بعد اخذ وعطا تبي تقنعه (طبعا لأن فيه بعض ناس تشكك في السلعة فلازم تشرح وتبرر) يوم تجيك ام الفصلة يقول لك معليش كنت احسبه كذا 
فأنا اشوف ان تقفيل الردود افضل حل كي اتفادى هالاشكال عشان لايصدر مني له رد غير لائق واللي يبي يشري او يستفسر وسيلة الاتصال موجودة مع الخاص.
على العموم انا اشوف كلٍ حر باعلانه يقفل ردوده والا يفكها
آسف ع الاطالة


والله انا معها منيب ضدها خاصية الغاء الردود لأن الظريفين والبزارين واجد في موقع حراج

بعضهم يدخل عاجبه الموتر ويجلس يسولف كم ب تبيعه يبي يعرف كم اسعاره

ولا يجلس يقول كن فيه اختلاف بسيط في وزنية الكبوت ويخرب البيعة

وبعضهم يكون كلامهم مهب صحيح

او يجيك عاد شريطي المعارض شيخ المعارض يقول جايبت لي 30 يقول بع ما تحصل بهالسومة وش دخلك في الرجال

انا أأيد وبقوة خاصية الغاء الردود لأن الجاد بيرفع السماعة عليك ويعرف الموتر وش فيه وش مافيه لسان ب لسان مايكفتي فقط بالتحدث من ورا الشاشات


بس كيفني وانا اقول ورا الشاشات هههههههههههههههههههههههههههههههههههههههه حكيم ياشيخ امزح امزح

تقبلوا مروري



up 1 down 1
a.ibrahem 2745
قبل 3 سنه



وبعدين اذا كان على قولتك ان راعيها حادها بغالي ماعليك منه لا تشتري بالمبلغ هاذا ومردها بتخيس عنده وبينزل السعر وكلن رزقه على الله


وبعدين ماعليش انا اشوف الموقع واتشوف لاسعار السيارات اللي حاطها في بالي او ممكن في الفترة الجاية اشتريها بس بدون ما اعلق واخرب الاعلان

اجي مثلا على موضوع مثلا سيارة معينة معروفة اسعارها من 70 الى 65 مثلا ويجي واحد مثلا سايمها ب 62 او الخ

يجي واحد يقول ب 45 جاااااد وهاذا رقمي جوالي قليل الحيا

لا تقول لي هاذا حراج وبين البايع والمشتري يفتح الله

بين البايع والمشتري يفتح الله ب 1000 او 2000 او امور ثانية يتفقون عليها مهب تخسف لي ب 15 الف وتقول هاذا سوق وانا هاذا على قدي ياخي على قدك دور وحدة متقلبة وصلحها ولا اشتري موديل قديم ولا شف لك صرفه


يعني خلونا نتكلم في الواقع انتوا كلكم ما ترضون لو سياراتكم تسوى 50 الف يجيك واحد يقول لك تبيع ب 20 لا تقول لي عادي صدقني انها بتجي في نفسك


up 0 down 1
a.ibrahem 2745
قبل 3 سنه



انا من وجهة نظري ان اللي يقفل الردود ينخاف منه واذا شفت شي ابيه وراعيه مقفل الردود ما اتعامل معه ولا افكر ادق عليه