أضف سؤال أو موضوع جديد          

بداية انتشار السيارات في القرى

up 19 down 7



السلام عليكم و رحمة الله و بركاته .
حبيت احكي لكم في هذا الموضوع عن بداية ظهور السيارات في ديارنا قبل اكثر من 50 سنه  مثل ما سمعت من شياب كبار عاد انا احب سوالفهم  يحكون لنا أنه زمان كان إذا جات سياره يشوفون انوارها  من بعيد وكان الطريق رملي و تنزل اوديه و طريق الله لا يوريكم كيف صعب و كانت السياره تجي يوم في الاسبوع محمله ببضاعه للسوق لان الاسواق كانت كل يوم في ديره و ما يعرفو الا اللوري لان ما توصل سياره غيره و  اللي بيسافر يروح لاقرب منطقه و يحجز له مكان و كان سعر الغماره مع السواق اغلى من الصندوق و ياخذ السفر  مده طويله يحسبوها بالايام و الاستراحات على الطريق  من سعف النخل  ما كان فيه باصات و لا سيارات صغيره في الديار  و اذا قابلهم سيل يقطع  طريقهم  لان ما فيه كباري و بعدها بداء  ظهور الجيوب و كانت قليله جدا   و تفتقر لاقل اجهزة الرفاهيه بدون مكيف و لا مسجل كان فيها راديو فقط  عاد  سعر المشاوير شي لا يصدق  20 ريال  تقريبا حق سفر  1000 كيلو  و بين مكه و جده 10 قروش  و أسعار السيارات  رخيصه  بعد ما انتشرت  المازدا  كانت جديده ب 17 الف  و الكرسيدا  ب 19 الف  و الهايلوكس  ب 12 الف   و الجربوكس 4 نمر  فقط   يعني تسمع صوت المكينه تحن كانها جنبك  الان نحمد الله  سياراتنا مريحه و خطوطنا مريحه و مختصره  سفرك يأخذ منك ساعات  قليله  و توصل ما كأنك ما سافرت الحمدلله  . أتمنى تستمتعون بموضوعي  و سلامتكم       







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تصدق الموضوع طويل ومافينا خلق نقرا لكن اعطيتك لايك ههههههههههههه


الحمدلله على النعم كل شئ صار سهل عكس حياه الاوليين


up 10 down 0
كارينو 572
قبل 5 سنه



يقولي الوالد اشترى كرسيدا موديل ٧٩ ب ١٣ الف 
السيارات كانت برخص التراب


up 1 down 4
mohammed shareef 1057
قبل 5 سنه



زمن الطيبين فعلا  وذكرياتهم الحلوة


صحيح السيارات كانت رخيصة لاكن اذا حسبتها على الميزانية الحالية اما ايامها كانت غاليه 
ولا اي احد يقدر يشتريها 


up 5 down 2
shadowz33 1097
قبل 5 سنه



السيارات في ذاك الزمن ما تعتبر رخيصه...

السبب قيمه العمله..  يعني زمان كان الواحد يفطر ب قرشين (10 هلالات) بينما اليوم ب 10 ريال!!!

وكمان زمان راتب الجندي حول 280 ريال فكيف يقدر يشتري سيارة ب 13 الف ريال

زمان الي يشتري سياره اصفار هذا شيخ او تاجر ما احد قده. ..  واغلب الناس تشتري مستعمل بالاقساط وما تغير الشيء ذا حتى عهد قريب  (  اجار تمليك )


up 14 down 0
asalami 2179
قبل 5 سنه



بس ترا وقتهم ال13الف كانت ماهي بمبلغ قليل وكانت قيمه الاراضي وقتها حول ال100ريال وال150ريال


يا بلاش ارض 100 ريال 


up 0 down 1
mfh2009 347
قبل 5 سنه



الوالد الله يرحمه اول من دخل السياره بالقريه وكان هو المعروف وسيارته وقتها لوري طبعا مالحقت عليها وشفتها بس من كلام الوالد 

وكان عيشتهم بسيطته و100 ريال تعبي البيت وتخيلوا وقتها راتبه 700 حكومي وكان الخير والبركه وبناء فيه بيت ثاني وزوج اخوي 

والحين ياعيشة قشرا تنزل بالف ريال للعثيم ماتجيب لك  الاغراض كامله هههههه


up 1 down 0
aboahmed2014 1151
قبل 5 سنه