كدت ان اكون ضحيه.. ولكن الله سلم

الاولين قالووووووووووووووا

الخيل تعرف من اثمانها .

صدقت والله.. والحمدلله  

اعوذ بالله من بعض النفوس الدنيه ،،

حسبنا الله ونعم الوكيل 

الرجال خلاك تصقع مشوار مو سهل

 وتتكلف بناء علي كلامه

واخر شي نصب في نصب

اسال الله ان يمحق رزقه ويضيق عليه 

والله شي عجيب هاالبشر 

وكاله وشرط واخرتها معجون وزيت ومويه مخلوط

وبكل بجاحه يبي يقنعك تشتري السياره

اشوى انك ما انغشيت 

والله يباركلك بالسياره الجديده

الله سلمك
ومبروك السياره الجديده
يعطيك خيرها ويكفيك شرها

الحمدلله انك حصلت سياره ولا ضربت مشوار على الفاضي والله يعطيك خيرها ويكفيك شرها

الله يجزاكم خير جميعاً 

والحمد لله وهذا بفضل الله 

اللي خلاني أكتب الموضوع اول شي مشاركة وياما استفدنا 

من المنتدى 

الشي الثاني أن الواحد يبدأ يفحص بنفسه الحاجات البسيطه

ممكن أنه يكتشف عيب خطير بدون ان يخسر نفسه 

بالنسبه لي لو كل شي طلع ممتاز راح افحصها عند مركز متخصص 

لكن الحمد لله شفت هالمصيبه وكفتني لحالها

احمد ربك خسرت قليل من المال ومن وقتك 
ولاخسرت 10000 او شهر من ورشة للورشة

ياارب لك الحمد والشكر على كل حال

أحياناً الله يلطف بالعبد و أحياناً يكون اختبار وتكفير ذنوب

اخوي بالنسبة للعيار مافيها عيار زيت بعض الفئات يكون الكتروني من الشاشة بس هو غبي مايعرف 

الخلط هذا احتمالين اما مبرد القير اللي بالرديتر او الماكينة كم موديل المرسيدس وحجمها ؟؟ 

الله يعينك علي بعض البشر فعلا الكذب صار سمه ونادر تلقي الصادق
وكونك ما ذكرت اسم المنطقة الي هو منها هذا يدل علي حسن اخلاقك مع العلم ودنا نعرف من هو ومن اي منطقة
بس الحمد لله ما جاء مشوارك علي الفاضي وتوفقت ب سيارة احسن

شوف اخوي بنز انا ماعندي مشكلة لو تقول اكتروني بس اقنعني

ليش الفتحه من يمين المكينه حقت عيار الزيت اذا كان اكتروني!! 

وبعدين حتى لو مبرد قير وضح ياخوي انه فيها كيت وكيت 

وازيدك من الشعر بيت احيانا يسير الخلط بسبب وجه الراس

فقط مايكلف 600 لكن انا اتكلم عن السيارة اجمالا ماتسوى 

لابدي ولا داخلية ولا محركات غير الكلام كلياً 

الأخ الشرقيه ماركت يشهد الله اعرف ناس من منطقته مثل الذهب 

بحكم عملي السابق بالشرقيه وكلامي عن مسافة المشوار فقط

ولا الشرقيه ياقربها لقلبي والله هي واهلها وتشكر على ردك

العسل ياعسل 

كويس جاء من مشوارك فايدة وأخذت موتر ثاني 
على البركه 
أهم شي ماتسلمه عربون او شي مثل موضوع الاخ اللي قبل يومين 
سلمه ١٠٠٠ وسرقها الشريطي وهو يشوف

هذا هم الشريطية عادي عنده مغسول وجه بمرق 
نصب كذب غش اهم شي يخسرك وهو يلهف لهفته ربي لاتوفقهم

بركة الموتر :الله يعطيك خيره ويكفيك رشره 
بعض الشريطية: يحلف حلف والله يخليك تصدقه  والبعض يغررك بشكل الموتر ويقول ريحت وكاله
وترى اغلب المعارض يعلن اعلانات السياره بعد بها ريحة الوكالة  .....والله يوم انزل المعارض كاني داخل محل عطور
ويوم تروح تفحص الموتر تلقاه منتهي غير صالح للاستخدام

احرصوا يا اخوان على دعاء الوالدين لكم

انت احمد ربك سلمت اما انا كد اكلتها  بس استاهل وصار لي درس 
مرة لقيت لي سيارة يوك عارضه راعيه بالموقع برخص  وبديره قريبه لي  وادق عليه لقيته مصري  وقلت ابجي اشوف السيارة  قال  انا شغال بستشفى  وكثر الناس الي يجون يشوفون موقف السياره بمواقف المستشفى  جيت للمواقف ودقيت وجاني على بي ام دبليو  جديدة  ويوم جاء وليا ريحة العطر والكشخه وقعد يهايط انه استشاري  ومهو فاضي وانه خلاص بيمشي مصر  يقول عندي فنادق بمصر   وقلت ليه رخيص قال لأن فيه رش جمب كامل وانا الي صادم عليه وانا الي راشه  بس اناس بينحاشو منه لما يسمعو رش جمب كامل وانا رشيت عشان غيرت البابين فقط  والا السياره نظيفه جدا   ويقعد يتكلم عن الامانه والصدق وعطاني محاضرة    ويقول انا ماسرع نهائي  لأني بقسم الطواري واعتبرت من كثر المصابين  وقعد يعلمني بسالفة شاب كد جاه صاير عليه حادث وقعد يبكي 
وبالاخير  يقول انا بشرحلك سيرة السيارة شرح يغنيك عن الفحص والتجربه  وقعد يقر رق  علي يقول الصدمه تقريبا عشرة سنت  بس انا دكتور طواري  ومش فاضي سمكر غيرت البيبان جاهزة من التشليح  ورشيت الجمب عشات يتحد الون  ويقول  انا شريت على شان اني اعرف الي فكها وكاله وهو دكتور عندي بالمستشفى   وانا طشيت من سعرها عشان رش الجمب  وليش اضلم نفسي عشان زيادة 15 الف  وانا رجال منعم الله علي والله يابني حاجة ماتسوى 
وبالاخير قال انا مشغول استشاري بقسم الطواري  ولاعندي وقت فاضي لابكرة ولا بغدة ولا اسبوع ذا كله  ولازم امشي واذا تبي تخلص اليله انا اخلصك يالتلفون عند معرض  بس خوذ السيارة ورح يمه وانا ادق عليه  ومشى الفلم علي انه صادق وان السيارة يعرفها  من يوم طلعت من الوكاله وانها استخدام دكاتره   ويكلمني بكل ذمة وضمير وانه تاجر ولا قامت السيارة ولا قعدت  عنده وقلت بسم الله شريت   
ويقرط علي المفاتيح ويبارك لي ويقول رح عليه للمعرض تخلص من عنده   واخذ الموتر واستخدمته مده زي الفل بس بعد واااااقت  لقيت كفر ممسح من جهه ومار يوم رحت اكشف عليه وليا الفضايح   لقيت الصدمه الي يقول  فقط عشره سانتي على البيبان داخله الى الشاص  والشاص معدل من صدامه الامامي الى الخلفي  وغيرها من الفضايح تليؤبقيمته ذي  طش نصفها  
وبعد هو قفل ومشى مصر