ايش افضل زيت مناسب لسيارتي

شوف اخوي اطرب دامك تشتكي من البترومين 
عندك انواع ثانية يمدحونها هنا في المنتدى وخارج المنتدى
مثل موتر كرافت وAC ديلكو  وشل 
وعليك باللزوجة الخفيفة مثل 10W30 و5W30 
لكن بالأول ماقلت لنا وش لزوجة الزيت اللي تستخدمه دايم لموترك؟؟

لأنك لو معود المكينةعلى زيت لزوجته ثقيلة مثل 20W50 يمكن يأثر على المكينة
لو استخدمت زيت لزوجته خفيفة بشكل مفاجيء

والله ييسر امرك ان شاء الله

صراحه سياره جديده والآن ابي اغير لها زيت احتياط

دام السيارةجديدة انصحك بزيت لزوجته 5W30

ووالله البترومين وحطيته لسيارتي هوندا اكورد 2007 في الوكالة

وكثير عندهم اكوردات جديدة وشبه جديدة يغيرون زيت بترومين في الوكالة

ولاسمعت احد اشتكى منه.  اكيد زيت البترومين اللي عدم موترك مغشوش

بس دام موترك جديد ومرسيدس ماشاء الله تبارك الله

انصحك تحط زيت موبيل 1 لزوجته 0W40 

هو غالي بس موترك يستاهل 

ما همني غالي اهم شي ما يكون مغشوش
والله انه عدم لي السياره حسبي الله عليه 

عموما اذا مايهمك يكون غالي مثل ماقلت لك موبيل ون من افضل الزيوت

وبعده اشوف البترومين A1 تخليقي مثل الموبيل1 لكن لزوجته 5W30 

وانصحك لاتشتري من عند بنشري 
لأنه اولا احتمال كبير يطلع مغشوش 
ثانيا راح يكون غالي 
انصحك تشتري من محلات الجملة. بالكرتون
وتأكد ان الكرتون ماقد انفك 
والعلبة نفسها ماقد انفتح الغطا 

وتأكد كمان من الورق القصديري اللي يجي تحت الغطا
مثل اللي بدبة زيت عافية وغيره

تأكد انه مو مفكوك ويسمونه ختم المصنع
وخذ فاتورة على الكرتون
واذا صارت مشكلة انشب لهم. وقدم شكوى على وزارة التجارة
والله يعينك ان شاء الله

صباح الخير ..

الله يوفقك انا اغير للدينالي بترومين 5w30 من ايام الفورد وماشاء الله ماشي يمشي 10000الف كيلو بس اخليه 7000 ماطول عليه واغيره بعضهم ينسى ان ماكينه بزيت فيصير فيه تخبيط تأكد منه الله يسعدك ..