مشورة بالفياقرا ... يا أهل المرسيدس..اسئلة تهم كل مستشير

في انتظار إفادة الشباب وعشاق المرسيدس
وياليت اذا فيه امكانية يفيدونا بالاسعار من 2002 إلى 2005 الـ 8 سلندر
واعذر لي مداخلتي اخوي ابو عبدالعزيز

اخي صاحب الاعلان من استشارك فقد دخل في امانتك


راح اقلك من واقع تجربتي الفياقرا ماشاء الله تبارك الله اروع سياره سقتها بحكم تغييري السيارات الدائم

وبصراحه سياره حلوه وملك بالخط ورفاهيه وفخمه ودام سواقتك هاديه تعيش باذن الله معك وماتطلب

لان السواقه الخشنه ماتنفع لها فهي سياره رايقه وتعلمك الروقان وتخليك شايف نفسك حبتين

< هههه واللي يقولك قطع غاليه فراح افيدك ..



بالنسبه للقطع سعرها متوسطه بالنسبه للسياره وفئتها والعيب الوحيد اللي اشوفه سعر

مساعدها الهيدروليك الواحد تقريبا 2800 ريال اما باقي القطع فعاديه ومقدور

عليها مثلا فحمات اماميه 350 ريال اصلي وخلفي 250 ريال اصلي سير المكينه 150 ريال اصلي

الهوب الواحد 250 ريال اصلي الرفرف 480 ريال اصلي هذا الاشياء اللي اعرف وبالنسبه للصيانه

اذا كان استخدامك يوميا لها فاعتقد 1000 ريال كل 3 شهور مناسبه لها من غير الصيانه السنويه

اما اذا سياره ثانيه رسميه فاقولك 1000 ريال كل ست شهور باذن الله

ونصيحتي استخر واتكل على الله واشتري ولو بغيت اي معلومات ثانيه تواصل معي وابشر

بأنصحك نصيحة ما تندم عليها لان هذة النصيحة انا علمني بها المعلم صاحب اكبر ورشة في مدينة الخبر طبعا" انا سألتة ايش افضل واقوى انواع المرسيدس الجديد
قال لي مرسيدس 2001 و2002 حجم 240 خذة ولا تشاور لاكن خذ النظيف حتى لو غالي والنظيف قليل وحاول يكون مشية تحت ال 100 الف يعني فوق ال 50 الف او تحتها او فوق ال 100 بشوي وطبعا" سعرة للي يعرفون سيارات المرسيدس ويقدرونها لا ينزل عن حد معين وباشوف خبرتك يا صاحب الموضوع بأعدين افيدك هههههههه

وعلى فكرة لا تأخذ من الحديث لامها زايدة في الكهرباء ويبي لها قروش هههههههه

شباب حطوا لايك للتعليقي ابغى انزل موضوع مهم 

شباب حطوا لايك للتعليقي ابغى انزل موضوع مهم 

جربت فياغرا وبانوراما
الفياجرا أفضل موديل 2003 فما فوق
والخرابات هيدروليكات عيب في الفياجرا
الباقي بسيط استهلاكية
النظيف قدمته فيه لا تنس واناخوك

الاستخارة ايضا

طيب يا حبايبي
هل فيه اتصال بلوتوث
تلفزيون خلفي؟
اتكلم من حيث ربط الجوال او الايفون بالاحرى بالسيارة
كمشغلات وغيره...


هذا سؤالي الاول

الثاني ماهو اعظم خراب ممكن يصير للفياقرا؟
فلنمسك مثلا القير والمكينة ما اعتقد في خراب اعظم منهم
كيف تكاليفه وهل الحلول متوفرة أو لازم ورش متخصصه وقطع اصلية والقيمة كم؟
مشكورين احبابي على اخلاقكم ودعمكم وهذا لايك للجميع عشان تفاعلكم مع اخوكم

تسال انها سيارة مكده فالجواب لا لان فيها ثقل شوي وتحتاج سواقه راكده وهاديه 
قطع الغيار معقوله وممكن ارخص من بعض السيارات اليابانيه او الكوريه ومانبي نتكلم بموضوع القطع كثير لكن تقدر تمر الوكاله وتسال وحط في بالك قطه اصليه بسياره المانيه تخدم دبل الفتره اللي بتخدمها اي قطعه بسياره ثانيه 
القير مافيه اي مشاكل تذكر واعطاله قليله مع الاستخدام الادمي اما الاستخدامات الثانيه فوضعها غير
المواصفات انت اللي تختارها وهي اختياريه حسب حاجتك لكن مافيه ميزه الا موجوده بالفل 

ونصيحه اذا بتستخدم الماني لاتمشي ورى كلام العامه وتركب قطع مستعمله  لانك بتتعب ولمعلوميتك انها تتباع اغلى من سعر الوكااله  لدرجة اني من بال الفضول رحت اسال  عن بعض القطع لقيت سعرها مستعمل اضعاف سعرها جديد بحجة انها اصلي وكاله وكن الوكاله تبيع صيني

سعد الجهني ههههههههه كلامك صحيح ..

مضخة هيدروليك بانوراما تشليح 1100 وعند الوكيل العام الماضي أخذتها بعد الخصم 1230 ريال مرسيدس وكالة !!!

حرامية التشليح ههههههه