وش تنصحوني بانوراما او bmw 2015 وشكرا

معك حدود 200 الف تشتري فيها سيارة و تفكر بخرابات

اللي يشتري النوع هذا من السيارات يكون عنده المقدرة على الصيانه بشكل مستمر

يعني سيارة عاديه شعبية ممكن تصرف عليها صيانه بالسنه 500 الى 1000 ريال 

سيارة مثل هذي تصرف عليها 10 الاف صيانه سنويا

الا لو بتستخدم بعقل ولا تفكر بصيانه دورية وخرابيط ولا تصلح الا لو خربت

لان الناس عندهم وسوسة الصيانه الدورية بدون اي فائدة

خذلك اكسنت عملية و م تخرب 

عندي بي ام دبليو 2011 

من أقل السيارات تحتاج صيانة 

بعدين صيانتها مجانية الين 120 الف 

عيب ال 730 عزمها لك عليه شوي 


باقي الامور طيبة 

في نقطة لازم تعرفها كفراتها رن فلات غالية

إذا مستقبلاً بتركب كفرات عادية ما عندك مشكلة 


تحياتي 

كلهن طيبات والخط يشهد بس الخوف من الخربات 
تخاف يخرب شي بها ثم تبلش ماحد يعرف يصلحها 
لك والله يجيب لك الخير والطيب لك

انا معي 2014 نظيفه مره من المرات علق علي القير وهي بارده لمدة دقيقتين وظبط والحين بعتها قبل فتره اذا كنت مرتاح على البانورما نصيحه شي تعرفه ولا شي ماتعرفه 

مافكرت ب200 الف تاخذلك موتر جديد
فولفو لينكلون مرسيدس فئة E كرايسلر والوكالات مليانة 

طالما ان معك بانوراما أول معناها ماشاء الله انك مرتاح مادياً وقادر على صيانة البي ام او البانوراما


ولعلمك البي ام عليها صيانة مجانية حتى 100 الف او 120 الف منيب متأكد بالظبط بس خوينا كان معه 2010 730 وصيانته مجانية وجلده خطوط ولا يحمي ثلاث سنوات وماشاء الله صامد معه يوم خلصت صيانته باعه لأنه ماشاء الله مرتاح مادياً وخذ الجاكور حق اخوه



وبعدين مع احترامي للشباب اللي يقولون اخاف يخرب فيها شي ومحد يعرف لها ، ياحبيبي السيارات من النوعية ذي حتى لو تجيب اطلق ميكانيكي لاتصلح عنده مالك الا الوكالة بتقول غالين لاتشتريه هالمواتر مافيها مزح تتعبث تسوي شي يتعطل الموتر بكبره ولا يضرب كمبيوتره ويجيه شي ، خوينا باعوا بي ام على سوري جلس معه كم شهر واحترق البي ام مدري وش تعبث فيه وقبع الموتر





مهيب كامري هي ولا سوناتا بقدر اشوف ذا الورشة يزبطها لي


خلاصة الكلام ياصاحب الموضوع مرتاح مادياً وحال فوق الممتاز الله يزيدك اشتر ، وسعره مررررة زين لأن اخبره وكالة بحدود 250 الف على ما اعتقد يعني سعره مرررة مغري بس افحص في الوكالة قالوا اوكي وكل الله

ابراهيم
فيه شغله انا لاحظتها

يجيك بعض الشباب اول مايتوظف يطقله بقرض وقدره
ويحطه في مرسيدس مديله حديث بس مستعمل
طبعا مايقدر ياخذه جديد بس يقدر ياخذه مستعمل لان اسعارها تنزل بفارق كبير
ومايكمل معاه فتره والا يرجع يبيعه
لاهو اللي يقدر على صيانة الوكالة ولا الورش برى تعرفله

فالناس اللي تقدر على هذي السيارات اصلا تشتريها جديدة وتصرف عليها بدون تفكير

عليك بالبي ام موتر شييييييخ البانوراما صار شكلها ممل خلاص انا كان معي بانوراما 350 بعتها وشريت بي ام حوت والله انها اطلق من الف بانوراما والفحص عند الشراء اهم شي عشان لا تطيح بشي مهلوك وتسب الالماني واللي جابه 

خذ لكزس ls اهون منهم الثنتين 
في الصيانة وقطع الغيار 

البي ام 2015 عليها عرض بسب نزول الشكل الجديد 2016

بسعر 210 الى 220 اصفاررررررررررر

وعند شركة برزان بي امات 2014 ولكن استاندر لارج 730 ب 150 الف السياره الوحده ممشاه مابين 30 الى 40 الف

موفق عزيزي