أضف سؤال أو موضوع جديد          

القيادة أخلاق قبل ان تكون مهاره

up 13 down 3
aabody12122 161
قبل 6 سنه و 5 شهر



شووووف كيف العناد ع السريع بين سيارتين ..  
حادث متعمد والاثنين ماأحد راضي يتنازل
 ( الاول يسقط علي الثاني متعمد ..
والثاني ماتعوذ من ابليس  ودخله في الحاجز لاحول ولا قوة الا بالله )
القيادة اخلاق قبل ان تكون مهارة ..https://www.youtube.com/watch?v=hstqY0deIls







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا ساتر ! ، ودك تسحب الرخصه منهم الاثنين وما يركبو سيارات ،السيكل ازين لهم 

نفس طريقة الحادث صارت من 3 اسابيع مع واحد معانا بالمدرسة دخل عليه يوكن من اقصى اليمين الى اليسار وانقلبت الكورولا واتصاب 3 طلاب . الله يشفيهم 



up 2 down 2
ahmed195 1821
قبل 6 سنه و 5 شهر



هذي نهاية كل متهور

ترى لاجاك شيء او مت والله محد داري عنك ولا احد زايرك الا ربعك وجماعتك

وان غطوك بالتراب محد بذاكرك الاعملك

وخل مساقطك والمهايط ينفعك بقبرك

ترى هل الجمله مايقدرها اي شاب ويفكر فيها




up 8 down 2
amear 1347
قبل 6 سنه و 5 شهر



لاحول ولاقوة الا بالله وش صار على راعي الانترا اذا تعرفون طموننا عليه ؟ 


up 3 down 1
جيت بنتحر قالوا عوائل 27
قبل 6 سنه و 5 شهر



عشان كذا انا ضد ان الواحد يعطي طفل او صغير سن سياره عائليه

لانها يهايط فيها ومثل ما نشوف بالمطقع كيف اليوكن لف و دعم اللنترا من الخلف واعرف ان كان قصده انه يصدمه بس ويلحم فيه وما كان قصده يقلبه لكن هذا اللي ساير

واكثر من مره اشوف بزر معه جمس طويل ويغلط على خلق الله بكل ما اوتي من قوه و يخوف الناس فيه

المفروض السيارات العائليه ماتكون الا مع ابو عائله , ابو عائله تلقاه كبير وعاقل و ما يسوي مثل هالحركات ابدا

الله يستر عليهم جميع و المفروض اللي يصور يكون لحق اليوكن و اخذ رقم لوحته ورجع لمحل الحادث 




up 9 down 2
ابو يزيد 000 8712
قبل 6 سنه و 5 شهر



قصدك- المقطع - انتبه يفرق!!!!!


up 2 down 3
أبوياسر74 277
قبل 6 سنه و 5 شهر



السلام عليكم 

انا الصراحة تصير معاي هالمواقف بكثرة في الرياض و السبب اني ملتزم بالحد الأعلى للسرعه و يجوون أصحاب السيارات الصغيرة يتجاوزون من اليمين و بعدين يفرملون قدامي الصراحة ودي أسوي فيهم نفس راعي الجمس بس اتعوز من ابليس و اهدي 


للأسف ما يخافون على نفسهم ولا يخافون من الله 

يعني انا عندي عائلتي في السيارة و سيارتي سوبربان لوحة الإمارات يعني معتمر و عندي اهلي تسقطون علي و تفرملون يعني بكل بساطة ممكن يقتلني انا و عيالي

الله يهديهم و يصلحهم


up 5 down 2
khaled al baloushi 240
قبل 6 سنه و 5 شهر



المنظر هذا اشوفه بشكل يومي بالشوارع هياط ومبزرة ومساقطه وتلحيم مدري هي غشامه ولا عباطه 


up 3 down 0
acoordian2005 358
قبل 6 سنه و 5 شهر



راعي السوبر ماغلط ولا شي ركزو بالمقطع راعي الالنترا جا قدامه وضرب فرامل بكل قوته شف دخان الكفرات راعي الجمس مايمديه يتصرف 
وخله تكون عبره للمهايطي راعي الالنترا مايحارش احد مرة ثانية 


up 2 down 1
عبدالله 78 184
قبل 6 سنه و 5 شهر



راعي الالنترا قاصد يهايط على راعي اليوكن والاغلب انه سواق
والدليل انه ضرب فرامل وماحد قدامه باقصى قوة وسائق اليوك دخل فيه عسرعته يعني ما امداه ينتبه انه يهايط عليه 


up 4 down 1
a m i r 553
قبل 6 سنه و 5 شهر



الخطأ من صاحب الألنترا ومعاند ويبغى يطمر على صاحب الجمس بالغصب ولقي ما يستحق 

هذه العينات نراها بكثرة في شوارعنا وهم من المراهقين والدرباوية الذين لم يجدون من يؤدبهم ويعلمهم أن 

الله حق (من أمن العقوبة أساء الأدب) المفروض على مثل هذه العينات يرمون في السجون وينسى أمرهم 

حتى يرتدعون عن حركات المبزرة والمطامرة والهياط . 


up 2 down 2
رعد 4 3254
قبل 6 سنه و 5 شهر



بعد تحليلي للمقطع راعي الالنترا مهايطي وحقود والله 
لو أني مكان راعي الجمس من أول مرة يسقط لا اصدمه 
وش يعني بكسر سيارتي عادي أهم شي اكسر عينه 
عشان لا يتحدى ويهايط المشكلة انه راكب النترا بديها 
مصنوع من ورق و قصدير ويهايط على تريلة وتلقى السبب 
تافه يعني يا ساقط عليه ولا ما فتحله طريق لكن ما أقول 
غير الله يهديهم ويهدي الجميع السواقة ب السعودية 
صارت حرب وبذكرلكم المدن اللي فيها النوعيات هذي 
١-الرياض بالمرتبة الأولى تلحيم  ومساقطة وسباقات 
٢-جدة بالمرتبة الثانية درعمه 
٣ - المدينة أشر ولف ودرعم 
٤- تبوك بالدوارات أفضل مدينة لكن بالباقي الله بالخير 
 بتبوك اتحداك اذا قدرت تلف يمين عند بعض الإشارات 
بيجيك واحد ويوقف قدام ولا يحرك الا اذا خضرت 
٥ - حائل والقصيم كنك بتابع فلم فاست اند فسوريس 
حتى لو مشيت ٢٠٠ بتجي هايلوكس ٢٠٠٥ وتتعداك 
وبحائل لاتفكر توقف عند المطبات لان اغلب الشعب ياكلها 
سفري طالع بمرايتك بعدين هد ولا ترى بتقعد تدورلك سمكري 
وبيخرب سيارتك 
هذي تجربتي بالمدن اللي زرتها اكثر من مره وشفت كيف سواقت
 سكانها الله يهديهم جميع 
وللعلم ساكن بتبوك ودوامي الحمدلله الساعة ١٢ والأمور 
طيبة بس وانا متجه للدوام عند الإشارات لازم اطمر رصيف 
بسبب المستعجل اللي يوقف بالمسار اليمين 



up 3 down 2
fasool95 317
قبل 6 سنه و 5 شهر



والله انا من الناس اللي كرهت القيادة خلاص طابت صرت اتكاسل و أأجل مشاويري او ادور اي احد يسوق عني كله بسبب المتهورين و اللامبالين في شوارعنا زود على الزحمة و الحفر و التحويلات و الاجواء الشاعرية اللي عندنا اغلب التهور و المساقط من صغار السن و تفكيرهم هداهم الله ما عرف ان هذي نعمة و محاسب عليها و ان الغرض من السيارة نفعك و توفير مالك و راحتك و ليس اللعب بها و مضايقة الناس والله شي يقهر ارواح تروح بسبب التهور و الاهمال وش ذنب شخص ماله اي ذنب بيروح في حوادث تشبه ذي 
نسأل الله السلامه


up 2 down 0
rraammooss 965
قبل 6 سنه و 5 شهر



أعتقد كل الموضوع هو كفر ضرب في الألنترا.

شوفوا هالمقطع أوضح:
https://www.youtube.com/watch?v=46pWrd26Eeo

الألنترا صار فيها مشكلة بأحد كفراتها اليمنى، أظن أنه إنفجر، وسائقها حاول يعدل مسار السيارة بس راح يسار كذا فجأة.
لو لاحظتوا المقطع زين بتلاحظون إن فيه شي زي الدخان أو الغبار يطلع كل شوي من الكفرات اليمنى للسيارة حتى وهو بالوسط قبل يروح ليسار.

أظن إن أحد كفراته اليمنى بنشرت أو انفجرت وهو اللي سبب اللي صار.

أما سالفة مهايط وغيرها ما أدري وما أظنها بتسبب هاللي صار.


up 1 down 4
وليد م ع الدخيِّل 491
قبل 6 سنه و 5 شهر



انا واحد من اخوياي بالدايري الشمالي سقط واحد عليه من اقصى اليمين لليسار وصدمه وقلبت السياره والله سلمه والسيارة راحت تالف 


up 1 down 0
rayan2010 46
قبل 6 سنه و 5 شهر