صديق لي محتار مابين لكزس او بي ام او مرسيدس

البانوراما هذا الموديل فيه عيب مصنعي خطير جدا
ممكن يطق القير و المكينة بسبب دخول ماء الرديتر عليها
شفت واحد عند تشليح الحسيني للمرسيدس المعروف
ومعه فواتير القطع تكلف حوالي 28,000 ريال

حتی لكزس 2007 فيه عيب مصعني ABS
وكلها صيانتها غالية

حرام عليك ظلمت المرسيدس يوم تقارنه باللكزس 

شوف ياعزيزي الافضلية للكزس من ناحية الصيانة والعيوب مافيها كلام 
ولكونك تتكلم عن ال اس 460 فما عليها كلام من ناحية الخط والرساوة والثبات لدرجة انك تمشي 260 وقلبك مرتاح

شوف دامها.السيارات موديلها يعتبر قديم فأنا ارشح اللكزس لان قطع غياره نسبيا اقل من البي ام و المرسيدس 
غير كذا السيارات.ممكن.تبدأ تطلب منك.فاللكزس حيكون من ناحية الخرابات أقل  من الألماني أنا عاشق الألماني لكن مستعمل و عمرها سبع سنين 
تخوف شوي المرسيدس و البي ام إذا مو وكالة لا تأخذ أما اللكزس باذن الله بيخدمة سنين بتكلفة أقل 

وعلى كلن البي ام ترى ماتصلح نهائيا لامن ناحية قطع ولا صيانة

شوف يالغالي

إذا بياخذ وكاله يتوكل على الله سيارات فخمه وغنيه عن التعريف


بس متسخدممم صيانته بتذبحه وخصوصاً إن خويك على قد حاله

تبي الجد ولا المجاملة 
الجد ابعد النظر عنها كلها لانه واضح ان خويك ما عنده فلوس ولا يقدر على صيانتها 
والمجاملة 
مرسيدس وبس 

السيارات الفخمة مميزة وراقية ولها من يدفع حقها بس متى اذا اخذتها بالضمان سوا كانت جديدة والا مستخدمة بالضمان لانك ماراح تدفع شيء ابدا غير قيمة البنزين طول فترة الضمان الضمان الذهبي طبعا . لكن بدون ضمان مغامرة واعطيك مثال بسيط احدى الزملاء خرب عليه كمبيوتر الانفنتي جيب سعره 35 الف .

أبو نواف عطيتك ديسلايك على أساس أعدلها لايك لكن ما قدرت آسف

f2020 يكفي يالغالي انك انتبهت لردي

تبي الكرف والفخامة والسعر وقت البيع؟
لكزس
العيوب
منتشرة كثر الرز بالشوارع
بعض القطع باللكزس أغلى من المرسيدس والبي أم


تبي التكنلوجيا العالية جدا والفخامة
أودي - بي أم
العيوب
الوكيل غالي جدا والتوليف والتقليد صعب ونادر
السعر وقت البيع سيء وبيعتهم ثقيلة
تحسه رياضي اكثر من كونه فخم فـ اللكزس أمتع سواقه منهم

تبي التكنلوجيا والكرف ومتعة الركوب والفخامة المتناهية
مرسيدس
العيوب
العيوب السعر المنخفض وقت البيع 
بيعته ثقيلة حتى ورش بدائل الوكالة سعرها غالي
لكن يتميز بوفرة درجات القطع (اصلي.. تقليد درجة اولى ثانية ثالثة إلخ)

قل لصاحبك يشوف ردي
ردي منقول عن اصحاب الخبرة في السيارات الثلاث
على مدى أكثر من عشر سنوات

اذا كنت تبي شوري خله يشتري لكزس اول
على الاقل لو حب يبيعه بعد شهر ما يتأخر في بيعته
هذا غير
انه يقدر انه يسترد امواله بسرعة ويتجه لأحد الخيارين الثانيين 
لكن لو خذ بي ام من اولها
بينشب بحلقه ولا بيقدر يبيعه ولو باعه ما بيحصل نفس الفلوس اللي تشتريله اللكزس اللي خاطره فيه قبل

اللكزس افضل من ناحية الصيانة وقلة الاعطال
المرسيدس افضل من ناحية الرساوة والمتانة
ال بي ام مشكلته عند البيع