كثرة الحلف بالبيع و الشراء

26 29

لايمكنك التصويت حتى الحصول على 20 نقطة على الأقل
إضغط هنا للإخفاء

التركي 1403 17
قبل 9 سنه

السلام عليكم ورحمة الله وبركاته

صار لي فترة ادور على سياره بديله للكابرس

لانه ما ناسبني قساوته داخل المدينه لكن بالخطوط حليوه

لقيت شبح 97 حجم 320 ابيض نظيف و استفسرت عنه يقولون ما عليه ماهو ثقيل

مثل الموديلات السابقه 95 و تحت كان القير 4 غيارات و المكينه اسلاك بواجي

لكن 97 و 98 اصبح مثل قير الفياقرا 5 غيارات و المكينه كويلات تجي اقوى بكثير و صوت انعم

المستشار عندي بالمرسيدس هو العضو benz lover

ازعجته كل شوي اتصل فيه ما قصر لابد استشيرة بالنوع هذا من السيارات بالتحديد

المهم قابلت راعي الشبح من جنسية عربية المشكله عنده بكثرة الحلف

حتى انه يقول بحق هذا الشهر الفضيل حسسني اننا برمضان 

السياره كانت ناعمة و فعلا نظيفه ولكن كثرة الحلف ما تريحني فيه و كان طالب 28 الف

و لقيت عنده جيب BMW ناسي موديل كم لكن اعتقد كان 2003

يحلف لو ينزله المعارض يجيب 32 بالراحه و هو طالب فيه اللحين 25

ليش ما ينزله المعارض طيب ههههههههههههه

المهم تركته  و دورت بموقع حراج لقيت مرسيدس ابو عيون موديل 99 حجم 320E

طبعا ابو عيون 320 يجي حلو اقوى من الشبح نفس المكينه بحكم الوزن والحجم اقل

لكن كان رافع السعر طالب 26 الف

لكن السياره ما شاء الله ناعمة و جدا ممتازة لكن سعره غالي

هي تنفع تكون بديله للومينا ولكن بديل الكابرس ابي شيء يكون واسع اكثر بحجم الشبح

لقيت فياقرا و جربت كم يوم ما ناسبتني 

بالاخير قلت عشان تكون الفلوس جاهزة لأي سياره احصلها بعت الكابرس

دورت شبح ما لقيت الا غالي

بعضهم يطلب 45 الف وش عليه ما تدري

المهم دخلت قسم الكابرس لقيت 2007 SS لون اسود بالمدينه

السياره انفتح الكبوت عليه وهو يمشي و كسر الزجاج و فتحة السقف 

و كلمته يقول مسيوم 18 وهو حده من الاخير 20

كيف المحركات قال ممتازة 

فحص استمارة كلها جديدة

قلت برسل لك واحد يشوفه بالمدينه لكن ما رد الرجال

هالكلام كان الساعه 11 قبل الظهر

قالي العصر لو ما بعت بوديه الصناعية و بصلحه

انا شفت سعره مناسب ما جاه حادث مجرد انفتح الكبوت اغير الكبوت كامل و انتهى الموضوع

و الزجاج و الفتحه اغيرها وحتى لو ارجع ابيع السياره سعرها ما يقل عن 30 الف

يعني ما بخسر فيه

المهم قلت ما فيه احد يشوفه و كلمت الرجال قلت بحرك لك المدينه اللحين

لكن اذا بتنام او شيء علمني عشان ما اتعب نفسي لاني جاي عشانك وراجع

قال ما عليك تعال

المهم حركت له وشفت السياره وهي واقفه وشغاله 3 دقايق تقريبا و قلت له شريت خلاص

رغم انه حسب نظري الداخليه نظيفه و مرشوش كامل سابقا قبل فتح الكبوت عليه

و باب السائق الجلد حقه من الداخل كامش واضح انه اثر حراره قوية

اعتقد فيه سياره او شيء احترق جنب الكابرس و اثر على باب السائق من الحراره العاليه

المهم ركبنا اللومينا واتجهنا للمعارض عشان نتكاتب

طلع الاستمارة منتهيه عنده 

على طول قال انا ما احب الهجولة وانا خلاص ما ابي ابيع وحالته حاله

قلت له جايك من جده و لا فحصت على السياره ولا شيء

و فلوسي معي كاملة وهو اخذها وعدها بالمعرض سلمته الفلوس

قبل ما يقولنا المعرض الاستمارة منتهيه

الفحص ساري باقي يعني تجديد عن طريق ابشر او اي مكتب خدمات و انتهى الموضوع

لكن الورع ورع ما يقدر المسافة اللي جايه عشانها وحتى لو كنت من سكان المدينه 

الخطأ خطأه هو المفروض يتحمل النتيجه ويجدد ما يقولي ما احب الهجوله و كلام فاضي

طلعنا بالسياره ندور مكتب خدمات وحنا بالطريق قام يسوي نفسه متضايق وحالته حاله وما وده يبيع

وعند الاشارة اخذت الفلوس منه و نزلته عند الاشارة ومشيت

دخلت موقع حراج قسم الشبح لقيت 97 حجم 500

كلمت راعيه كيف السياره قال تعال شوف افضل

رحت له ركبت وطلعت جربت ماشاء الله متماسكة و نظيفه 

دعست لها كم مره جدا ممتازة و العزل رهيب

صوت و تبديلات القير ناعمة وناسبتني

التجربه ممكن 5 دقايق و رجعت للرجال قلت له شريت 

لانه عطاني السياره وحدي و اللومينا واقفه عنده

تفاصلنا على السعر لاني لقيت فياقرات بسعر رخيص ارخص من الشبح

لكن ما تناسب ما تحس السياره فيها متانه و عزل مثل الشبح

المهم شرينا الحمد لله

رجعت جده باللومينا وثاني يوم رجعت المدينه مره ثانيه اخذت الشبح

و مسكت الخط و ما شاء الله ما يحتاج مثبت السرعة على 200 والعزل ما يحتاج

و ملفات على الخط السريع كبيرة طبعا لكن باللومينا اكون امشي 180 وقبل الملف ارفع رجلي

عن البنزين توصل 160 وانا ماخذ الملف

لكن الشبح ماشاء الله مثبت السرعة على 200 ولا افصلها ولا شيء تاخذ اللفات بكل اريحيه

ماشاء الله الابواب الشفط شغاله 4 كلها و متماسكة السياره

و اللي افكر فيه اغير لونه ابيض كامل 

اللون الابيض على الشبح ممتاز

رحت الصناعية امس تتراوح الاسعار بين 4 الى 5 الاف 

قلت استخدم السياره فترة لو شفت ما فيها مشاكل ولا شيء وقتها اخسر قيمة بويه ماهي مشكله

المهم السياره ماجاها حوادث ووقفة الشبح النظيف لازالت بنظرة السياره ماشاء الله
__________________________________

ملاحظه اخيرة

متابعيني بالسناب شات

كثير يتابعوني من الموقع و من خارج الموقع

كثير عطيتهم حظر ما ادري من الموقع او لا

ولكن سواء من المنتدى او خارجه فهم يستاهلون البعض يتابعك عشان ينتقدك او شغال نصايح طول الوقت

ما عجبك كلامي او سناباتي او حياتي لا تتابعني وريح نفسك 

إبلاغ

الردود