أضف سؤال أو موضوع جديد          

استفسار عن تكلفة قطع غيار وصيانة الفياقرا

up 11 down 2
عبدالله 161 36
قبل 10 شهر و 3 أسبوع



السلام عليكم
حبيت استفسر عن اسعار قطع الغيار حقت المرسيدس الفياقرا..... هل هي غالية ؟
وهل صيانتها متوفره ؟؟
انا اللي اعرفه ان قطع غيار الشبح رخيصة ومتوفره لكن مادري عن الفياقرا زيها ولا لا !!
انا ودي اشتري فياقرا لكن قبل كل شي ودي اعرف اسعار الصيانة .... ارجو من الي عنده خبره يفيدنا .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحين انا بستفسر عن اسعار القطع ... وهذا المنتدى حق استفسارات
طيب ؟؟؟ لما انزل استفسار وخلال الدقيقه الاولى يجي واحد ويحط ديس لايك وشمعناتها؟


up 7 down 5
عبدالله 161 36
قبل 10 شهر و 3 أسبوع



قطع الغيار سعرها في محلات قطع الغيار

انت تشوف اسعار قطع الشبح رخيصه.. انا في نظري غاليه من تجربه لي لموديل 93


up 3 down 2
asalami 2004
قبل 10 شهر و 3 أسبوع



الشبح عن تجربة احد اقاربي واصدقائي اكدو هالشي ... القير 1500 ريال القطع الاستهلاكية من الى ماكلفت 2000 ريال


up 1 down 1
عبدالله 161 36
قبل 10 شهر و 3 أسبوع



قطع الغيار جدا معقوله ورخيصه من تجربه مع اخوي مع الفياجرا 9سنوات يعني مختم ام ام الفياجرا ههههه
شوف ميزة الألماني قطعه لها أكثر من نوع تحصل اصلي وكاله وتحصل ألماني من شركة بوش يعرفونها أصحاب الألماني 
نفس القطعه الاصليه وبنفس الجوده لكن ارخص الفرق الأصلي محفور عليه علامة المرسدس 
السياره عمليه وجباره وقليلة الأعطال وتكيفها فريزر لأنه الكمبريسر من شركة دنسو شركه يابانيه مقاسها 20 نفس الي في اللاند كروز 
أهم نقطه نظافة السياره إذا السياره شد بلد وممشاها معقول خذها 
بعطيك بعض الأسعار 
فحمات اماميه اصلي 220ريال 
هويات اماميه تجي مخرمه للتهويه مستحيل ترجع معاك الهوبات لوتمشي عليها 500الف لأن الهوب مخروم وعلى طول فيه تهويه وتبريد 
سياره اخوي من اول مشتراها ماشيه 138الف قبل تسع سنوات اول صيانه سواها في مركز معتمد للجالية كان المهندس يقوله غير الهوبات ابوس ايدك هههه
السياره مشى عليها 9سنوات ووصلت 500الف وماغير ها تخيل الفتره هذي كان يستخدمها على سرعات عاليه ويكبس بقوه على الفرامل ومع هذا مازالت تعمل بشكل ممتاز 
الهوب من كثر مانكرف صار في بطن الهوب طعج خفيف للداخل 
اتحدى سياره ثانيه تمشي 100الف بدون ماتخرط هوباتها 
عندك بعض أسعار القطع 
زي الرديتر من شركة بهير بعد الأصلي والشركة هذي تصنع للمرسيدس وللبي ام 
أغلى شي في السياره المساعدات الهيدروليك الواحد الأصلي قيمته 2300ريال تقريبا لكن لايمكن يخرب لحاله إلا إذا أكلت مطب جامد جامد وعلى سرعه 
مهم جدا في المساعدات لاقدر الله إذا خرب لاتركب المجدد والمستعمل أسعارها حدود 1500ريال ركب جديد وافتك من الموضوع ذا وصدقني عمر المساعد مااقل من 7سنوات 
فيه عندك الكمبيريسر سعره 1800ريال مقارنه بأسعار سيارات يابانيه أخرى يوصل 3000الف 
أسعار المكينه والقير رخيصه جدا 
القير 3500ريال مع التركيب 
والمكينه 4500ريال مع التركيب 
المشكله الوحيده الي تواجهك إذا كنت في مكينه صغيره  اومحافظه أو هجره مافيها صيانه بتتعب اكيد وبتكرهه السياره 
هذي أهم النقاط الي ذكرتها واي استفسار منك أومن الأعضاء انا حاضر في رسم الخدمه 
واسف على الاطاله جدا ....


up 7 down 3
قائد جيش السنافر -20
قبل 10 شهر و 3 أسبوع



^^ماشاء الله ماكنت اتوقع المرسيدس تكرف ولا نص هالكرف
لو تكرمت إيش الموديل والفئة للفياقرا اللي مع اخوك؟


up 2 down 0
دكتوراه في الحب 352
قبل 10 شهر و 3 أسبوع



قائد جيش السنافر 
اقسم بالله الهوبات كملت معي 120 الف ممشى و للحين ما خرطتها 
دام السيارة ما ترج مع الفرامل ليه اخرطها 
و نرا اغلب السيارات يجي يغير اقمشة العامل يقله خرط عشان يكسب في شغل اليد و فيه ناس للأسف تجهل في السيارات اتفه الأمور فيها 
هذا و سيارتي هونداي فطبيعي جدا المرسيدس


up 1 down 0
rraammooss 893
قبل 10 شهر و 3 أسبوع



نصيحة مرسدس لاتاخذ الا وكالة وتحت الضمان
كان معي شبح طلع الخشب في راسي
وطحت بين ايدين هالشوام اللي والله مايرحمونك لو تموت
خذ لك ياباني جديد يعزك ويغنيك عن الورش ولاخجمة الماني راح عليه 15 سنة تصرف عليه كانه واحد من عيالك
المواتر وناخوك نشتريها تخدمنا ماهوب حنا اللي نخدمها


up 8 down 2
سند10 979
قبل 10 شهر و 3 أسبوع



نصيحه من تجربه يفضل تاخذ موديل ٢٠٠٣-٢٠٠٥ لان نظام الهيدروليك في القديم ٩٩-٢٠٠٢ كان متعب وكثير الاعطال اما الاحدث فكان اقل اعطال وحتى شكل الديكور الداخلي تم تغييره في ٢٠٠٣ اصبح اجمل . بخصوص قطع الغيار رخيصه واسعارها معقوله لكن انتبه من الصداء كان معنا واحد سبب لاخوي صداع بسبب الصداء وعادة يبدا من فوق الكفر الخلفي فلو حبيت تشتري يفضل تاخذ من الرياض او اي منطقه جافه . المرسدس سيارات حلوه وكثير يعرفون يسوون له صيانه والمستعمل رخيص وان شاء الله ربي يوفقك بواحد نظيف . 


up 1 down 0
abofarah 823
قبل 10 شهر و 3 أسبوع



ولك لايك لعيون الفياقرا +١


up 0 down 0
abofarah 823
قبل 10 شهر و 3 أسبوع



الفياجرا كان موديلها 2002 مقاس 500 
ابوفرح كلامك صحيح أفضل الموديلات من 2003 وفوق 
حتى لعلمك 2002 وتحت الي فيها مشاكل في الهيدروليك لو ضرب عليك مساعد 
القطعه الجديده الي بتاخذها مطوره ومحسنين المشاكل الي فيها 
الأخ سند الشبح مانصحك فيه المرسيدس ماضبط والغو أغلب المشاكل إلا من الفياجرا 
وبصراحه في ناس يشتري له مرسيدس بي 10الف ويقعد يقول بهذلتني وفيها وفيها 
هذي مشكله صراحه هذالمبلع اصلا ماتجيب سياره ممتازه 


up 1 down 1
قائد جيش السنافر -20
قبل 10 شهر و 3 أسبوع



ياقائد السنافر والله ماشريت موتري ب 10
شريته قبل 15 سنة ب 50 الف ورده يحبه قلبك
لكن صيانته مسيطر عليها السواريه الله يهديهم ويصلخونك صلخ تكره منها الموتر
اما ان الفياقرا افضل من الشبح اسمحلي وناخوك اقول انك ماتعرف المرسدسات
الشبح افضل ماصممت مرسدس من شكل وهيبة وقوه وصبر
الشبح المستعمل يصلح تشتريه في البلدان الاخرى لان عندهم صيانه غير مكلفة لكن عندنا صيانته مكلفة جدا ومن تجربة


up 2 down 3
سند10 979
قبل 10 شهر و 3 أسبوع



اضم صوتي لصوت الإخوان استخدمت 320 موديل 2002 والأخرى 500 موديل 2005 جميعها روعه ماحصل زعلتيني في اي امر ولا غيرت لها إلا اقمشة فرامل فقط واللي شرائها مني ال 500 إلى الان يستخدمها وماشاء الله مثل الساعة كل مقابلته دعالي المهم احرص على. شراء النظيف والممشى المعقول


up 0 down 0
محب السنه 248
قبل 10 شهر و 3 أسبوع



طيب سؤال ... دام هيدروليك 2002 ونازل خرباته كثير ماقدر اركبله حق 2003 وفوق ؟


up 0 down 0
عبدالله 161 36
قبل 10 شهر و 3 أسبوع



يشباب انا من مستخدمين الفياقرا وانصح بها لكن لزم تركب وكاله الافظل
فيه نقطه البعض يجهلها اذا كنت مشتري فياقرا وغيرت الزيت انصحك تغير شريحت القير معه الانها راح تخرب معاك اذا كنت اول مره تشتريها وتستخدمها



up 0 down 0
nayad
قبل 9 شهر و 3 أسبوع



العمر الافتراضي لشريحه 10 سنوات وقيمتها وكاله 550
فا غير وريح الان القير مايخرب الا من الشريحه



up 0 down 0
nayad
قبل 9 شهر و 3 أسبوع



عندي مشكله صغيره الي يحلها ادعيله عنددي بعض الخدوش قهرتني مدري كيف اضبطها


up 0 down 0
nayad
قبل 9 شهر و 3 أسبوع



يشباب بنسوي قروب خاص ب الفياقرا من 99 الي 2005 وهذا رقمي 0565408938


up 0 down 0
nayad
قبل 9 شهر و 3 أسبوع



نتناقش فيه ونتبادل الخبرات


up 0 down 0
nayad
قبل 9 شهر و 3 أسبوع