أضف سؤال أو موضوع جديد          

شباب عندي مشكلة في المرسيدس s320 أفيدونا يا أهل الألماني

up 1 down 1
زمن العجاج 7
قبل 10 سنه



السلام عليكم ورحمة الله وبركاته








أخواني شريت مرسيدس 97 s320 وسافرت عليه تقريبا قطعت مسافة 700 كيلو وصلت البيت وقفت وأخذت نصف ساعة ورجعت أشغل الموتر أشتغل عشقته في D مشيت شد معي الموتر وبعدين هجد نزل أمبير الضغط أدوس بنزين للأخر ما فيه فايدة لا صوت ولا يحزنون يمشي تقريبا 10 وقفت وحطيته في N قلت أجرب الدواسة يمكن خربانة طلعت شغالة أدوس يرتفع أمبير الضغط وكل شي تمام أعشق الموتر ودز يقوم معي وأول ما يلقط النمرة التعشيقة الأولى يهجد وتنزل أمبيراته ويقوم يمشي شوي شوي وأنا أضغط دواسه البنزين للأخير وما فيه فايدة يا ليت تلحقوني يا أهل الخبرة وش المشكلة وش حلها و يا ليت تلحقوني بمركز متخصص في تصليح المرسيدسات الشبحات في الرياض







إبلاغ إبلاغ



الردود


اسال الله ان يعينك وتكون المشكله بسيطه عندك

بصراحه انا حصلت لي في مرسيدس موديل ٩٢  كان ما يتعدى سرعة ٨٠  ابدا 

وبعد الفحص والخساير  لان بعض الميكانيك يسوي تجارب على حسابك ،،،  في النهاية طلع الكومبيوتر  ،، واخذته تشليح  ب ١٥٠٠ ريال 




up 0 down 1
بانوراما2014 63
قبل 10 سنه



حصلت لي مثل مشكلتك مرتين 
الاولى نفس هرجتك بالضبط تدعس بنزين الامبير يرتفع والسيارة ولا احد عندك 
والثانيه 
تدعس بنزين ويرتفع الامبير وتطفي السيارة 
وكانت كلها بسبب الطرومبة حقت البنزين 
مشكلة ال97 انه كهربته معقدة 
لكن مافي مانع تشيك على الطرومبة 
لما تفتح السوتش تسمع صوت زززززززز وبعدين يسكت ولا ما تسمع 


up 1 down 1
ms3al 1784
قبل 10 سنه



اخي الكريم أنا قد صارت معي عندك دبه التلوث 


up 0 down 1
تبوك١١١١١ 11
قبل 10 سنه



صفايه طرمبة بنزين هاذي هي الشبح 


up 1 down 1
سمرمد 234
قبل 10 سنه



شباب قبل نصف ساعة طلعت له وشغلت ومشيت زي الحلاوة مشى ولا كأنه حصل شي يمشي 140 غريبة قلت يمكن أحتر لما دقيت فيه خط الحرارة كانت تحت ال 90 بشوي والمكيف ما طفيته من حركت 700 كيلو غير الوقفات يكون شغال ما أطفيه

والمشكلة عندي سفر بعد كم يوم 1000 كيلو وخايف يعمل معي نفس الحركة أنا في الرياض تعرفون ورشة ممتازة في الرياض خاصة بصيانة الشبح راح اسوي تصفية مكينة للاطمئنان وش رايكم


up 1 down 0
زمن العجاج 7
قبل 10 سنه



علشان تتطمن اكثر افحصه كمبيوتر بما انك بالرياض بالصناعيه القديمه مخرج 17 او مرر على ورشة الصيخان وهذا رقم ابو مصطفى رجل عنده امانة نادرة هالوقت كلمه ويقول لك كل شي ويوصف لك مكانه اذا بغيت تروح له 
جوال رقم 0506436841
وانصح تكلمه قبل الرجال انا اتعامل معه من سنوات وموفق خير


up 2 down 1
بنزاوي 22
قبل 10 سنه



حبيبي القير يفصل عندك بسبب الشريحة مو زي ماذكرو الشباب ابد ما احترامي لهم 


up 2 down 0
benz lover -78
قبل 10 سنه



انا اشوف انك تسمع كلام benz lover وتشيك على شريحة القير


up 1 down 0
ms3al 1784
قبل 10 سنه



عيدكم مبارك جمميع


بما انكم خبرا المرسيدس  لو سمحتو شيرو علي انا ناوي اخذ شبح او فياقرا واخليها حقت دوام بحكم ان دوامي 70 كيلو رايح ومثلها جاي يوميا

فشيرو علي بموديل كويس مافيه عيوب او اعطال 


up 0 down 0



مبارك علينا وعليك يالغلا انصحك تبعد عن المواتر القديمة هذي مع اني جربت الشبح والفياقرا والبانوراما وكثير من المرسيدسات 

واذا تبي مرسيدس حصراً خذ لك شبح 98 حجم 500 او فياقرا اي موديل حجم 500 صبور ويتحمل واسعار القطع الفياقرا اهون لانها متوفرة اكثر من الشبح اللي قطعه بدت تنقرض 


up 0 down 0
benz lover -78
قبل 10 سنه



حصلت معي من قبل سنين في شبح 92 300 و طلع من الثروتل بدي و ضبط بعدها حتى العزم صار افضل و مشاكل كثير راحت بعد تغيره و بعدها بفترة طويلة سار يعلق على نمرة الاولى للاخير و بعدين يعشق طبيعي  و طلعت من البطارية و غيرتها ورجعت السيارة تمام وبعت السيارة بعدها بزمن


up 0 down 0
mb 320 195
قبل 10 سنه



فيه ورشه الصيخان قريبه من الكليبي لقطع الغيار بالصناعيه القديمه اردني اذكره قبل 4 سنوات
اجور الايدي برخص التراب موب مثل السواريه الحراميه وامين ..

بالنسبه لمشكلتك اتوقع من حساس الهواء او الثروتل او من الليات حقت الهواء

بالنسبه لوضع الصفايه ووو مااتوقع منها شغلتك لها دخل بالهواء ودخوله


up 0 down 0
khaled3224 284
قبل 10 سنه



هذي المشكله قد صارتلي  بالظبط يوم زبط السياره ويوم تخرب وكنت اذا هزيت السياره تزبط معي
حتى الكمبيوتر ما


up 0 down 0
moath707 105
قبل 10 سنه



ماقدر يعرفها  الي يقولي غير البوابه والي كمبيوتر والي منظم الدعسه 
في النهايه وديتها عند سوداني فنان امين قلتله انا تبهذلت  قعد يظحك 
صلحها لي في نص ساعه 
طلعت المشكله من سلك خارج من الكمبيوتر يفص ويشبك مع المطبات والحفر 
ركبه مزبوط والى يومك ماطلعت المشكله من ٤ سنين 


up 0 down 0
moath707 105
قبل 10 سنه