أضف سؤال أو موضوع جديد          

سفرتي الى المانيا

up 15 down 8
سكودر 14891
قبل 3 سنه و 4 شهر



السلام عليكم ورحمه الله وبركاته  

 نبذه عن سفرتي الى المانيا  وصور خفيفه  ومعلومات اكتسبتها بسيطه  

  اول نزلت موضوع قبل فتره عن شرايح اللمانيه كنت بسافر وتوهقت  بس لقيت الحل والله الحمد  شريت شريحه اللمانيه   رخيصه  واستمتع فيها 

  طبعن اول ماسفرت  وصلت للمانيا  رحت لمدينه اسمها ميونخ واخذت اشتراك في القطار هذي مدينه  رايقه وصغيره  وفيها مطاعم عربيه وفيها  شقق وفنادق  اغلب الي في الرسبشن مغاربه  وعرب يتكلمون عربي  وانجلينزي  

  بقلولكم عن شعب  اللمانيا يحبون الي يتكلم لغتهم الاللمانيه  

 بنسبه للسكن  فيه الغالي مره وفيه المتوسط مافيه شي  اسمه رخيص  مثلن بعض الفنادق بيوم 200 يورو بدون فطور وغدا

 بنسبه للاكل مثلن الشورما سعرها 4.5 يورو يعني تقريبن 19 ريال او 20 ريال 

  تعرفت على شخص ابو محمد   في مدينه ميونخ من اهل الشرقيه ويازين اهل الشرقيه اهل طيب وفزعه  ومافيه قصور عن باقي المدن والقرى 

 ماقصر ابو محمد فزع لي اكثر من مره مره ضعت   بين القطارات ومحطات  لحسو مخي هذا يروح وهذا يجي  وقلت مافيه الى ابو محمد ^_^ وماقصر ومشكله  يوم ضعت  كان شقتي تبعد عني شارعين بس  وماقصر ابو محمد جاني ووصف لي المدينه وقال المدينه صغيره وتعرف كل شي 

 والله الحمد الله   تيسرت كل اموري وخلصت الدوره  وان شاء الله لي زياره ثانيه في اللمانيا 

 اكيد الواحد  خصوصن اول مره يسافر دول اوربا يقول نظامهم غير عن نظامنا في المحلات والبيع لا ياحبيبي مافيه شي اسمه نظامهم ونظامنا فيه اماكن يبعون فيها حتى العرب وتحصل كل الي تبيه شواحن جولات شرايح مطاعم 

 طبعن المحلات تسكر بدري في ميونخ لن مادري عن المدن الثانية زي برلين مادري عن نظامهم  انا اتكلم عن مدينه موينخ 

 واخر شي انتبهو من بعض الجاليات العرب فيه نصهم حراميه وفيه نصهم طيبين عاد النصاب واضح من شكله تعرفه انت من كلامه وسوالفه الكثيره وواضح انه واحد بينصب عليك هذا قله عن اذنك 

 واخيرن وصلت الخرج بلدي الحبيب ^_^




















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافية يابعدي 
وماشاءالله على الاوريون الا اخر صورة كاأنها في وطننا الغالي
المرة الجاية خذني معك المانيا خلنا نغير جوو
اقولك كيف الكوامري عندهم ماشفت شي 6 سلندر 2009 فل الفل XLE ههههههههه
الله من ناس بتنجلط من هالجملة
هل كوامريهم تختلف عن الامريكي


up 8 down 5
الرفاعي33 13823
قبل 3 سنه و 4 شهر



هلا حبيبي الرفاعي لله يعافيك ابشر بسعدك المرات الجايه   لا شفت اكسنت بس شكلها متطور افضل الي عندنا ونسيت الجوال يشحن وماصورتها 


up 1 down 0
سكودر 14891
قبل 3 سنه و 4 شهر



مشالله تبارك الله 
ماقلت وش الاجراءات المطلوبة يعني لازم فيزا ولازم تسوي مقابلة شخصية مثل نظام الي بيطلع امريكا عشان ياخذ الفيزا لاني ماقد طلعت ابد حدي للخليج


up 1 down 2
شويخ من أرض مكناس 2813
قبل 3 سنه و 4 شهر



شاقح اكيد لزم فيزا  تقعد اسبوع على ماتخلص انا  عطيت اوراقي خويي لن هو طلع معي وهو من سكان الرياض راح  لمكتب بحي السفارات بالرياض وخلصها  لنا كامله  واخذت اسبوع  ممكن علشان الزحمه مادري والله 


up 0 down 1
سكودر 14891
قبل 3 سنه و 4 شهر



ماشاءالله تبارك الله 
بس احلى شي في المانيا السرعة مفتوحة 
كان خذيت لك E63 وطيرااااااان ... 



up 2 down 1
medoo_m6 136
قبل 3 سنه و 4 شهر



اهم شي الصوره الأولى معرض سيكلات يا كثرهاااااا لا يشوفونها بزاريناااا ههههه
سفره سعيده والحمد الله على السلامه وعوداً حميداً. 


up 1 down 0
nasser 7868 143
قبل 3 سنه و 4 شهر



الحمدالله علا السلامة
بس ماقلت كم كلفةً الرحلة 


up 0 down 0
باترول 2020 2447
قبل 3 سنه و 4 شهر



اول شي الحمد لله على السلامه وحياك الله 
ثانيا 
وين صورك اللي مع اللاعب روبن  وسبايتشايتن تايقر 
مدري وش اسمه اهم شيء أني قربت 
 ----
الصراحه اخر صوره ابداع مع احترامي للكامري 


up 1 down 0
bssam13 250
قبل 3 سنه و 4 شهر



ياخي وخر صوره التمثال وضعه مو لايق بين الصور ههههههههههه


up 2 down 0
الوافي62 345
قبل 3 سنه و 4 شهر



ما شاء الله تبارك الله

الحمد لله عالسلامة ياسكودر

اتمنى تكون استمتعت بالاجازة.


up 1 down 0
فانتازي 1771
قبل 3 سنه و 4 شهر



حمد لله ع السلامه  


up 0 down 0
بن حمد s 41
قبل 3 سنه و 4 شهر