أضف سؤال أو موضوع جديد          

عند استيقافك في نقطة تفتيش أمنية ماذا تفعل

up 15 down 25
fx2y -207
قبل 7 سنه و شهر





السلام عليكم ورحمة الله وبركاته 
كيف الحال ياشباب ان شاء الله انكم بخير وصحه وسلامة ..
نبدا فموضوعنا ؟ اللحين ياشباب احد فيكم فكر وش اسوي عند استيقافي في نقطة تفتيش امنية ؟ وطلب هويتي وتفتيشي وتفتيش سيارتي ..
عند تفتيشك :
١- تاكد واحرص على خلو يد الشخص اللي يفتشك واطلب منه تفريق اصابعه عن بعض (ونفض يديه).
٢- كن قريب من سيارتك عند تفتيشها (واذا اكثر من شخص يفتش سيارتك مر عليهم بالتناوب وكل شوي فوق راس واحد وتاكد عدم ادخال احدهم يده في جيبه)
٣- بعد التفتيش تفحص اشياءك وتفحص سيارتك جيداً وتاكد من خلوها من اي شيء.




طبعاً ياشباب هالموضوع ماهو تشكيك في ذمة رجال الأمن لكن الشيطان مامات وعيال الحرام واجد : وصارت مواقف للناس وراحو على مايقولون في (شربة مويه) ولا ماكان سمعنا فيها وهالنقاط قال لي اياها عسكري (رئيس رقباء) هو اللي كان ماسك التفتيش وقالي هالنقاط يوم شافني بعدت عن سيارتي وقال بالحرف الواحد (عند اي تفتيش خلك قريب من سيارتك لان في عسكر ماعندهم ضمير)وهاذي شهادة واحد منهم اخبر مننا واكيد مرت عليه حالات كثيرة.




فالله يستر وعليكم ويحفظكم ولا يجعلكم تتعرضون لمكروه.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسم الله الرحمن الرحيم 

يالربع صلو على النبي والله إنا في نعمة الأمن والأمان

ولله الحمد وأخلاقك هي من تفرض نفسك على الناس

إذا قابلت نقطة خلك محترم ولا تسوي لي فيها عنتر بن 

شداد وما أحد يتعرضك إن شاء الله والشئ الثاني أذكار

الصباح والمساء وركوب الدابة والتوكل على الله .

ملاحظة ( اللي الله سترة لا يجي ويجاهر بالمعصية

الله سبحانه سترك وتجي تفضح نفسك نصيحة لوجه 

الله والمجاهرة بالمعصية ذنب نسأل أن يتوب على كل

مبتلى ويغفر له )


up 1 down 2
إبن عجلان 512
قبل 7 سنه و شهر



السلام عليكم اول شي اخوي شكرا علي الموضوع لأنه واضح انك تعبت وانت تكتبه. ثاني شي ياخي معليش مادخل مزاجي الموضوع كيف اقول لعسكري انفض ايدك ومدري ايش مو خوف من العسكري بالعكس احترام وتقدري له مهما كان ضابط أو فرد ياخي يكفي انهم يسهرون اليل عشان تنام انت ومرتاح بعدين ياحبيبي العسكري لو بغاء يسوي فيك شي بيسويه وقدام عيونك لحد يجي الحين ويهايط ويقول تخسي انا بقول لك سالفتي علي طريق الطائف الرياض وانت أحكم يقدر يسوي لك شي العسكري لو بغاء يسوي لك شي انا جاي من الطائف وعند تقريب مدخل المويه فيه نقطة تفتيش وفيه قبل النقطه محطه قلت بنفسي خلني أوقف وأخذ لي عصير وفطاير يعني دام اني مهدي مهدي وقفت وأخذ الي أبيه من المحطه وطلعت من المحطه ووقفت أكل بين المحطه ونقطة التفتيش بيني وبين النقطه يمكن 300 متر المهم خلصت أكل وربط الحزام وجيت عند النقطه قالي وش عندك موقف قبل النقطه قلت له والله كنت اكل وانا خوك قالي طيب عطني الرخصه والاستماره ووقف علي جنب قلت له أبشر المهم وقفت ونزلت وجاني عسكري بجد قمت الاحترام قالي لو سمحت وقف عند كبوت سيارتك قلت له أبشر وجو 4 عساكر واحد فتح الشنطه و3 داخل السياره يفتشون وانا واقف ولا سويت شي المهم فتشو السياره وكنت حاط جنب عند بابي ساطوره طويله قالي العسكري وش تبي حاط معك الساطوره قلت حاطها كيذا والله تخبر خط سفر يعني من هالكلام وسألت العسكري قلت له ممكن سؤال لو سمحت قالي تفضل قلت ليش كل هالتفتيش قالي مو قف قبل النقطه هو الي اشبهك قلت له فعلن كلام صح المهم نصحني قالي لا توقف قبل نقطة التفتيش تجيب لنفسك الشبهات انا قلت كل هالكلام عشان اعلمك لو العسكري يبي يحط لك شي بيحطه بس الواحد يصير محترم مع الناس كلها مو العسكر بس. يعني لايجي واحد ويهايط يقول يخسي يحط شي طيب خلينا نفرض بيجي واحد ويهايط يقول يخسي يحط شي فرضنا جاك عسكري الكلام موجه لراعي الإعلان جاك عسكري ونفض يدينه وكان حاط الحبه تحت لسانه وهو يفتش سيارتك طلع الحبه وقالك وش هذي الحبه وش بتقول له تقول هذي مي لي طيب لقيتها بسيارتك بتقسم وتحلف انها مو لك قولي كيف تقنع العساكر الي بالقسم اذا وداك العسكري للقسم أن الحبه مو لك عشان كيذا خلك واثق بنفسك ورجال الأمن لأنهم هم الي حامينا بعد الله وأسف علي الاطاله


up 3 down 3
تركي بن خلف -58
قبل 7 سنه و شهر