استفسارات - بخصوص الشبح والفياغرا وقطع غيارها

اذا انك داخل على زواج فنصيحة اخ اببعد وخذلك فوورد ورده فل كامل 2004 بقيمته لان المرسيدس اذا ماجااااك نظظظيف راح يتعبك ويكلفك بصيانته المعقده والنظيييف غاالي جدا والهدروليك مكلف ومايستحمل شوارعنا للاسف

عشان كذا قلت شبح
يعني ممكن بالسعر اللي معي أقدر آخذلي شي نظيييف
بس بشكل عام قطعها تعتبر غاليه ؟؟

غاليه ومعقده لازم لها ورش مخصصه يعني مو شي تقدر تسويه ب اي ورشه

يااخوي الناس تلف وتدور على موديل 2007 ماحصلوا النظيف 
مابالك بسياره عمرها 14 سنه ووين في شوارعنا ؟؟؟؟
فكر قبل ماتشتري 

معروف انه المرسيدس هو الافضل في كل شي بس ابيك تفكر فيها ولاتسوي مثل اخوي يوم اشترى شبح ... الشبحات صار لها مايقارب 18 سنه وهي تكد وكل سياره لها عمر افتراضي وكل قطعه فالسياره لها عمر افتراضي وماعتقد فيه سياره بتعيس العمر كله ماتخرب والشبحات تعتبر سياره مستهلكه عدى علها الزمن لاتقولي فيه شي نظيف ترى الحين شغل تلميع وتنقيص فالعداد وروح بيع وانت عارف انه السياره عندنا ماتكمل سنه والا هي ماشيه فوق ال 60 الف فكيف سياره صار لها 18 سنه مامشت الا 50 الف كيلو يعني من صغر السعوديه عشان مايمشون فيها غير كذه ترى قطع غياره غاليه وبيتعبك وماينفع تحط لها قطع تجاريه ماراح تمشي ... المرسدس حق اخوي كان فيه مشكله فالحراره وركبة مروحه من نوع ( شنايدر ) ولا نفعت وركبت مروحه ثاني من نوع ( تراكتك ) ولانفعت كلها تجاريه يوم جيت سئلت عن المراوح الاصليه لقيت قيمة الواحده ب970 !!! يعني المروحتين تطلع فحدود ال 2000 ريال والسياره مديلها 96 اجل كيف اسعار قطع الفياقرا ... غير كذه المرسدس يبيلك توديه ناس مختصه وفاهمه ومو اي واحد يقدر يصلحه لانه تقنيته جباره ومعقده ... خذلك سياره على قد حالك تقدر على صيانتها والكل يقدر يصلحها وقطعها رخيصه وترى المرسدس ماينفع لاصحاب الدخل المحدود حتى البي ام ومثل ماقالوا الالماني ( مركب شيوخ ) وابعد عنه

من واقع تجربتي للشبح سياره ممتازه قوه وثبات على الطريق بس سبغا لها واحد كاش لان صيانتها مكلفه جدا وورشها خاصه لها واغلب مهندسيها اشوام اسعارهم فوق ودبل عن غيرهم فكن حذر

من واقع تجربتي أنصحك ما تاخذ غير الشبح بس خذ لك واحد نزيف ماراح يكلفك شي نهاياَ غير القطع الاستهلاكيه معي مرسيدس تمساح له فترة عندي مبيض وجهي خطوط في والبلد ويتربى في عزي انشاء الله

انصحك بالشبح المكينة مع الدفرنس مع القير تشتريهم مع بعض 6 الاف ريال قطعها يابلاش ومتوفره اشتريها وسوي لها صيانه واكشخ فيها يكفي منظرها الى الان مازال افضل من الكامري