مسجل الشبح مقفل وش الحل ولا يقبل الرقم السري

افصل الكهرباء عن المسجلة اما من الفيوز او من خلال السلك الواصل مباشرة من البطارية حتى يتم فرمتت الذاكرة ثم اوصلها ودخل الرقم السري الصحيح 

يا بن حمد s اذا كنت في جده روح  كيلو 2 محل اسمه حسنين مختص مسجلات لكزس و مرسيدس   ما حد غيره يعرف لها 

يعطيكم العافيه علي الردود .....

   فصلت  كيبل  المسجل  وفصلت البطارية للأسف. مافيه فايده نفس المشكله. المسجل مقبل. ولا يقبل الرقم. السري.  .. 


   شكرًا لك. انا من  الرياض 

لازم تكون حافظ الرمز السري للمسجل 
اذا ماتعرفه لاززم تفك المسجل وبرنامج يعني الأفضل انك تروح ل محل مسجلات 

اذا شفت السعر غالي غير المسجل ب مسجل سوني ولا شي ارخص 

بعدين صور شكل المسجل لان مسجلات الشبح غير 

اكتب الرمز 
واضغط على اللي يحرك لين يشتغل 
انا بسارتي فيه اثنين انالوق 
اضغط اللي يمين ويشتغل 

ضغطه مطوله مو ضغطه عاديه 
اضغط لين يفتح 

شكرًا علي الرد  انا اعرف الرقم السري والشاشة  الان  خطوط  ( - - - - -  )  
ادخل الرقم السري الصحيح  ومايقبل يعني مقفل المسجل والسبب دخلت الرقم السري اكثر من مره غلاط  

للتوضيح اليوم أصور المسجل  

أخي الكريم بحثت في النت  واليك الرد """"""""
:::اما للناس اللي جربو حظهم ودخلو كود غلط 3 مرات 
فـ يتقفل المسجل عليه قفل كامل 
فـ ماله الا الوكالة و حكمهم عليه << اللي له نفس الحاله هذه 
يروح يشتري مسجل جديد من افضل الانواع في السوق احسن له بمليون مره من انه ينتظر رد الوكالة الام و تأخرها 
او يزيد عليها 2000 ويركب شاشة ,,,
--
من خلال تجربتي في سيارتي القديمة ( مرسيدس شبح موديل 2001) 
اتقفل المسجل 
و دخلت الكود غلط 3 مرات 
رحت للوكالة و طلبو 1500 ريال قيمة الكود الجديد مع انتظار شهر ,,, 
ما عجبني الوضع 
فـ رحت لـ شخص يفهم جدا في هالأمور 
فك لي الديكور بالكامل 
و فك المسجل 
و اخذ السيريل نمبر حق المسجل (على ما اذكر 12 رقم تقريبا)
و دخله لكن ما اتفعل 
فـ خلى السيارة شغاله لمدة 24 ساعه متواصله (سوى ريستارت لكمبيوتر السياره و هالـ عملية تاخذ لها 24 ساعه ) 
وبعدها دخل الكود مره ثانيه و انحلت المشكلة بتكلفة فك و تركيب الديكور بـ 650 ريال ... 
هذا التعقيد كله لحماية السيارة و المسجل من السرقه 
بالنسبة للأخوان اللي يقولون تحصل كود التفعيل خلف المسجل 
هذه الطريقة قمة في الغباء (الوكالة اخفت الكود لـ خوفها من سرقة المسجل كيف يطبعو الكود ورا المسجل ؟ يعني الحرامي اللي بيسرق المسجل يحصل الكود موجود عليها و انتهت المشكلة ويستفيد من المسجل 100% فـ ما انصح بتجربة هالطريقة نهائيا ) :(
لكن
تجربتي مع المرسيدس ما اظن انها تنجح مع السيفيك او الهوندا بشكل عام 
لأنه السيريل نمبر حق المسجل فيه رموز و ارقام (سيريل الشبح فقط ارقام )
و ما في اي زر في المسجل يتيح لك ادخال رموز او حروف ,,,




---
ان شاء الله اكون افدتك في هالأمر :o
و تنتهي مشاكل الاخوان مع اكواد المسجل بعد هذا الرد 

عن تجربة كان معاي مرسيدس وصار معاي نفس المشكلة 

اذا كنت بالرياض عندك شمال شارع الغرابي فيه مركز اسمه بوش 

يضبط لك الكود بـ 300 ريال هذا الكلام سنة 2000 م

ما اعلم الان كم السعر 

ههههههههههههههههههههههههه 24 ساعة السيارة دايرة ؟!!

هههههه  ****انا نقلت الرد عن النت ***فعلا استغربت ليه 24 ساعة السيارة دايرة حتى يقدر يفتح مسجلة *** 

انا صارتلي نفس المشكله مع سيارتي الجولف 
اشتريت مسجل من التشليح من النوع الحديث وما كنت اعرف الكود
فتواصلت مع بايع في موقع امازون رسلتله الرقم التسلسلي بخلف المسجل وخلال 5 ساعات رسلي الكود 
وكانت تجربه موفقه واخذ 150 ريال اتوقع 

الان الكود عالمي خصوصا بالمسجلات الحديثه ولو رحت الوكاله يطلعونه لك بس ياخذو مبالغ كبيره 

وعليكم السلام ورحمة الله وبركاته

ان شاء الله تلاقي حل لمشكلتك 

تذكرت موقف لي فحبيت اشارك ''

انا شريت فرخ شبح من جده في عام 2004

طبعا المسجل كان مقفل وماعرفت له ومادري اصلا ان له رمز كود
احسبه خربان
المهم .. روحت للبيت ومافكرت اغيره وبعد مرور 6 شهور تقريبا
فكيت الدفتر اللي بالدرج وقعدت اشوف وش فيه 
لاحظت انه فيه 4 ارقام بورقه صغيره داخل الكتيب محاطه بغلاف نايلون
في نفس الكتيب
قعدت اناظر واسأل نفسي ليش هذا الرمز
في اليوم الثاني مريت ورشه فيها سوريين اسألهم عن هذا الرمز
قالولي هذا الرمز حق المسجل
جيت وادخلته في المسجل والا وهو شغال مثل الحلاوه

جلست اضحك على نفسي والله
اكثر من 6 شهور وانا بدون مسجل بسبب رمز 

تحياتي ...

السلام عليكم واعتذر ياجماعه الموضوع قديم بس اليوم صارت لي ب شبح 97 وتوهقت الي عنده كتالوجات الوكاله ترا تكون موجوده فيها من غير لاتفك ولا شي