استشارة من خبراء المرسيديس

اخونا العضو بنززز يفيدك انتضر فقط وايضا بقية الاخوه الاعزاء

اخوي معه نفس هذي بس ٢٠٠ اربع سلندر

خدمته كثير لها معه ١٠ سنوات

المشكله عندنا بالديره مافيه ناس متخصصه بالمرسيدس
وهي ماشيه معه اذا تعرف لك ورشه مخصصه بالمرسيدس توكل على الله

ممتاز و حلو من الموديلات القوية اللي طلعت خصوصاً مكينة الفياقرا يعني انسى الحرارة لكن اهتم بصيانها ما تشتكي و تخدم معك لكن الممشى لا تهتم لان اغلب المرسيدسات القديمة مغير طبلونها فالممشى احتمال مغير
و اسعارها حسب النظافة من 5 الاف الى 15 الف هذي حدودها اكثر من كذا تدفع اذا كنت رغبان و هاوي النوع هذا ولا لك نيه تبيع فاشتري
موفق خير...

ما دامها ٣٢٠ موديل ٩٩ معناه ماكينتها M112 V6 بديلة الماكينة القديمة M104 الطويلة تبع الشبح وفرخ الشبح.

أول حاجة تأكد من بكرة الكرنك (نعم بكرة الكرنك الرئيسية اللي عليها السير) إنها كويسة أو مغيرة، لأنه الM112 والM113 (نفسه بس ٨ سلندر) كان البكرة فيها عيب، المطاط يفك مع الحرارة والاستخدام وتطير البكرة عن الكرنك وتكسر الدنيا.

الحاجة الثانية إنه هذا الموديل كان تريد الماكينة بالكامل بما فيه المكيف والجير معتمد على مروحة وحدة فقط (بعض الموديلات كان يجي عليها مروحتين صغار قدام الرديتر مع ماتور واحد وسير صغير) وتشغيل المروحة معتمد على كتوت واحد إله بالعادة يخرب. لذلك تأكد إنه اللي راكب عليها شغال وأصلي.

كمان هذا الموديل كان في مشكلة الصدأ بقواعد اليايات الامامية. لحامها ممكن يفك عن البودي وتوقع السيارة كلها وهي ماشية. طبعاً المشكلة مقتصرة على المناطق الممطرة والمثلجة واللي يستخدموا فيها الملح لتذويب الثلج وفتح الشوارع. عندنا في المملكة احتمال إنك تواجه هاي المشكبة شبه معدوم (لكن إذا كانت السيارة وارد غبر الجفالي تأكد إنها ما كانت مصلحة من قبل.)

فيها كمان احتمالية بعض مشاكل الكهرباء زي منظم مروحة المكيف والشاشات الصغيرة في الطبلون وغيرها.

بس للعلم ترى داخليتها ما تتحمل شمس أبداً! الطبلون يبهت ويشقق والمقاعد تتمزق وتتقطع. يعني يبغالك كراج مغطى في بيتك وشغلك!