كدت ان اكون ضحيه.. ولكن الله سلم
32
1
إضغط هنا للإخفاء
السلام عليكم ورحمة الله وبركاته
اشارككم اليوم بتجربه حصلت لي مع شخص مايخاف الله
ومسوي نفسه ذكي لكن كشفته بفضل الله.
وقد يرى القارئ الكريم بعض حيل النصابين لاربحهم
الله.
بداية حصلت إعلان عن مرسدس بسعر لقطه وياما وراء
اللقط مغط :) المهم عيبها صوت جنزير فقط انا بالرياض
والسيارة بالشرقيه بإحدى المحافظات اللتي لن اذكر
اسمها اكراما لأهلها.
المهم كلمت الموكل بالبيع لانها لابن عمه، وهاتك يامدح
وبودي وكاله وداخليه وكاله شوي ويقول حتى صاحبها
وكالة :) المهم تعرفون الإسلوب كان في منتهى اللطف
والرقي والإحترام، توكلت على الله وذكرت هالانسان
اني جاي من الرياض فا لايتعبني لاني بفحص لو بالموتر
عيوب ماذكرها، وكالعاده كل شي وكاله :)
ثاني يوم توكلت على الله وتوجهت للشرقيه ويوم شفت
السياره اول ملاحظة كان الصدامات جايها معجون
ومتشقق وطايح بعد، قلت بنفسي ماعليه راس مالها
صدامات، فتحت السياره إلا ريحة الغمارة تجيب الهم
وكأنها منزل للقطط.
في نظري كل هذا مايهم نشوف المكينة :)، وياعيني
على النصب والفقش اللي حيجي، اول مافتح الكبوت
ادور على عصا زيت المكينه ابغى اشوفه إلا الاخ يقول
هذي تجي بدون عصا :) شفتوا بالله!!
قلت شلون بدون عصا وهذي الفتحه قعد يصرف ومن
المهم وافتح غطاء القربه حقت الرديتر وياسلام على اللي
شفته... المويه متحوله إلى محلول اقرب مايكون
للطحينيه السائله الله يكرم النعمه وهذا دليل خالطه
زيت ومويه وعشان كذا يقول مالها مقياس زيت!!
قلت له وشو هذا :)، بارد الوجه قالي هذا محلول تبريد
هههههه ، قلت ياخي سيارتك خالطه وتقول محلول تبريد
سوى نفسه محرج وهو باين وجه بن فهره (حيوان
بالصحراء) المهم مشيت وتركته لكن هو ماتركني وهات
اتصالات بكم تناسبك كم تدفع خذها مثل ماتبي قلت
خلاص ماعاد ابغاها لو بلاش.
رحت الدمام واخذت شقه وثاني يوم نزلت للسوق والحمد
لله توفقت بسياره ممتازه من السوق.
هذي تجربة اخوكم بالله حبيت اشارككم بها للفائدة.
إبلاغ
الردود
1
1
1
1
الرجال خلاك تصقع مشوار مو سهل
وتتكلف بناء علي كلامه
واخر شي نصب في نصب
اسال الله ان يمحق رزقه ويضيق عليه
والله شي عجيب هاالبشر
وكاله وشرط واخرتها معجون وزيت ومويه مخلوط
وبكل بجاحه يبي يقنعك تشتري السياره
4
2
والله يباركلك بالسياره الجديده
3
0
ومبروك السياره الجديده
يعطيك خيرها ويكفيك شرها
2
0
2
0
والحمد لله وهذا بفضل الله
اللي خلاني أكتب الموضوع اول شي مشاركة وياما استفدنا
من المنتدى
الشي الثاني أن الواحد يبدأ يفحص بنفسه الحاجات البسيطه
ممكن أنه يكتشف عيب خطير بدون ان يخسر نفسه
بالنسبه لي لو كل شي طلع ممتاز راح افحصها عند مركز متخصص
لكن الحمد لله شفت هالمصيبه وكفتني لحالها
3
0
ولاخسرت 10000 او شهر من ورشة للورشة
1
0
أحياناً الله يلطف بالعبد و أحياناً يكون اختبار وتكفير ذنوب
1
0
الخلط هذا احتمالين اما مبرد القير اللي بالرديتر او الماكينة كم موديل المرسيدس وحجمها ؟؟
2
0
وكونك ما ذكرت اسم المنطقة الي هو منها هذا يدل علي حسن اخلاقك مع العلم ودنا نعرف من هو ومن اي منطقة
بس الحمد لله ما جاء مشوارك علي الفاضي وتوفقت ب سيارة احسن
1
0
ليش الفتحه من يمين المكينه حقت عيار الزيت اذا كان اكتروني!!
وبعدين حتى لو مبرد قير وضح ياخوي انه فيها كيت وكيت
وازيدك من الشعر بيت احيانا يسير الخلط بسبب وجه الراس
فقط مايكلف 600 لكن انا اتكلم عن السيارة اجمالا ماتسوى
لابدي ولا داخلية ولا محركات غير الكلام كلياً
الأخ الشرقيه ماركت يشهد الله اعرف ناس من منطقته مثل الذهب
بحكم عملي السابق بالشرقيه وكلامي عن مسافة المشوار فقط
ولا الشرقيه ياقربها لقلبي والله هي واهلها وتشكر على ردك
العسل ياعسل
1
0
على البركه
أهم شي ماتسلمه عربون او شي مثل موضوع الاخ اللي قبل يومين
سلمه ١٠٠٠ وسرقها الشريطي وهو يشوف
0
0
نصب كذب غش اهم شي يخسرك وهو يلهف لهفته ربي لاتوفقهم
0
1
بعض الشريطية: يحلف حلف والله يخليك تصدقه والبعض يغررك بشكل الموتر ويقول ريحت وكاله
وترى اغلب المعارض يعلن اعلانات السياره بعد بها ريحة الوكالة .....والله يوم انزل المعارض كاني داخل محل عطور
ويوم تروح تفحص الموتر تلقاه منتهي غير صالح للاستخدام
0
0
0
0
مرة لقيت لي سيارة يوك عارضه راعيه بالموقع برخص وبديره قريبه لي وادق عليه لقيته مصري وقلت ابجي اشوف السيارة قال انا شغال بستشفى وكثر الناس الي يجون يشوفون موقف السياره بمواقف المستشفى جيت للمواقف ودقيت وجاني على بي ام دبليو جديدة ويوم جاء وليا ريحة العطر والكشخه وقعد يهايط انه استشاري ومهو فاضي وانه خلاص بيمشي مصر يقول عندي فنادق بمصر وقلت ليه رخيص قال لأن فيه رش جمب كامل وانا الي صادم عليه وانا الي راشه بس اناس بينحاشو منه لما يسمعو رش جمب كامل وانا رشيت عشان غيرت البابين فقط والا السياره نظيفه جدا ويقعد يتكلم عن الامانه والصدق وعطاني محاضرة ويقول انا ماسرع نهائي لأني بقسم الطواري واعتبرت من كثر المصابين وقعد يعلمني بسالفة شاب كد جاه صاير عليه حادث وقعد يبكي
وبالاخير يقول انا بشرحلك سيرة السيارة شرح يغنيك عن الفحص والتجربه وقعد يقر رق علي يقول الصدمه تقريبا عشرة سنت بس انا دكتور طواري ومش فاضي سمكر غيرت البيبان جاهزة من التشليح ورشيت الجمب عشات يتحد الون ويقول انا شريت على شان اني اعرف الي فكها وكاله وهو دكتور عندي بالمستشفى وانا طشيت من سعرها عشان رش الجمب وليش اضلم نفسي عشان زيادة 15 الف وانا رجال منعم الله علي والله يابني حاجة ماتسوى
وبالاخير قال انا مشغول استشاري بقسم الطواري ولاعندي وقت فاضي لابكرة ولا بغدة ولا اسبوع ذا كله ولازم امشي واذا تبي تخلص اليله انا اخلصك يالتلفون عند معرض بس خوذ السيارة ورح يمه وانا ادق عليه ومشى الفلم علي انه صادق وان السيارة يعرفها من يوم طلعت من الوكاله وانها استخدام دكاتره ويكلمني بكل ذمة وضمير وانه تاجر ولا قامت السيارة ولا قعدت عنده وقلت بسم الله شريت
ويقرط علي المفاتيح ويبارك لي ويقول رح عليه للمعرض تخلص من عنده واخذ الموتر واستخدمته مده زي الفل بس بعد واااااقت لقيت كفر ممسح من جهه ومار يوم رحت اكشف عليه وليا الفضايح لقيت الصدمه الي يقول فقط عشره سانتي على البيبان داخله الى الشاص والشاص معدل من صدامه الامامي الى الخلفي وغيرها من الفضايح تليؤبقيمته ذي طش نصفها
وبعد هو قفل ومشى مصر
1
0
الخيل تعرف من اثمانها .
قبل 8 سنه و 8 شهر