أضف سؤال أو موضوع جديد          

غطا الرديتر لحد يستهين فيه

up 9 down 10
i6rb_ 163
قبل 3 سنه و 9 شهر



السلام عليكم 




اللي يشتكي من حراره سيارته بالصيف ذا 




انا سيارتي بدايه الصيف كانت ترتفع للثلث وتثبت 
ويوم اوقفها المويه كلها تطلع من عند الغطا 
بحكم جهلي وقفتها ثلاث شهور ما حركها الا قليل لان عندي سياره ثانيه 
واليوم جاني شعور يالله قم غير غطا الرديتر ههههههه 




وسبحان الله اشتري واحد جديد نفس ارقام الوكاله 




وتختفي الحراره بشكل نهائي 
ما كنت متوقع ان غطا الرديتر يرفع الحراره كذا 




خلاصه الموضوع لاني ما احب اكثر بالكلام
لا شفت سيارتك. حرارتها ثلث وتطلع مويه من القربه 
على طول غير غطا نفس رقم الوكاله 
لا تشتري تجاري ماينفع 
مالقيت صوره للبلف لان صراحه متعجز اروح السياره هههههههه 
بس كان لونه اصفر وبدون جلده 











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحرارة تختلف من سيارة لسيارة

ماهو شرط الثلث فيه سيارات الثلث طبيعي

و سيارات الثلث تعتبر نازله المفروض النصف

و سيارات الثلث كثيرة المفروض الربع

لا تحكم على حرارة سيارتك يعني كل السيارات لازم مثلها


up 5 down 3
مباديء رجوله 62
قبل 3 سنه و 9 شهر



صحيح كلامك الحراره تختلف 
بس الكلام الحين يوم تطلع المويه من القربه هذي مشكله 
اللي ما يعرف زين ممكن يلعب عليه راعي ورشه 


up 4 down 0
i6rb_ 163
قبل 3 سنه و 9 شهر



وش استفدت من المنتدى طالما اقل شيء مثل هذي وقفت السياره 3 شهور عشانها

و الاعضاء كثير تكلموا فيها يعني اقل معلومة المفروض تكون استفدتها هي غطاء الرديتر

لكن الواضح منك ما استفدت ولا شيء تجي تضيع وقت وتروح


up 6 down 7
التركي 1403 13
قبل 3 سنه و 9 شهر



ياخوي معي سياره غيرها مافكرت فيها بس انا بعد شهرين وهي واقفه قريت انه غطا رديتر وكذا 
اصلا المرسيدس ماينفع للبلد والصيف 


up 1 down 2
i6rb_ 163
قبل 3 سنه و 9 شهر



هذا هو نفس المرسيدس اللي قبل فترة تقول كنت تمشي 180 وعطيته الدعسة الثانية ورد القير للثاني

وانطلق ومدري وشو ويوم قمت استهبل عليك مسحت الموضوع ؟؟؟


up 3 down 3
التركي 1403 13
قبل 3 سنه و 9 شهر



ما مسحته موجود الموضوع كان ماشي 160 ورجع بالثالث 

منت مصدقني اكتب باليوتيوب 
اثبات تسارع مرسيدس 560 شوف قوه قيور مرسيدس 
الله يهديك بس


up 1 down 1
i6rb_ 163
قبل 3 سنه و 9 شهر



لا يا حبيبي تقول رجع للثاني بلاش كذب اذكر كلامك ويوم ضحكت عليك قلت مدري يمكن رجع للثالث


up 1 down 4
التركي 1403 13
قبل 3 سنه و 9 شهر



بعدين ترى كل السيارات على سرعة 160 تدعس لها ترجع للثالث عادي خصوصا القيور 4 نمر

عادي ترجع للثالث حتى الكورولا والفوردات والشفرات والجموس و كل السيارات 

وش دخل قوة القير بأنه يرجع للثالث على سرعة 160 ؟؟؟


up 2 down 0
التركي 1403 13
قبل 3 سنه و 9 شهر



ادري انا كنت احسبه الثاني 
طلع الثالث آسفين ياصاحب السمو 


up 3 down 1
i6rb_ 163
قبل 3 سنه و 9 شهر



فرقت معك الحراره لني شفت اول صوره تعدت النص80  والثانيه بنص الحراره اشوفها طبيعي بمرسيدس والخط الاحمر هذا خطير وصل درجه الغليان 


up 0 down 1
سكودر 14938
قبل 3 سنه و 9 شهر



لا عاد تحسب مره ثانيه

المشكله رجعت لموضوعك قبل شوي لقيتك معدلة ولكن الردود فضحتك 

انك كنت تمشي 180 ورجع من الخامس للثاني 

غير كذا من قالك الـ560 انه 5 غيارات

560 هو 4 غيارات حتى بعدد نمر قير سيارتك ما تدري عنها 


up 0 down 0
التركي 1403 13
قبل 3 سنه و 9 شهر



والله ياسكودر كانت اعلى بشوي بس عدت على خير وحلينا ألمشكله 
اول يارجال مايمديك تروح البقاله والمويه بالارض 


up 0 down 0
i6rb_ 163
قبل 3 سنه و 9 شهر



يابن الحلال خلاص انا كذاب احب الكذب تراك اقرفتنا بكل مواضيعي جايني 
انا كذاااب ارتحت العين اعوذ بالله حشري 


up 4 down 1
i6rb_ 163
قبل 3 سنه و 9 شهر



جميع السيارات مافيها شيء المشكلة في الصيانة الدورية
إلتزم بالصيانة الدورية
إلتزم بالصيانة الدورية
إلتزم بالصيانة الدورية
إقرأ كتيب السيارة مضبوط
أذكر شريت بي إم دبليو موديل 93 استخدام ياباني
زيت سوبر شل العادي أغيره بعد 6000 كيلومتر يتعجب عامل البنشر من نظافة الزيت
وانا كل اسبوع الرياض القصيم القصيم الرياض والبنشري مايصدق نظافته بعد ضرب هذه الخطوط كل اسبوع
المكيف في القيض على أقل درجة برودة بنصف الخط أطفيه من شدة البرودة
كنت أدعي للياباني صاحبها الأول أن الله يوفقه ويحفظه من كل قلبي
المشكلة في إستخدامنا نحن
والله العظيم يا جماعة كان عمري 17 كنت أطعس بفورد ماركيز موديل 89 خليجي .... بلادت المراهقه
وأقول ليش حرارتها ترتفع وهو التماتيك حق المروحه خربان من التطعيس والهبال والتراب
صدامها حديد قوي امزح مع الربع أدف سياراتهم على طول الشارع مايوقفني إلا الدوار
عندي أخوي أحسنت له وهو صغير ويبي يرد لي الجميل وهو كبير 
غير زيت اليوكن حقي مع الفلاتر والسيور وجميع القطع الإستهلاكية ونسى سير المكيف الصغير
اللي يجي تحت سير المكينة وانا ماسك خط شوي وينقطع معي لكني امديت عليه وغيرته جديد GM
المشكلة فينا حنا وطريقة الاستخدام والفك والتركيب على البركة اللي يجيب المصايب
واللي يرقى الأرصفه ويقول ليش السيارة تحذف
واللي يكشت بالبر على كابرس وكامري ويقول ليش السيارة فيها أصوات قربعه
ولا شوارعنا الحمد لله والشكر
واللي يعطس على كورولا



up 3 down 2
ع ب د ا ل ل ه ا ل ح ر ب ي -71
قبل 3 سنه و 9 شهر



حتى غطا البنزين لا احد يستهين فيه 

او شي يصير لك تولع لمبه تشيك انجن او المكينه ....والبادي اظلم:)


up 2 down 1
sehly11 642
قبل 3 سنه و 9 شهر



على العموم الموضوع للفايده 
وشي صار معي مانقلت شي 


up 0 down 0
i6rb_ 163
قبل 3 سنه و 9 شهر



هههههههههه والله التركي ده مصيبه شكله ياكل لحم ابل ليل ونهار ماينسى الماضي نهائيا ويقعد يعابط وياكل بالواحد والله التركي ده رهيييب بجد
وياراعي الاعلان الحمدلله ان مشكلتك انتهت بغطاء ولا كبرت عن هذا الشئ


up 3 down 4
احمد شريف 3209
قبل 3 سنه و 9 شهر