هل تنصحون بشراء السيارة من المانيا ؟

السلام عليكم
الحقيقه ما عندي خبره بس فيه بعض الامور بخصوص المعاملات البنكيه تحتاج سؤال من الناس الخبره لان عندك الان مهمتين مهمه اختيار السياره والتحويل المالي وكل واحد ما يقل عن الثاني اهميه
،، اذا بتشتري مستعمل حسب ما سمعت تشتريها من الي يشتغلون في مصنع مرسدس ولا بي ام لانها ارخص ومضمونه واذا بتدخل حراجهم انتبه من السماسره واختار سمسار من اهل البلد وابتعد عن شو هاض ، لا تنسى تزور متحف مرسدس و متحف بي ام الحقيقه شي جميل . واذا عندك وقت لا تنسى تزور مدينه هامبورق في الشمال فيها انهار وطبيعه خلابه ، ايه يا ديار هتلر جنه الدنيا شكلي بطق تذكرتي واحجز على الرياض فرانكفورت يالله اذن الفجر لي رجعه

اول شي تأكد اذا جبتها الجمارك يقبلونها مع الانظمه الجديده ؟ 
ومن ناحية النظافه لا تشيل رقم الهيكل يجبلك تاريخها عندهم
ذا احلى شي و الشي الثاني ما يحتاج نتكلم ع نظافة سياراتهم
بس تاكد من الانظمة قبل ما تتاخذ اي خطوة 
و الله يبارك لك في السيارة اللي بتاخذها
ويعطيك خيرها و يكفيك شرها مقدما 

انا نفس الفكرة, افكر اشتري من المانيا بس المشكلة في الإجراءات والمبالغ المخفية الصغيرة لما تتجمع يطلع فرق كبير كأنك اشتريتها من هنا

طيب يا شباب خوي الوالد لها اشغال واجد بمصر واغلب قعداته هناك وقلي بيشتري مرسيدس يخت s600 هل تفرق اسعارها هناك
والي يعرف المواصفات المصريه لاني بحياتي ما شفت موتر وارد مصر احد يشتريه مدري اذا سوء مواصفاتهم ولا وش

اذا بتطلع خصيصا لألمانيا عشان توفر ماراح تقدر لأن تحسب 8 الاف ريال تكاليف فيزا وتذاكر ذهاب وعودة مع سكن ومعيشة واذا حصلت السيارة يبغالها اقل شي 15 الف حتى تخلص إجراءاتها وتصدرها ويشحنوها لك للميناء الدولي يعني عندك شحن ارضي وبحري وتأمين وجمارك وصول واجراءات تخليص كونتينر 

الحسبة تقريبا 23 الف تزيد او تنقص فبتطلع اغلى من هنا 

اما اذا انت رايح تتمشى ولا همك فارق السعر عن السعودية توكل على الله 

اذا بغيت تستفيد ياأنك تشحن اكثر من ثلاث سيارات او احد يرسلك من هناك اذا بغيت مكسب 

وبالتوفيق ان شاء الله