أضف سؤال أو موضوع جديد          

مصطلحات اذاقالها للك البائع احذرمنها

up 14 down 19
قودزيلا -63
قبل 5 سنه و 10 شهر



السلام عليكم ورحمة الله وبركاته

شلونكم شخباركم

موضوع اليوم هو عن مصطلحات دايمن نسمع فيها في البيع والشراء وحاب اعلق عليها ويستوجب الحذر منها اذاقالها للك البائع

اولا اذا سالت البائع عنن سعرالسياره وقاللك عالسووم ..واعطيته سومتك قاللك نطلب من الله الزوود هنا اعرف انه شريطي
ويحاول يبيع السياره باقصى سعرممكن لان المستخدم غالبا يحدد سعر للسياره
ثانيا اذا قاللك السياره فيها رش بحجم الكف ولا كم شبر ولوسالته ليش قاللك بسبب حكه واناطالع من القراج وهذي سمعها
دايمن اعرف جنب السياره مرشوش كامل هههههههههههههههه وسالفة حكت القراج الف مره نسمعها

ولاقاللك الماكينه فيها جلد بلوف تدخن وهي واقفه اعرف انه يبغالها توظيب
ولاالمكيف شغال بس يبغاله فريون هههههههه هذي احلى شي فريون 120 ماراح يضرك لان المكيف يرغب المشتري في السياره
اعرف انه ياثلاجه مضروبه اوكمبريسر خربان
واكثر حاجه نسمعها بسافر عشان بعثه جت فتره في موقع حراج اغلب السيارات المعروضه للبيع يقوللك بسبب بعثه
مايخالف في نناس تطلع بعثه لكن كل ماسالت واحد قاللك بعثه حتى الشريطيه صارو يقلون بنطلع بعثه ماصارت البلد كله طلع تحس انك جالس لوحدك في البلد^_^
زي واحد مره عارض سياراته لها 6شهور وكل ماسالوه قال طالع بعثه ههههههههههههههههه وماطلع للحين
وانتبه من الي يقوللك فيها سمكره بسبب دقشه صغيره دام اعترف بالسمكره اذا ماعنده صور للحادث قبل اعرف انه
في الغالب ضرتها قويه وايرباجها مفتوح وشاصيها معدل
هذي والله لاحظتها وصادفت اكثر من مره مومره ولامرتين كثير كثير لان اخذت فتره طويله في بيع وشراء السيارات
واكتشفت خبره مع الكذابينن لابأس بها
مادري اتوقع صارت معكم اكيد ونسمع منكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ارجو من صاحب الموضوع ذكر سلبيات المشتري والاساليب المتبعة  واضاعة وقت الناس بدون نية للشراء


up 0 down 0
naserhasan41
قبل 5 سنه و 10 شهر



naserhasan41 
ارجو من صاحب الموضوع ذكر سلبيات المشتري والاساليب المتبعة  واضاعة وقت الناس بدون نية للشراء 



انا اايد كلام هذا الاخ اللي اسمه مكتوب فوق 
ياريت والله
وابشر باللايكات مني ومن كل من يحبك


up 0 down 0
fawaz-abdulaziz 225
قبل 5 سنه و 9 شهر