استغفر الله

بناء الأدوار على حسب مسطح مو الدعوى كم تكلف ! مسطح 1000 م مثل مسطح 200 م

وبعدين تبي تبني 3 او 4 أدوار كيف رخصه 5 أدوار ؟

استفسر عن رخصة 5 ادور بس استفسار 

راح يكلفك اضعاف مضاعفه لاتنسى قرار الاخر حق البلك العازل قيمة البلكه من 4 الى 6 ريال 

الارض حقتي مساحتها 480 متر كل العماير  اللي حولي 3 ادوار 
وانا ابغاء ابنيها 3 ادور واسىل كم تكلف

اخوي اخذ المخطط واقرب مهندس راح يعلمك كم بلكه تحتاج وكم طن حديد افضلك من هنا

يعني تحطها 6 شقق ؟

العظم من 300 الف وفيها طبعنا عندنا بالرياض اما تبوك ماادري طبعا التشطيب على حسب في ناس تشطب بي 100 الف وفيه ناس تشطب 500 الف على حسب

بتدفع حوالي 700 الف الى 900 الف

تأسيس السباكه لحاله تاكل حوالي 70 الف

اعرف واحد شغال بعماره حاليا 3 ادوار وبدروم ومكلفته فوق المليون وباقي ماخلص

يعني هو أنتهى من التأسيس كهرباء وسباكه واللياسه العماره بالكامل 

وخلص شقه وسكن فيها

بس الفرق مساحتها فوق 700

وأعرف واحد كلفه دور مختصر على مساحة ارض 400 حوالي 250 الف شغل كامل


المهم أحذر كل الحذر من العمال 

حاول تاخذ عمال شغلهم معروف 

شوف كل مخطط  له حد معين من عدد الأدوار  ولاكن عند استخراجك رخصة البناء راح يصفى لك 60 في الميه من مساحة الأرض و40 في الميه راح تروح ارتدادات من جهة الشارع والاراضي المجاوره يعني ممكن راح يكون بنيانك على مساحة 290 الى 300 متر مربع عاد شوف عندك اسعار المتر اذا انت تجيب المؤونه بلك و حديد وغيره تلقى ب125 للمتر الواحد عاد اضرب عدد الأدوار بمساحة البنيان والناتج اضربه في سعر المتر واذا تبي تسلمها مقاول تختلف الاسعار من 340 الى 380 للمتر المربع شوف كم  بيقص عليك عظم نصيحتي لك اذا انت في نفس المنطقه ساكن لا تسلمها مقاول اشرف عليها بنفسك وتلقى سعر للمتر يمكن اقل 125 انت وشطارتك  

يارجال

لو ما عطوك رخصه

كمل الدور وبعدين إدفع غرامه للبلديه وانتهينا

والاجارات بعدين تعوضك

حسب المسطح والمتر الطولي
المبني طول في عرض ضرب سعر المتر مع المقاول 
غالبا سعر المتر حول 150
الطولي الستره والحوش
انا الى الان دفعت 150 الف وانا تحت الارض
قواعد وميدة وخزان

انصحك تدور مقاول من برا مو تبع مؤسسة وكمان خذه شغل يد فقط وانت تشتري الباقي من برا على المقاول الخشب والكماشات فقط وانت عليك كل الباقي راح يكون المتر 80 ريال أما لو تأخذ الشغل كله على المقاول راح يطلع عليك من 450 الى 500

سعر المتر
مصنعيه عظم 120 ريال 
كمبليت عظم 400 ريال
تزيد و تنقص علة حسب شطارتك

على المفتاح 1100 ريال تزيد و تنقص على حسب تشطبيك

انا خبري قبل سنه .. ايام ارتفعت اسعار العمالة..فمدري الان الاسعار تحسنت ونزلت ولا زادت ولا زي ما هي
عموما
انت مساحة ارضك 480 متر *مسطح البناء 60% =288 متر للدور الارضي
انت ما حددت الارض منطقة 4 ادواروملحق ولا منطقة دورين وملحق
بحسب لك على دورين وملحق:
الدور الارضي 288 متر 
الدور الاول اذا الارض على واجهة واحدة = عندك بروز واحد = 314 متر (حسب اضلاع الارض)
الملحق نصف الاول =157
المجموع =759 متر
قيمتها عظم تقريبا (انا حاسب لك السعر مقاول كامل وانا لا انصحك الا بالمصنعية عشان توفر + ما يسرقك )
759* 530 ريال (قيمة العظم محسوب معاها الخزان والبيارة والسور والسترة )= 400 الف تقريبا 
والتشطيب تقريبا مره وربع الى مره ونص العظم (حسب فخامه وجودة التشطيب )
نقول مره وربع تشطيب متوسط معقول = 500 الف 
= تكلفك كامل 900 الف ريال 

ان حبيت تحسب على ادوار اكثر زود كل دور 314 متر تقريبا ..
حسابي هو المبلغ الاقصى تقريبا .. بامكانك توفر تقاولها بنفسك تجيب مقاول مصنعي توفر من 10 الى 15 % وممكن اكثر حسب شطارتك ومعارفك 
وارجع انبهك لا تسلمها مفتاح ولا عظم .. مصنعيه افضل بمليون مره 
وبالتوفيق ان شاء الله

ماشاء الله شريطية عقار بعد بالمنتدى عساكم على القوة بس اهم شي ان الاستفسار بقسم المرسيدس

من زمان اسمع واشهد في لوحات محلات المقاولات عظم او تسليم مفتاح 
وما عرفت وش معناهم 
لو سمحتوا يا اخوان عرفوا وش معنى عظم وتسليم مفتاح .

عظم يبنيها لك بدون تشطيب عاد مدري اذا يسويلك تأسيس سباكة ولالا وتسليم المفتاح هو يسوي كلش من طقطق الى سلام عليكم على حسب المخطط اما اذا كان حرامي يمكن مايعطي المبنى اسمنت وحديد يكفيه ويمكن ينهد تحت اخف الظروف لان الاسمنت والحديد والقواعد اذا صارات قليلة والمبنى ادواره كثير زي 4 الى 10 ادوار ممكن ينهد لاقدر الله 

استغفر الله العظيم