أضف سؤال أو موضوع جديد          

مساعده بالمرسيدس قبل ما اتوهق مع خوي

up 4 down 1
فـهـــــد الفهد 449
قبل 6 سنه و 9 شهر



تحيه حب وتقدير الى اخواني الغالين بموقع حراج الغالي على قلبي 
احبابي في الله لي زميل بالعمل يبي يبيع المرسيدس الى عنده موديل 2006 فئه e320 
السياره على كلامه نظيفه ومهي مرشوشه وعلى الفحص بس صارحني قال 
المكينه مغيره لمكينه فياجرا وهي بالاساس بانوراما وقال الجير موضب وضمان 6 شهور عالشرط 
وقال هذا للعلم عشانك خوي بس افحص زي ما تحب وخذ راحتك 
وقال المبلغ ما حتحصله وقال ب 28 الف والنقل عليك 
فمحتار يا اخوان هل اشتريه او اصرف النظر ونبقي خويان واصحاب عمل او اشتريه واستانس فيه وسعره 
حلو وما ضحك علي 

ارجوكم المساعده بالي تقدرو عليه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انصحك ابتعد عنه

حتى لو من خويك

مغير مكينته وموضب القير

دورلك سياره ثانيه الله بيرزقك افضل منها

لاتستعجل ولاتصير من طقة اللي يطيرون بالعجه بالمعارض

لاشاف موتر الماني برخيص راح لراعيه

وفي الاخير لاجاء وقت الصيانه او تغيير القطع الاستهلاكيه كتف يديه

يقول ماتوقعت اسعار قطعها كذا او كذا






up 4 down 1
amear 1347
قبل 6 سنه و 9 شهر



اهرب هروبك من الداب الاسود
مرسيدس  يعلك وهو نظيف 

كيف موظب قيره
ومغيره مكينته
ابعد عنه
خلكم اصدقا احسن



up 9 down 2
خالد الاسكندر -40
قبل 6 سنه و 9 شهر



ابتعدددددددد هذا مغير ماكينة وجير جير البانوراما مايركب ع ماكينة ال ٣٢٠ اللي نظيفة تسوى ٣٥ ماكينة بانوراما وجير بانوراما بلد ابتعدددددد


up 2 down 0
benz lover -75
قبل 6 سنه و 9 شهر



حل عنها احسلك .. صيانتها ماتصلح الا للكاش . 



up 2 down 0
فتى غامد الهيلا 209
قبل 6 سنه و 9 شهر



شوف اذا فحصت وكل شيء سليم استخير ولاتدري عن اللي كاتبه
ربي 

عموما

الوالد اخذ مرسيدس من زميل له وهو جاهل بالسيارات
وخبط القير ٣ مرات خلال اقل من ثلاث اشهر !!!
شكينا بالعمود 
بالدفرنس 
لكن شيكنا على مبرد الزيت لقينا مقفل !!!!!
مسدود ويحتر القير وتحترق كلتشاته ويفرط 
واخر مره غير الوالد القير مع الراديتر وهذا هو ماشاءالله عليه
زي اللوزه 
اعرف سبب التوضيب للقير وتغيير الماكينه ان كان تغيير الماكينه
حراره فهو الراديتر ضرب الاثنين 
ضرب القير ثم خبط بالمكينه وراعيها مايدري


up 3 down 1
xpoldx 1432
قبل 6 سنه و 9 شهر



ربي يحفظكم جميعا ويوسع رزقكم والله انكم كفو ومشكورين ومجملين واقسم بالله جالس ادعي لكل واحد رد علي 
كلامكم عين العقل وراح اسمع نصايحكم بحذافيرها 


up 2 down 0
فـهـــــد الفهد 449
قبل 6 سنه و 9 شهر



اي والله خلكم اصدقاء احسن وابعد عن الشر وغنيله 
موفق


up 0 down 0
ابوخلوودي1 5070
قبل 6 سنه و 9 شهر



اولاً اشكر امانة صاحبك على ذكر كافة عيوب السيارة ،،

ثانياً السيارة مستهلكة وبالمبلغ هذا تلاقي بدائل كثير بحالة افضل انصحك بصرف النظر عنها والله يجنبك كل مكروه،،


up 0 down 1
panamira 1906
قبل 6 سنه و 9 شهر



عندي يا ركاب الالماني نفس الموديل ونفس الفئة

ومكينه وقير شد بلد نظيفه والسعر 26 الف لو لك نظر فيه اسدح رقمك

وانا اتحداك قدام الشباب لو كنت صادق راعيه طالب فيه 30

ولكن لك مني ادفع 4000 الفرق بس ابيك تحط رقمك


up 3 down 5
ابراهيم التركـي 1067
قبل 6 سنه و 9 شهر



دورلك على نضيف ولا تاخذ حق خويك


up 0 down 0
سلطان 2009 315
قبل 6 سنه و 9 شهر



طيب كم ماشية سيارته


up 0 down 0
moathyaseen 1393
قبل 6 سنه و 9 شهر



الله يعافيك  ، ياخوي فهد هذي شهاده نعتز بها جميعا ،، ولله الحمد والشكررر بالمنتدى جميعهم اهل خبره وبالتأكيد نطلب الشور منهم ،،

،،    ، وانا اخووك شوف لك موتر يريح راسك ونفسيتك وفلوووسك و وقتك ،،  
تدفع فلووووس ترتاح 
ماهو تدفع فلوووس  وتصير عميل للورش ونصب خصوصا ان الالماني مايعرف يصلحه ،
إلا ، السوري والتركي ،،  وعساك  ماتطيح بيديهم  ،، ناس النصب والاحتيال والكذب يمشي بدمه إلا من رحمه الله عز وجل وهم قليل اللي يصدق معك
يارجل اذا جيتهم ابصلح مروحة كامري او كمبرسر   يخلي راسك يحترررر   نصب كذب  خساره  فما بالك بالالماني ،،
 
انتبه ،،   اذا شريت اشتر صح  احرص ع النظيف واللي منتشر عند الناس ،
واذا بتبيع  انتبه تفرط بالموتر النظيف ،،،  


up 0 down 0
خالد الاسكندر -40
قبل 6 سنه و 9 شهر



و500 معك يا ابراهيم 


up 1 down 0
الصمت كبرياء 328
قبل 6 سنه و 9 شهر



اولا شي تاكد من مقاس السيارة وموديلها لان فئة ال 320 استبدلت من عام 2006 فما فوق بـ 350 بمحرك البانوراما وكذلك فئة ال240 استبدلت ايضاً في عام 2006 فما فوق بـ 280 وايضا نفس محرك البانوراما الخاص بـ 350
بالنسبة للسعر النظيف لهذا الموديل ال 350 لايقل عن 45 الف .. والسيارة بشكل عام عملية وتتحمل وقطع غيارها مناسبة مقارنة باسم مرسيدس وماركة المانية
اشوف سعرها مناسب اذا ماتحتاج لصيانة او تكاليف اخرى





up 0 down 0
عبادي z 97
قبل 6 سنه و 9 شهر