أضف سؤال أو موضوع جديد          

اسعار الفياقرا والبانوراما الخيالية دعوة للنقاش

up 14 down 31
benz lover 367
قبل 4 سنه و 6 شهر



السلام عليكم كيف حالكم عساكم طيبين لي فترة والموضوع ذا قاهرني اسعار الفياقرات رجعت لقبل السنة واكثر اجل فياقرا ٢٠٠٦ امريكي ب ٧٠ولا ٢٠٠٥ ب ٦٠ ولا ٢٠٠٢ يقول سيمت بالمعارض لاحظو الكلمة كان المعارض كلهم ناس مايفهمون بالسيارات والاسعار ليش الكذب ماهو زين ترا ولا بانوراما ٢٠٠٦ يقول مسيوووومة ب ١٢٥ ويييييين يابطل تلعب علينا ولا ٢٠٠٩ ب ١٦٠ حسيت ان التاريخ يرجع سنة مايروح قدام لا احد يقلي النظيف سعره فيه تفرق ٣٠٠٠٠ عن سعره !!! ويقول لا تبخسون الموتر ماهو منطق هذا الكلام بالمقابل فيه سومات غبية يفتحون باب بانوراما ب ٥٠ ؟؟ قلة ادب هذي صراحة نشوف رايكم وتجاربكم ياشباب 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معليش محد يشتري من هالمغفلين اللي بالموقع ( اللي سياراتهم اسعارها ثابتة من سنييين وهي معروضة ويقولك نظيف )

تدري ليه ما باعوها؟؟ لانهم ينزلون المعارض وينصدمون من السعر اللي يجيهم 

ويخلونها بالموقع ينتظرون الشخص المغفل والجاهل


** من تجربة : الاعلانات اللي بدون صور وتلاقي ارقام جوالاتهم هم اللي جادين.. والبقية يخلف الله، يعرض لك صورقبل 6 شهور ويقولك وكالة

** اللي يبي يشتري ينزل المعارض + الحراج (بس ينتبه من الحراج)


up 8 down 5
alkathiry 704
قبل 4 سنه و 6 شهر



حياكم ياشباب انا يقهرني الكذب يقول مسيومة بالمعارض بسعر خيالي لا يقبله العقل ويقول والله على ما اقول شهيد مايستحي 


up 1 down 7
benz lover 367
قبل 4 سنه و 6 شهر



و انت قلتها بلسانك انهم كذابين 

لو الشخص يبي يبيع كان حط سعر معقول ومقبول 

لو الشخص عنده ذمه و ضمير ما راح ينصب على غيره في البيعة ويتكسب من ورا ظهره بشكل كبير

* تغش شخص في بيعة سيارة : بيجي لك يوم و ينضحك عليك مثل ما سويت بغيرك



up 5 down 0
alkathiry 704
قبل 4 سنه و 6 شهر



على سبيل المثال
معي فياقرا 2003

وابغى فيه 70 الف
بجيك اعرضه فحراج واقول انه سيم برا ب68 والبيع قريب

^^^^

على هذا الاسلوب يعني يبغى فيها 70
لكن هي لاسيمت ولا شي اسلوب قديم وحركه مكشوفه

اقل شي لو الواحد فيه ذمه ومخافة الله
يقولها بصراحه ( فياقرا 2003 وابي فيها 70 الف ) وخل السومات الكذابه على جنب

اما سوالف الكذب والغش ماعاد تمشي


يا شباب
بالنسبة للبانوراما سعرها 100 ألف نظيفة مع رؤية ليلية ورادار سعرها مناسب جدا
لان قبل 5 أو 6 سنوات كانت سعرها 800 ألف على ما أ>كر
يعن هالحين اليخت سعره الان كامل المواصفات ما يقارب المليون
بعد 5 سنوات كم بيصير سعره ؟؟؟؟؟
مستحيل يصير سعره أقل من 150 ألف لان سعره لمة طلعه من الوكالة كان نااااااااااااااااااار
وصراحة السيارة ه>ي بالتحديد تستاهل
وكلامك مظبوط احيانا تشوف سيارات مبالغ جدا بسعرها
مثل الفياجرا 60 ؟؟؟؟


up 4 down 16
moathyaseen 1382
قبل 4 سنه و 6 شهر



^^ وين اخوي بانوراما سعرها قبل 800 الف. 2015 سعرها 480 الف الى 600 الف وعليها اصفار


up 8 down 6
كنق الددسن 246
قبل 4 سنه و 6 شهر



كان عندي وحده 2006 بعتها ب 63000 نظيفه 


up 6 down 8
cryptoo 413
قبل 4 سنه و 6 شهر



يا عزيزي قلناها أكثر من مرة في ردود سابقة وما نبي نكرر الكلام نفسه!!
للأسف الموقع مليان كذب وغش وتحايل ونصب!
وانت شوف السيارات الي هنا كلها مكررة لها شهور وبعضها لها سنين!
والي يضحكني انه يقول لك انسامت في معارض كذا بالقيمة الفلانية!!مثلا 40 ألف
طيب وحنا سمناها هنا في موقع حراج ب 25 ألف لانه هذا حقها
يقول لك انت تبخس سلعتي!! بالله كيف بخستها وان سمتها بس؟ ياخي هذا حراج وفيه مزاودة!
ويرجع بعد شهرين يقول لك راجعوا اعلاني السابق (الي قبل 3 شهور) وشوفوا كم انسامت
انسامت ب 50 الف!
يعني الحراج نفسه ماتقدر تسوم سيارتك فيه مرتين إلا وسعرها نزل كثير
كيف تبي مننا نعطيك أكثر من سومتها السابقة؟
((((((وفي نقطة مهمة لازم يفهمها الكل))))))
هذا اسمه حرررررررررررررررراج يعني تحريج وسومة من الصفر
مو يجيك واحد يحط سومة من راسه!!!
ياخي اذا تبي السيارة زاود فيها لين ترسي عليك مو تجي تحط سومة من راسك
وتخرب البيعة وتخرب المزايدة..
كل واحد يجي يشوف اول سومة ويشوف السيارة ويقول لك كثير عليها ومو حقها صراحة
وينحاش ولا يسوم ولا يسأل أصلا لأنه حضرة جناب الاخ خرب البيعة على صاحب السيارة
وعلى المشتري وللاسف صاحب السيارة يخرب على نفسه يوم يستجيب للسومات المبالغ فيها
يعتقد انها في صالحه وترفع سعر سيارته..لكنه يكتشف في الاخير ان سيارته عنده والسومات
سرررررررراب لان بعضها هو كاتبها وبعضها ناس همها الوحيد تخريب البيعات فقط..
مو معقول احط مثلا 90 ألف في يوكن 2007 وانا احصله ب 60 وأقل مثلا.
ونقطة أخير
(وهي ان واحد معدل على سيارته ويبي فيها قيمة خيالية!!
ابو دارك التعديل وحده يعيب السيارة وينقص من سعرها)
شوية مصداقية هي الي نحتاجها هنا ولازم حلول من ادراة الموقع
مثلا ما تسمح بالاعلان عن سيارة إلا مرة وحدة فقط وبعدها اذا يبي يعلن يدفع فلوس حتى نضمن المصداقية في البيع


up 9 down 2
نبيل110 322
قبل 4 سنه و 6 شهر



بانوراما 2007 امريكي لون أبيض كان معروض ب 65 ألف ريال بالقصيم وانباع .. كان يحتاج اشياء بسيطه واللي يبي يشتري عشان يكشخ كثير فتنباع بسرعه

وايضا بانوراما 2006 أمريكي مقاس 550 اتوقع بيع على 70 الف نظيف


up 3 down 1
ابو يزيد 000 8701
قبل 4 سنه و 6 شهر



كنق الددسن
مين قلك انه ال 2015 سعرها 400 ألف
الظاهر انك تتكلم عن السياحي
انا كاتبلك الفل الي تيجي رادار مع رؤية ليلية مع نظام راس الدجاجة الجديد
هذي توصل المليون
انا قبل فترة رحت الوكالة وكانو عارضين سيارة مسترجعة ماشية 3000 كيلو بسعر 860 ألف
راجع معلوماتك
والي حط دس لايك يكتب السبب ؟؟؟؟


up 4 down 8
moathyaseen 1382
قبل 4 سنه و 6 شهر



وين 70 انا محصل بانوراما 2006 استاندر لؤلؤي 68 الف 


up 1 down 4
سكودر 14929
قبل 4 سنه و 6 شهر



وهل في نظام واضح للكل من يعلن سيارتة ، بطريقة الحراج بشكل عام ( محدود بقيمة ، او مفتوح السوم ) هذي الخيارين

تسهل عملية البيع ضمن موقع اليكتروني
لجميع من لديهم نت ويفتح عندهم موقع حراح هذا ،المملكة ديرتنا  بكبرها وبناااااسها عقولهم وثقافاتهم وحدة ، ، لا
طبيعي يكون في خلافات بين البايع والشاري

ومنها موضوعك لعدم تحديد السعر ،

اما نخلط اللامور ببعض ، بطرق البيع واساليب البعض من البايع او الفكاهيين اصاحب التعليقات السخيفة

 مراح يكون نقاش نافع ومحدد...

سيارة اتعرضت اكثر من مرة ،،،من الهبل الي حاصل وعدم وجود كنترول ع اللموقع
لان اللاغلبية يتسلاء بدون اخلاق

 موقع حراج كملوا تطور والا بيكون موقع لعرض الصووووور ،،،، والملاسنات عليها 
.... فمان الله


up 3 down 2
aziz..747.. 2422
قبل 4 سنه و 6 شهر



نصيحة للي بيشتري خصوصا ،البايع ماعلية

حدد المنطقة الي بتشتري منها فقط ، اذا ماتعرف الا حدود مدينتك
او افتح كل الخيارات ع مدن المملكة والله يوفقك بموتر ع طلبك بس يبغاله 
معرفة البيع والشراء بذيك المدينة 

كل ديره لها سووووق ، انتو هنا وبالنت مفتوحين علي العالم كله ،احسنوا النية وتتسهل الامور
اما ع مزاجك تبغا الناس تبيع اغراضها ، معليش راجع نفسك


up 5 down 6
aziz..747.. 2422
قبل 4 سنه و 6 شهر



شكلك ياعزيز من حقين الهايلوكسات ال ٢٠٠٥ اللي مسيوم ب ٧٠ والحد ٨٥


up 1 down 5
benz lover 367
قبل 4 سنه و 6 شهر



لببب الأمارات بسس

الفياقرات كل وحده انظف من الثانييييه  ومن 20 الى 35 الف 

وايضاً وارد اليابان  زيييي الورده   بعكس هالمكرروف اللي عندنا 

تاخذها وتخليها لوح اماراتيه وتكررف ابوها  واذا طاب خاطرك  بعها بالامارات  والا بعها تشليح 

وهذا انا بسويها ان شالله 
ناوي اخذ لي يوكن 2004 من امريكا لقيت سعره 20 الف وبرسله للبحرين واسجله بالجواز واخلي لوححه بحرينيه واكرف والدييينه

هنا بالسعوديه اليوكن 2004   يقولك مسيوم ب 40 الف الحد 46 الف   والممشى 300 الف 


up 1 down 1
شكلين مابحكي 3160
قبل 4 سنه و 6 شهر



الاسعار الي في الموقع غير واقعيه 

الي يبي يشتري ينزل المعارض والحراج ويشوف بنفسه

او يجيب بنفسه من امريكا يقدر يسوم ويشتري من امريكا ويشحنونها له بس اهم شي موديل 2010 وفوق اقل ما يدخلونها الجمارك 




up 0 down 0
mrx15 237
قبل 4 سنه و 6 شهر



بنز لوفر ، هذا الي طلع معك ....ودعوى للنقاش  ،،،، الله يرحم حالك 
ان شاء الله تلاقي مرسيدس ع قد فلووووسك 


up 2 down 1
aziz..747.. 2422
قبل 4 سنه و 6 شهر



اخوي عزيز الاسعار فيها شي اسمو منطق وانا اشوفه غائب كليا عن الكثير من الاسعار وانا معاك في بزران كثير يخربون ويستخفون دمهم ولكن في مباللللغة بالاسعاررر هذي الرسالة اللي ابي اوصلها ولا اللي يقول لا احد يسوم تحت ٨٠ وموتره مايسوا ٨٠ اصلا وش بتقوله ؟؟


up 1 down 2
benz lover 367
قبل 4 سنه و 6 شهر



الاسعار فيها شي منطقي يعني كمان اللي يبغا يشتري لازم يبحث عن سعر السوق اول شي ولايعتمد على اسعار الموقع 
لانها غير واقعية

تاني شي اللي يقول سيم بـ ....... ياخي روح بيعها وش تستنا؟ عشان الفين ولا ثلاث الاف ماتستاهل الانتظار


up 4 down 0
المصباح 53
قبل 4 سنه و 6 شهر