أضف سؤال أو موضوع جديد          

لاصق اللوحه الملكيه مخالف ولا لا

up 1 down 5
البرنس66 19
قبل 6 سنه و 12 شهر



السلام عليكم ورحمة الله وبركاته،

وشلونكم ي الربع حبيت استفسر بخصوص اللوحه الطويله (الملكيه)

انتشرت هذي الايام لاصق يوضع بمنتصف اللوحه الطويله وفيه شعار سيفين ونخله

باللون الاسود والذهبي انا بصراحه ركبتها على أساس انها منتشره

ولا تخفي لا رقم ولا حرف ولكن سمعت من احد الاصدقاء يقول اظاهر انها 

مخالفه لنظام وانا بصراحه اجهل هذا الشي وانا الان على موعد سفر وخائف من المخالفات والتفاتيش

ارجوا الفائده من الي عنده خبره بهالمواضيع وجزاكم الله خير جميعآ







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا عاديه مجرد زينه تحمل شعار المملكه وما تحجب ارقام وحروف اللوحه


up 0 down 1
088mansour 799
قبل 6 سنه و 12 شهر



^^^ لا ياعزيزي ماهي عادي , النظام يقول اي لعب في اللوحات عليه مخالفة وممنوع , انا مسويها شخصيا والله يعطي فخامة وشكل جميل لكن ربكـ يعين !


up 2 down 1
موليا 772
قبل 6 سنه و 12 شهر



اخوي لوحته ملكيه ومركبها ويسافر ويروح ويجي عليها ومحد وقفه 

ولاحظ اغلب الشباب مركبينها اذا ما كأنو نصهم 


up 1 down 0
088mansour 799
قبل 6 سنه و 12 شهر



بيض الله وجهك وجمل حالك اذا صحيح ان شاء الله بس المشكله انا سويت حامي لمقدمة السياره 

وقالوا بنحط حامي على اللوح مجانا هديه المشكله الحامي حطه فوق اللاصق وانا كذا متردد اخاف الحامي ممنوع يقولون

يخفي شي ولا شي مشان ساهر انا اشوفه شفاف واذا صورت بالجوال الصور تظهر واضحه مايحجب ولا شي يعني الحين

لو قلنا الحامي مامنه خلاف واللاصق هو المشكله كذا اظطر اشيل الحامي لانه فوق اللاصق وبخسر اللاصق اللوحتين ب 100 بس سواها بلاش




up 1 down 1
البرنس66 19
قبل 6 سنه و 12 شهر



لاهنتوا جميعا وبيض الله وجيهكم بس اللاصق الحامي مشكله بعد ولا عادي


up 1 down 1
البرنس66 19
قبل 6 سنه و 12 شهر



اللاصق الشفاف  ممكن المرور يعقدك فيه ويقولك مركبه عشان تعكس ضوء ساهر 
وما يتكلم على شعار السيفين والنخله 

بس انت امش عليها عادي دام اللوحه واضحه ما عليك مشكله ان شالله


up 0 down 0
088mansour 799
قبل 6 سنه و 12 شهر



عادي انا مركبه

ماعليك الا العافيه

وكل الله ولاتوسوس

مريت مع انواع التفاتيش

التفتيش اهم شيء مكسبه التظليل والاستمارات مايدقق على غيرها


up 2 down 0
amear 1347
قبل 6 سنه و 12 شهر



انا كنت مركب لزقه على اول ايامها اول مانزلت 
وقفوني ٣ دوريات 

اول واحد لما عرف اني مامعي رخصه سحب على موضوع لزقه ولوحه ونشب لي بموضوع رخصه ومشيت من عنده الحمدلله بدون مخالفه ولا دقق على لوحه

ثاني واحد كان عسكري ينظم سير عند مطاعم وانا موقف جاني قالي وش ذي لوحه قلتله لزقه قال طيب فكها يوم جيت افكها قالي خلاص اركب بعدين فكها 

ثالث واحد بنفس اليوم اللي وقفني فيه الثاني بالدائري الشمالي ساعه ٢ بليل وقفني دوريه وقالي من وين مزور اللوحه ؟! قلتله لوحي من مرور ناصريه وهاذي لزقات وقالي فكها ويوم فكيتها قلتله انا مدري انها مخالفه وقالي انت شباب وذي حركات شبهه ومن ذا كلام نصائح ومشى 
وكلهم ماعطوني مخالفه 

طبعا هذا كلام اول ما نزلت لزقات هاذي 
الان اشوف كثير شباب مركبينها يعني لو في منع ماتشوفها منتشره 
لدرجه انا افكر ارجع اركبها 


up 0 down 0
mohammed.62 506
قبل 6 سنه و 12 شهر



والله صديق لي
يقلي انه شاف واحد يتخالف قدام عينه بسبب هاللزقات هذي
ونصيحتي يا شباب
ابعدو التهمة عن انفسكم
ما في داعي تترجى اي احد عشان لزقات
انا من يوم التظليل جا واحد من المرور يتفلسف علي ، ممنوع ومن هالكلام
مع ان التظليل 01 ، واعطاني مخالفة
من يومها وانا فاك التظليلة ومريح نفسي من قرف المرور
وعلى فكرة بعضهم يستلذ وهو يخالف فيك
فابعد عن الشر وغنيله


up 0 down 0
moathyaseen 1393
قبل 6 سنه و 12 شهر



moathyaseen  ^^

بالنسبه للتظليل اذا السيارة جمس او سيارة عايلة كبيره المرور ماضن يقول شيء ومن تجربتي بعد ..

بعدين لاجيت للنقطه نزل القزاز من بدري .. فالاخير هي على حسب مزاج العسكري .




up 0 down 0
فتى غامد الهيلا 209
قبل 6 سنه و 12 شهر



انا كنت مركبها علئ سيارتي لين مامليت من شكلها وفكيتها طبعا مريت من عند تفاتيش كثيره ولاحد وقفني


up 0 down 0
ابواحمد2090 1523
قبل 6 سنه و 12 شهر



يابوي لاتلصقها وفك نفسك البهدله ووجع الراس وش الي يحدك على بهدلة العساكر ووجع الراس وفكها وليه استمارتك منتهيه وليه رخصتك كذا
وش لي يحدك بوجع الراس ريح راسك وخلاص لاتركب شئ ولا تظلل الى وراء عشان المرور وفك نفسك من وجع الراس 


up 0 down 0
احمد شريف 3176
قبل 6 سنه و 12 شهر



نظاما اي تعديل او ملصقات او عدم اهتمام باللوحه عليه مخالفه


up 1 down 1
asalami 2180
قبل 6 سنه و 12 شهر