بــائــع الـســلع والـعـمـيــل والاخـوه
9
4
إضغط هنا للإخفاء
السلام عليكم ورحمه الله وبركاته
كيف حالكم يا رجال علومكم اخباركم مع الاجواء الجميلة والممتعة
وين الاخوان لاحد ينزل موضوع ولا شيء ما في الا اهل الواتساب وحسن الكتبي
نبي مواضيع نفسس اول ومفيدة
ندخل بموضوعنا واحب ارحب بعضو ابن عـجلان
طبعا احترت وش اكتب عنوان الموضوع بس علشان كلامي يوفي ويكفيي باذن الله تعالى
ياخوان مثل منتم عارفين الدينا ما هي مثل اول والنفوس تغيرت والتجارة تغيرت
وصارت ((( التجارة شطارة))) وللاسف بعضهم فهمها انها احتيال ونصب وكذب وخداع
احذر كلمات المشهورة الي سمعتها ويرددة اغلب البائعين الا وهيأ
اذا حصلت ارخص مني رجعه______
بسعر الجملة خذها او مكسبي ريال______ سبحان الله يعني فاتح محله من الصباح الباكر على ريال
انا عندي مثلها واستعملها في بيتي _____اذا قالك احتمال 99% انك تشتري السلعه هههههه
اذا تستعمل استعمال سليم تقعد عندك سنتين ____اذا قالك كذا اعرف ان الظمان يلغي من تطلع من المحل
ونبي نكسب زبون ما نبي فائدة _____هذه يما سمعتها المشكلة اشتري منه مره ومرتين وثلا وما زال يردد
هالكلمة
خــذ لمنتج هذا انا استعملته وشف نتائجه علي ___اذا قالك كذا قله بكرة اجيك واجيب فلوس وعرط بثوبك وانحش
وياخوان الدينا هذه كل شيء لها حد
اخوه المرحله الابتدائية ___ بعدها مع السلامه والوداع وما عاد تشوف وجهه
اخوة المرحلة المتوسطة ___ بعدها مع السلامه والوداع وما عاد تشوف وجهه
اخوة المرحلة الثانوية___ بعدها مع السلامه والوداع وما عاد تشوف وجهه
اخوة نادي لياقة_____
اخوة سفرة
اخوة رحلة عمل
اخوة معهد اخوة طلع للبر استراحة
انت لما يعاملك البائع بالاحترام ترى ماهو معجب بشخصيتك وطناختك لا
يبي ياخذ فلوسك واتحداه لو يسجل خمسة ريال عندك
قبل شوي رحت شريت فانيله بـ20 ريال قطن مصري
واخذت 3 حبات وما نقص ولا ريال ويوم رحت للمحل الي قريب منه
قالي احسبها لك بـ17 ريال قلت اجل برجعها واجيك قاله خويه (( بولي نقي برقي ))
وسئلته ايش كلام انتا وسكت ما يرد ودريت انهم اتفقو علي ههههههههه
خلاص لا لا تعال خلاص روح ما يقدر يعطي وقعد يعتذر وعطاني وضيعه حياة الفهد وانه مسكين
وقبلها فيه محل من الجنسية العربية صارلي سنتين متعامل معه نقصتني فلوس 10 ريال
وقام يتعذر ويبربر على راسي ويقول حق الكفيل المحل وطلع لي الف عذر ان ان عرفت حقيقته
الي حبيته اوضحه الصداقة+ والمال .. لا يمكن خلطهما مع بعض
خل عقلك معك وفلوسك بجيبك وما عليك من احد
واذكر مره جيت بشتري شماغ وقالي راعي المحل اتحداك تحصل ارخص مني
انا المحلات كل الصفة متفقين على سعر واحد وما ننقص الريال يا تشتري او توكل على الله
وفعلا كلاامه صحيح طلع
وقبل فترة شريت زيت للشعر على اساس انه يطول شعري ويخلص حرير وناعم وااطلع كاني نمر بن عدوان
وطلع خرطي وما خسارة الا الـ150 ريال الي دفعتها ويوم رجعت له قالي انت ما مشيت على الاستعمال الصحيح
وشكررا لكم جميعا وهذا موضوعي وانتظروني في الحلقة الجية
إبلاغ
الردود
علشان كذا نحرص على مصاحبة الصالحين ولو اننا مقصرين وزاحفين هههههه
4
1
عكس الي تقوم من عنده تصلي وهو فااتح حلقة على جواله
2
0
0
1
بالنسبة لي المسألة نفسية يعني واحد تعاملت معاه
وارتحت لتعامله ارجع اشتري مره ثانية من عنده .
2
1
صوت العزاوي الله يبقيك ويحيي نباك نا فدا ذا الوجه
موضوعك جميل وكلامك سليم وخاصة في موضوع
التجارة فعلا التجارة مافيها أخوة أذكر الوالد الله يصبحه
بالخير زمان قال لي يا ولدي ( خويك لا تسوي معة تجارة
لأنك بتخسره ) وبيني وبينكم اللي جاي مغترب من بلدة
ما جاء إلا على أساس ينهش باليمين واليسار ويعود بلدة
محمل بالغنايم وعلى فكرة أغلب الجنسيات يحملون الغل
والكره على السعودي مع ان السعودي بطبعه قبلي
وكريم ومتعاطف معهم لكن سبحان الله تجد العكس
بقلكم قصة حصلت لي قبل ايام نزلت مكة ووقفت أسأل
عن مكان هناك لقيت أفغانية جالسين والله جيتهم سلام كيف
الحال كل عام وانتم بخير صديق المهم سألتهم قال واحد منهم
إيش يبغا أنتا ما فيه معلوم يلا روخ ههههع أنا قفلت الأخلاق
مليون سحبت بريك ونزلت من الموتر وجيت عند الافغاني
قلت ليش انتا اخلاق ما فيه كويس انا يجي احترام ليش انتا
ما فيه احترام اقسم بالله يالربع انه يناضرني بنص عين وما ضرب
لي حساب هذا وهو في بلد مو بلده اجل لو كنت في بلده وش
بيسوي المهم حكمت عقلي وقلت يا رجال انا في مكة وبجوار بيت
الله وماله داعي أخربها مع واحد ما تدري وش عنده من مشاكل
تعوذت من إبليس وركبت موتري ومشيت والحمد لله إني ما تهورت
وسويت شئ ما يحمد عقباه وكم وكم من موقف خاصة مع المصاريه
واخذتها قاعدة ما اشتري من مطعم او شئ فيه اكل مصري اقسم
بالله يالربع هالجنسية ما يدنون السعودي ولا يطيقونه ولا ودي
اكثر في الكلام لكن نسأل الله أن يكفينا شرهم وسلامتكم جميع.
3
2
2
0
خل عقلك معك وفلوسك بجيبك وما عليك من احد
اقسم بالله انك صادق 200%
واحد من اخوياي من ايام الثانوية وعلاقتي معه اكثر من 5 سنوات .. المهم جاء يتشكى لي انا عندي ظروف انا وانا وعطيته سلف ؟ ياليته كان صادق لا بالعكس راح سافر فيها ويوم شبع فسق رجع .. والحين صار لي 3 سنوات وماشفت منها ولاريال ؟
كل ماقلت له يابو مسلم عطني الفلوس قام يتشكى انا عندي ظروف انا مستاجر بيت انا لازم اسوي عمليه بالعيون ومن هالخراط ؟ وكل مارجعت وفتحت معه الموضوع قال لي نفس الكلام وزاد عليه كم كذبه جديده ؟ والمصيبه راتبه فوق 6 الاف ريال ويقدر يسددها دفعه وحده لكن ماااقول الا جعلها سم ببطنه واذا مالقيتها بالدنيا لقيتها بالاخرة
1
0
بينك وبين اخوانك اهلك اخوياك
اﻻ شخص مضطر صدق وعند كلمته
------
قبل ايام رحت بقاله شريت بحدود
150 طلع في الحساب نص ريال
اعطاني علك قلت جب نص قال ماعندي
عود اعطاني ريال شوي اﻻ قال تعال هذا نص
وجب الريال قلت اﻻ خذ اغراضك وخل النص ينفعك
2
0
انا بخير ولله الحمد والحال تسرك ومشغولين هاليومين بالتقاديم بالعسكرية ومنها صرت اطلع امشي نخفف شوي ولياقة
وابن علاجن الله يبقيك ويسلمك بخصوص المصري+ البنقالي احذر منهم وبذات لا جاك مطول لحيته امش واتركه
واذكر مره جارنا يبني له ملحق برى ما يجيب الا العمالة الباكستانية يتعامل معهم
والمصري الا يخونك ويغدرك بك ما يطهر طبعا البعض مش الكل يعني بنسبة 99% ههههههههه
ووللاسف يابن عجلان لاحضت بالفترة الاخيرة الواحد يسب وويشتم بلغتة قبل كم يوم رحت افحص السيارة
عندي فلبيني فحص الدوري ويوم فحصتها كلمني قال الدركسون ماهو موزن وكلمته انه يمشيها وزينه وصلحتها ثلاث مرات
اخرتها قال بيتكو وسقطها مره ثانية ومن تشوف عيونه عيونه القذر والمروح
زكريا الحكمي هلا بك يالغالي ومنور
نصيحة حاول تجرب اكثر من محل انا كنت اشتري من محل واحد ومتعامل معه واعجبني اسلوبة وكلامه وطيبته
طلع كلوه خراط بخراط وسبحان الله ملابس الي اشتريها منه تتمزق مع الوقت الظاهر فلوسه حرام او محد راضي عنه
او شكله سارق الملابس ماادري وش قصته رحت للمحل ثاني مره ما حصلت حاجتي
ويوم دخلت لمحل حصلت جميع الاصناع واشكال والوان طلع ابرك من خوينا هذاك ونصوح
ابو هيثم فيه احد يسلف الحين الله يهديك الناس ما هي مثل اول وكثرت فلوسها تحصل اخته اهله اخوانه نص العائلة متوظفة
واقررب شيء عيال عمه خواله يروح يتسلف منهم اقل شيء
0
0
شريت من كاشير وحاسبت يوم خلص الحساب عطاني العملة المشهورة ام نص (( علك نوفا))
رحت قلت له ماابيها و كانت نيتي زينة ابيها يجمع نص ونص ونص ويطلع له نهاية اليوم لو عشرة ريال زين
انتفض واندفع بوجهي قالي وش تبيني اسوي لك !!! عاد هنا غضبت وقلت رجع لي الباقي وراح وسحب الفاتورة وطلع ريال
وقالي امسك
واكثر شيء الصيدلية يبقى نص اقوله اذا جاك احد عطه النص او اجيك بعدين واخذه منك النص اشتري بعدين
وبعضهم يرفضون وبعضهم يقولي لا اسجلها لك نقاط وادري يكذبون
ومعه حاسبت اغراض ويوم وصلت للبيت حصلت علك غندو طلع ابو الشباب الحساب ونص وكملها بالعلك المعفن والمروح
وصرت مااخليه النص والواحد لا يستحقر الفلووس
ومواقف كثيرة مع النص صارت
واذكر مره شريت من بقالة وعطيته نص ونص قلي مااستعملهن قلت ليه يقولي محد ياخذهن تخيل!!
0
0
من اول خاصه بعد مازاد الببسي وغيره
الصيدليات يجلمك في الهلل ادويه مثلا
ب6 و60هلله طبعا يجبرها لريال
اذا ناشبته اعطاك فاين المفرض يرجع
لك نص ريال
وما احد يحطها لك نقاط يسجل عنده انك
شريت بكذا وانت مادريت
1
0
بالنسبه لي في الشراء عن بعد وخاصه في الموقع ماأثق إلا أن يكون الشخص بنفس المدينه والتسليم يدا بيد
أما إذا كان بعيد أشيك على ملفه الشخصي مثل عضويته قديمه وهل دفع عموله للموقع وآخر ردوده وبعدها تعرف إذا كان صادق
أو لا .. الحمدلله تعاملت مع شخصين بالموقع واحد من الرياض وواحد من الزلفي حولت الفلوس بكل ثقه وكلها وصلت بفضل الله
وكان ودي أقيمهم لكن للأسف التقييم مهيأ فقط لمن دفع عموله وهذا من حقهم حتى لايحصل تلاعب
على العموم شكرا أخي محمد فأنت عضو مميز ولك بصمتك بهذا المنتدى تحياتي لك وأعذرنا على التقصير
1
0
كلام جميل وفعلا هذا الي حاصل في هذه الأيام ولك لايك.
قبل 9 سنه و 6 شهر